ରାଇହରି-ଜାମୁଡ଼ାଳି ଗ୍ରାମ୍ୟ ରାସ୍ତା ମରଣଯନ୍ତା ! କାଦୁଅ ପଚ୍ ପଚ୍ କଂକ୍ରିଟ ରାସ୍ତା ନିର୍ମାଣ ଦାବି
ମୟୂରଭଂଜ – ୧୯/୦୮ — ମୟୁରଭଞ୍ଜ ଜିଲ୍ଲାର ବିଜାତଳା ବ୍ଲକ ଅଧିନ ରାଇହରି ପଞ୍ଚାୟତର ରାଇହରି ଠାରୁ ଜାମୁଡ଼ାଳି ଗାଁ ରାସ୍ତା ବର୍ଷାଦିନେ ଢେ଼ାଲ ତ ଖରାଦିନେ ଖାଲ ଢିପ । ଏହି ରାସ୍ତାର ଶୋଚନୀୟ ଅବସ୍ଥା ସମ୍ପର୍କରେ ବାରମ୍ବାର ଗଣମାଧ୍ୟମରେ ପ୍ରକାଶିତ ହୋଇଆସୁଥିଲେ ମଧ୍ୟ ଏ ପର୍ଯ୍ୟନ୍ତ ପ୍ରଶାସନର ଦୃଷ୍ଟି ପଡ଼ିନାହିଁ | ସୂଚନାଯୋଗ୍ୟ ଯେ ରାଇହରି -ଜାମୁଡ଼ାଳି ଗ୍ରାମ୍ୟ ରାସ୍ତା ଦୀର୍ଘ ବର୍ଷ ହେଲା ଖାଲଖମାଲ ହୋଇ ପଡିରହିଛି | ଗ୍ରାମବାସୀ ପଞ୍ଚାୟତ ଏବଂ ବ୍ଲକ ପ୍ରଶାସନର ଦୃଷ୍ଟି ଆକର୍ଷଣ କରିଆସୁଥିଲେ ମଧ୍ୟ କିଛି କାମ ହେଉନ ଥିବା ଯୋଗୁଁ ଅଂଚଳବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି । ପ୍ରତିଶ୍ରୁତି ଓ କଥା କୁହା ଜନପ୍ରତିନିଧି ଙ୍କ ଵାକ୍ଯବାଣ ସବୁ ପାଣିରେ ଗାର ।
ରାଇହରି ଗ୍ରାମପଞ୍ଚାୟତ କାର୍ଯ୍ୟାଳୟକୁ ଯିବା ଆସିବା ପାଇଁ ପନ୍ଦର ବର୍ଷ ତଳେ ରାଇହରି ଓ ଜାମୁଡାଳିର କିଛି ଲୋକେ ନିଜସ୍ୱ ମାଲିକାନାରେ ଥିବା ଜମି ଦାନ କରି ଏହି ଦୁଇ କିଲୋମିଟର ବିଶିଷ୍ଟ ରାସ୍ତା ନିର୍ମାଣ କରିଥିଲେ | କିନ୍ତୁ ପରିତାପର ବିଷୟ ସେହି ଦିନଠାରୁ ଏପର୍ଯ୍ୟନ୍ତ ସରକାରୀ ଭାବେ ରାସ୍ତାର ଉନ୍ନତିକରଣ ପାଇଁ କୌଣସି ଅର୍ଥରାଶି ବ୍ୟୟବରାଦ ହୋଇନାହିଁ | କେବଳ ନାଳ ଉପରେ ପୋଲ ଏବଂ ପୋଲର ଉଭୟ ପାର୍ଶ୍ୱରେ ପଚାଶ ମିଟର ବିଶିଷ୍ଟ ନିମ୍ନମାନର କଂକ୍ରିଟ ରାସ୍ତା ବ୍ୟତୀତ ଆଉ କୌଣସି କାମ ହୋଇନାହିଁ | ଫଳରେ ରାସନ ସାମଗ୍ରୀ ଆଣିବା ପାଇଁ,ସ୍କୁଲ ,ଡାକ୍ତରଖାନା,ବ୍ଳକ କାର୍ଯ୍ଯାଳୟ ,ବ୍ଯାଙ୍କ,ଲ୍ଯାମ୍ପକୁ ଯିବା କଷ୍ଟକରହୋଇପଡିଛି ।ଏହି ରାସ୍ତା ଦେଇ ୩/୪ ଟି ପଞ୍ଚାୟତର ଲୋକେ ନିର୍ଭର କରିଥାନ୍ତି । ତେଣୁ ଖୁବଶୀଘ୍ର ଏହି ରାସ୍ତାକୁ କଂକ୍ରିଟ ରାସ୍ତା ନିର୍ମାଣ ପାଇଁ ଗ୍ରାମବାସୀ ଦାବି କରୁଛନ୍ତି ଦାବି ପୂରଣ ନ ହେଲେ ସଡ଼କରେ ପରିଣତ ନକଲେ ଅଂଚଳବାସୀ ଆନ୍ଦୋଳନକୁ ଓହ୍ଲାଇବେ ବୋଲି କହିଛନ୍ତି ।
ମୟୂରଭଂଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
