ଶକ୍ତି ସଂରକ୍ଷଣ ଏବଂ ଧାରଣୀୟ ଭବନ ସଂହିତା (ECSBC) ନିୟମ ଏବଂ ଅନୁପାଳନ ପ୍ରକ୍ରିୟା ଉପରେ ଦୁଇ ଦିନିଆ ତାଲିମ ଶିବିର
ରାଉରକେଲା ୨୦/୮, EIC (ବିଦ୍ୟୁତ)-cum-PCEI ଏବଂ ରାଜ୍ୟ ନିର୍ମିତ ଏଜେନ୍ସି (SDA) କାର୍ଯ୍ୟାଳୟ ଅଧୀନରେ କାର୍ଯ୍ୟ କରୁଥିବା ବିଲିଂ ସେଲ୍, ୨୦ ଏବଂ ୨୧ ଜୁଲାଇ ୨୦୨୫ରେ ECSBC ନିୟମ ଏବଂ ଅନୁପାଳନ ପ୍ରକ୍ରିୟା ଉପରେ ଏକ ଦୁଇଦିନିଆ ତାଲିମ ଶିବିର ସଫଳତାର ସହ ରାଉରକେଲା ମ୍ୟୁନିସିପାଲ କର୍ପୋରେସନର କାଉନସିଲ୍ ହଲରେ ଆୟୋଜନ କରାଯାଇଛି।
ଏହି କାର୍ଯ୍ୟକ୍ରମରେ ରାଉରକେଲା ମହାନଗର ନିଗମ, ରାଉରକେଲା ଉନ୍ନୟନ କର୍ତ୍ତୃପକ୍ଷ, ସୁନ୍ଦରଗଡ଼, ରାଜଗାଙ୍ଗପୁର ଏବଂ ବୀରମିତ୍ରପୁର ପୌରପାଳିକା, IDCO, ପୂର୍ତ୍ତ ବିଭାଗ, WATCO, NIT ରାଉରକେଲା, ରାଉରକେଲା ସ୍ମାର୍ଟ ସିଟି ଲିମିଟେଡ (ଅଂଶ ଏବଂ ଶକ୍ତି) ବିଭାଗର ଅଧିକାରୀମାନେ ଯୋଗ ଦେଇଥିଲେ ।
ଏହି କାର୍ଯ୍ୟକ୍ରମକୁ ରାଉରକେଲା ମହାନଗର ନିଗମ ଯୁଗ୍ମ କମିଶନର ଶ୍ରୀମତୀ ପଲ୍ଲବୀ ନାୟକ, ଉଦ୍ଘାଟନ କରିଥିଲେ। EIC(ବିଦ୍ୟୁତ) ସହ PCEI ଏବଂ ରାଜ୍ୟ କ୍ଷମତାପ୍ରାପ୍ତ ଏଜେନ୍ସି(SDA) କାର୍ଯ୍ୟାଳୟର ଅଧୀକ୍ଷଣ ଯନ୍ତ୍ରୀ (ବିଦ୍ୟୁତ)- ସହ-ଉପ-ବୈଦ୍ୟୁତିକ ପରିଦର୍ଶକ ଯନ୍ତ୍ରୀ ବିକାଶ ମହାପାତ୍ର ସ୍ବାଗତ ଭାଷଣ ଦେଇ ECSBC କୋଡ୍ ବିକଶିତ କରିବା ପାଇଁ ULB ସହିତ ସହଯୋଗର ଆବଶ୍ୟକତା ଉପରେ ଆଲୋକପାତ କରିଥିଲେ। ତାଙ୍କର ଉଦ୍ଘାଟନୀ ଭାଷଣରେ, ମହାନଗର ନିଗମ ଯୁଗ୍ମ କମିଶନର ଶ୍ରୀମତୀ ପଲ୍ଲବୀ ନାଏକ କୋଡ୍ଗୁଡ଼ିକର ସୁଗମ କାର୍ଯ୍ୟାନ୍ଵୟନ ପାଇଁ କୋଠା କ୍ଷେତ୍ରର ହିତାକାରୀମାନଙ୍କ ଦ୍ବାରା ଏହି ଦିଗରେ ପଦକ୍ଷେପ ନେବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ I
ତାଲିମ ଅଧିବେଶନଗୁଡ଼ିକ ଶକ୍ତି ଦକ୍ଷତା ବ୍ୟୁରୋର ମାଷ୍ଟର ଟ୍ରେନର ରାଣା ପ୍ରତାପ ପୋଦ୍ଦାର ଓ କୁମାର ବିପ୍ଳବଙ୍କ ନେତୃତ୍ବରେ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ବାଣିଜ୍ୟିକ ଏବଂ ଆବାସିକ କୋଠା ପାଇଁ ECSBC କୋର୍ଡ ପାଳନ ଉପରେ ବୈଷୟିକ ଅଧିବେଶନ, ବିସ୍ତୃତ ଅନୁପାଳନ ପ୍ରକ୍ରିୟା ଏବଂ ଶକ୍ତି ସିମୁଲେସନ ସଫ୍ଟୱେର୍ ତାଲିମ ଅନ୍ତର୍ଭୁକ୍ତ ଥିଲା । ଏହି ତାଲିମ SDAର ଜାରି ଥିବା ଟ୍ରେନିଂ ଅନୁକ୍ରମର ପଦକ୍ଷେପ । ଶକ୍ତି ଦକ୍ଷତା ବ୍ୟୁରୋ (BEE) ଦ୍ବାରା ପ୍ରକାଶିତ ECSBC କୋର୍ଡ ଅନୁସାରେ ଓଡ଼ିଶା ଶକ୍ତି ସଂରକ୍ଷଣ ବିଲଡିଂ କୋଡ୍ (OECBC) ୨୦୨୨ର ସଂଶୋଧନ ଦିଗରେ ଏକ ସ୍ବତନ୍ତ୍ର ପଦକ୍ଷେପ ।
ଆଗାମୀ ମାସଗୁଡ଼ିକରେ SDA ଦ୍ବାରା ଯାଜପୁର, ବ୍ରହ୍ମପୁର, ପୁରୀ ଇତ୍ୟାଦି ପାଇଁ କର୍ମଶାଳା ଯୋଜନା କରାଯାଇଛି। ଏଥିରେ ଅଧିକ ସୂଚନା ଏବଂ ଅଂଶଗ୍ରହଣ ପାଇଁ ଆଗ୍ରହୀ ବ୍ୟକ୍ତିମାନେ EIC(E)-cum-PCEI(O) କାର୍ଯ୍ୟାଳୟ ସହିତ ଯୋଗାଯୋଗ କରିପାରିବେ ବୋଲି ସୂଚନା ଦିଆଯାଇଛି।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
