ରାୟଗଡ଼ା ଜିଲ୍ଲା ବିଜେଡିର ସାମ୍ବାଦିକ ସମ୍ମିଳନୀ — ମହାଭାରତ ଶେଷ ଧର୍ମର ଜୟ ସୁଧୀର ଙ୍କ କଟଷ
ରାୟଗଡ଼ା, . ପୂର୍ବତନ ରାଜ୍ୟସଭା ସାଂସଦ ଏନ. ଭାସ୍କର ରାଓଙ୍କ ପଦତ୍ୟାଗ ପତ୍ରକୁ ନେଇ ରାୟଗଡ଼ା ଜିଲ୍ଲା ବିଜେଡି ପକ୍ଷରୁ ଆଜି ଏକ ସାମ୍ବାଦିକ ସମ୍ମିଳନୀ ଆୟୋଜିତ ହେଲା। ଏଥିରେ ଜିଲ୍ଲା ବିଜେଡି ସଭାପତି ଜଗନ୍ନାଥ ସାରକା ସ୍ପଷ୍ଟ କରିଥିଲେ ଯେ, ଭାସ୍କର ରାଓଙ୍କ ପଦତ୍ୟାଗ ଜିଲ୍ଲା ପାଇଁ ମଙ୍ଗଳକାରୀ ହେବ।
ସେ କହିଥିଲେ ଯେ, ଭାସ୍କର ରାଓ ଯେଉଁ ସ୍ଥାନରେ ଆଜି ରହିଛନ୍ତି, ସେଥିରେ ବିଜେଡି ଦଳର ଅବଦାନ ରହିଛି। ସେହିପରି, ଦଳରୁ ମିଳୁଥିବା ସୁବିଧାକୁ ଅସ୍ୱୀକାର କରିବାର ତାଙ୍କ ଚେଷ୍ଟାକୁ ସାରକା ଖଣ୍ଡନ କରିଥିଲେ।
ସୁଧୀର ଦାସଙ୍କ କଟୁକ୍ଷେପ ପୂର୍ବତନ ଜିଲ୍ଲା ସଭାପତି ସୁଧୀର ଦାସ, ଭାସ୍କର ରାଓଙ୍କୁ “ଗୁରୁଦ୍ରୋହୀ ଓ ଦଳଦ୍ରୋହୀ” ବୋଲି କଟୁକ୍ଷେପ କରିଥିଲେ। ସେ କହିଥିଲେ, “ଆମେ ଏହିପରି ବ୍ୟକ୍ତି ସହ କାମ କରିବାକୁ କେବେବି ପ୍ରସ୍ତୁତ ନଥିଲୁ।”
ସେହିପରି ସେ ଅଭିଯୋଗ କରିଥିଲେ ଯେ, ରାୟଗଡ଼ା ବିଜେଡିରେ ଦିନେକି “ମହାଭାରତ” ଚାଲୁଥିଲା ଓ କୌରବ–ପାଣ୍ଡବଙ୍କ ଲଢେଇ ଭଳି ପରିସ୍ଥିତି ସୃଷ୍ଟି ହୋଇଥିଲା। କିନ୍ତୁ ଶେଷରେ ଧର୍ମର ଜୟ ହୋଇଛି।
ଭାସ୍କରଙ୍କୁ ଦାୟୀ କଲେ ସୁଧୀର ଦାସ ଏହାପର୍ଯ୍ୟନ୍ତ କହିଥିଲେ ଯେ, ଗତ ନିର୍ବାଚନରେ ଜିଲ୍ଲାର ବିଧାୟକ ଓ ସାଂସଦଙ୍କ ହାର ପାଇଁ ଭାସ୍କର ରାଓ ସ୍ୱୟଂ ଦାୟୀ। ସେ 2000 ମସିହାରେ କ’ଣ ଥିଲେ ଓ ଆଜି କ’ଣ ହୋଇଛନ୍ତି, ସେଥିରେ ସ୍ପଷ୍ଟ ସଫାଇ ଦେବାକୁ ତାଙ୍କୁ ପ୍ରଶ୍ନ କରିଥିଲେ। ସେ କହିଥିଲେ ଯେ, ଦଳରେ ରହି ଭାସ୍କର ଯେଉଁ ଅନ୍ତର୍ଘାତି କାର୍ଯ୍ୟ କରିଛନ୍ତି, ତାହା ପାଇଁ ସମସ୍ତ କର୍ମୀଙ୍କର ହୃଦୟର ଯନ୍ତ୍ରଣା ଆଜି ବାହାରିଆସିଛି।
କର୍ମୀଙ୍କ ମତାମତ ଉପସ୍ଥିତ ଅଧିକାଂଶ ଜିଲ୍ଲା ବିଜେଡି ନେତା ଓ କର୍ମୀମାନେ କହିଥିଲେ ଯେ, ଭାସ୍କର ରାଓଙ୍କ ପଦତ୍ୟାଗ ଦଳ ପାଇଁ “ଶୁଭଙ୍କର”। ସେମାନେ ଆଗାମୀ ଦିନରେ ସଂଗଠନକୁ ଆହୁରି ସୁଦୃଢ଼ କରିବାକୁ ସମ୍ମତି ପ୍ରକାଶ କରିଥିଲେ। ଆଗାମୀ କାର୍ଯ୍ୟକ୍ରମ ଜିଲ୍ଲା ବିଜେଡି ପକ୍ଷରୁ ଆଗାମୀ କିଛି ଦିନରେ ବଡ଼ ପରିମାଣରେ ଦଳୀୟ କାର୍ଯ୍ୟକ୍ରମ ଆୟୋଜନ କରାଯିବ ବୋଲି ସୂଚନା ଦିଆଯାଇଛି।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
