ରାୟପୁର ରେ ଓଡ଼ିଶୀ ନୃତ୍ୟର ଝଲକ, ଶାସ୍ତ୍ରୀୟ ନୃତ୍ୟ ଓ଼ ସଂଗୀତର ତାଳେତlଳେ ଝୁମିଲେ ଦର୍ଶକ
ଭୁବନେଶ୍ୱର:- କମଳା ଦେବୀ ସଙ୍ଗୀତ ମହାବିଦ୍ୟାଳୟ ତରଫରୁ ପଲୁସ୍କର ସ୍ମୃତି ତଥା ଡ଼ଃ ଶ୍ରୀମତୀ ଅନିତା ସେନ୍ ଜୟନ୍ତୀ ଛତିଶଗଡ ସ୍ଥିତ ରାୟପୁର ଠାରେ ଅନୁଷ୍ଠିତ ହୋଇଯାଇଅଛି। ଭାତଖଣ୍ଡେ ଲଳିତକଳା ଶିକ୍ଷା ସମିତି ଦ୍ଵାରା ସଂଚାଳିତ କମଳା ଦେବୀ ସଙ୍ଗୀତ ମହାବିଦ୍ୟାଳୟ ଛତିଶଗଡ ର ଏକ ସୁପ୍ରତିଷ୍ଠିତ ଅନୁଷ୍ଠାନ । ଉକ୍ତ ସନ୍ଧ୍ୟରେ ବରେଣ୍ୟ ଅତିଥି ଯୋଗଦେଇ ପ୍ରଦୀପ ପ୍ରଜ୍ୱଳନ କରିବା ସହିତ ଅନୁଷ୍ଠାନର ଉତ୍ତରୋତ୍ତର କାମନା କରିଥିଲେ ।
କଳିଙ୍ଗାୟନ ତୌର୍ୟତ୍ରିକମ ଅନୁଷ୍ଠାନର ମୁଖ୍ୟ ଗୁରୁ ପୁଷ୍ପିତା ମିଶ୍ର ମୁଖ୍ୟ କଳାକାର ଭାବରେ “ଅହଲ୍ୟା” ଓଡ଼ିଶୀ ନୃତ୍ୟ ମାଧ୍ୟମରେ ପରିବେଷଣ କରିଥିଲେ । ପରେ ପରେ କଳିଙ୍ଗାୟନ ତୌର୍ୟତ୍ରିକମ ଅନୁଷ୍ଠାନ ନୃତ୍ୟ ଶିଳ୍ପୀ ମାନଙ୍କ ଦ୍ଵାରା ପ୍ରଥମେ ସରସ୍ଵତୀ ବନ୍ଦନା ପରେ ପରେ ଶାସ୍ତ୍ରୀୟ ଗାୟନ ଓ ଲୋକ ସଙ୍ଗୀତ ପରିବେଷଣ କରିଥିଲେ।
ଓଡ଼ିଶା ରୁ କଳିଙ୍ଗାୟନ ତୌର୍ୟତ୍ରିକମ ଅନୁଷ୍ଠାନ ର ମିତା ଦାସ, ଡଃ ସୁସ୍ମିତା ଦାଶ, ଶ୍ରୀୟାଶ୍ରୀ ପତି, ଅଦ୍ୟାସା ମିଶ୍ର , ଜ୍ୟୋତିର୍ମୟୀ ଷଡ଼ଙ୍ଗୀ ଏବଂ ତାରିଣୀ ନାୟକ ପ୍ରମୁଖ ଯୋଗଦେଇଥିଲେ। ଉକ୍ତ କାର୍ୟ୍ୟକ୍ରମ ରେ ବହୁ ନୃତ୍ୟଗୁରୁ,କଣ୍ଠଶିଳ୍ପୀ, କଳାକାର ଏବଂ ଦର୍ଶକ ଉପସ୍ଥିତ ଥିଲେ ।
