ସଙ୍କଟରେ ବୁଣାକାର ପରିବାର
ଢେ଼ଙ୍କାନାଳ (ମନିସ)30/9/25 — ଘରକୁ ପ୍ରବେଶ କରିବା ମାତ୍ରେ ଶୁଭେ ଠକ୍ ଠକ୍ ଶବ୍ଦ । ଏ ହେଉଛି ଢେ଼ଙ୍କାନାଳ ଜିଲ୍ଲା ସଦର ବ୍ଲକ ବାଲ୍ୟମ୍ବା ପଞ୍ଚାୟତ ସରାକପାଟଣା ଗ୍ରାମର ବୁଣାକାର ପରିବାରମାନେ । ନିଜ କୌଳିକ ବୃତ୍ତିକୁ ଭଲ ପାଉଛନ୍ତି ଏବଂ ନିଜର କୌଳିକ ବୃତ୍ତି ତାଙ୍କ ମାନଙ୍କୁ କରିଛି ରୋଜଗାର କ୍ଷମ । କେଉଁଠି ତନ୍ତରେ ଲୁଗା,ଗାମୁଛା ବୁଣା ଚାଲିଥାଏ ତ ଆଉ କେଉଁଠି ଦେଖିବାକୁ ମିଳେ ବିଭିନ୍ନ ରଙ୍ଗର ସୂତାକୁ ମଣ୍ଡଦେଇ ଶୁଖେଇ ଯିବାର ଦୃଶ୍ୟ । ଯିଏ ନିଜ କାମକୁ ହୃଦୟରୁ ଭଲ ପାଉଛି । ନିଶ୍ଚୟ ସେ ଦିନେନା ଦିନେ ସଫଳତା ପାଇଛି ଏବଂ ଏହି କୌଳିକ ବୃତ୍ତିକୁ ବୁଣାକାର ସହ ପରିବାର ଏହି କାମରେ ସହଯୋଗ କରନ୍ତି କିଏ ସୂତାରେ ରଙ୍ଗ କରନ୍ତି ତ ଆଉ କିଏ ତ କିଏ ବାନ୍ଧକାମ କରେ ଆଉ କିଏ ସୂତା ଗୁଡ଼ରେ ସାହାଯ୍ୟ କରେ । ଏହି କୌଳିକ ବୃତ୍ତିରୁ ବେଶ ଦି ପଇସା ରୋଜଗାର କରି ହସ ଖୁସିରେ ଏମାନଙ୍କର ପରିବାର ଚଳିଯାଏ । ଯଦି ସରକାରୀ ସୁବିଧା ସାହାଯ୍ୟ ମିଳିବ ଏଠାରେ ଅଧିକ ଲୋକଙ୍କୁ କର୍ମସ୍ଥାନ ମିଳିପାରିବ ବୋଲି ସେମାନେ ଆଶାବାଦୀ । ଏହି ବୁଣାକାର ମାନଙ୍କ ପାଇଁ ସ୍ବତନ୍ତ୍ର ପ୍ୟାକେଜ କେବେ ଘୋଷଣା କରିବେ ରାଜ୍ୟସରକାର । ଯାହାକୁ ଚାତକପରି ଚାହିଁ ବସିଛନ୍ତି ଏହି ବୁଣାକାର ପରିବାରର ଲୋକେ । ଆଗାମୀ ଦିନରେ ତାହା ଦେଖିବାକୁ ବାକି ରହିଲା ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
