ପାରିବାରିକ ଗଣ୍ଡଗୋଳରୁ ମରଣାତ୍ମକ ଆକ୍ରମଣ, ୨ ଗିରଫ
ଡାବୁଗାଁ, ୧୩/୧୦ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ପୋଲିସ ପାରିବାରିକ ଗଣ୍ଡଗୋଳରୁ ମରଣାତ୍ମକ ଆକ୍ରମଣ ଅଭିଯୋଗରେ ୨ ଜଣ ଙ୍କୁ ସୋମବାର ଗିରଫ କରି କୋର୍ଟ ଚାଲାଣ କରିଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ଦୟାଗୁଡା ଗ୍ରାମରେ ୧୦.୧୦. ୨୫ ଦିନ ରାତ୍ର ପ୍ରାୟ ୮ ଘ ସମୟରେ ରୂପା ଭତ୍ରା ଓ ତାଙ୍କ ପୁଅ ଯୋଗେଶ ଭତ୍ରା ନିଜର ପାରିବାରିକ ଗଣ୍ଡଗୋଳ ଓ ଶତ୍ରୁତାକୁ ନେଇ ସାନଭାଇ ଲକ୍ଷ୍ମୀଧର ଭତ୍ରାଙ୍କୁ ହଠାତ ମରଣାତ୍ମକ ଆକ୍ରମଣ କରିଥିଲେ | ଫଳରେ ଲକ୍ଷ୍ମୀଧର ଆହତ ହୋଇ ପ୍ରଥମେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରଯାଇଥିଲା | ସେଠାରେ ତାଙ୍କର ଅବସ୍ଥା ଗୁରୁତ୍ତର ହେବାରୁ ତାଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରଯାଇଥିଲା | ପରେ ଉନ୍ନତ ଚିକିତ୍ସା ନିମନ୍ତେ କୋରାପୁଟ ସହିଦ ଲକ୍ଷ୍ମଣ ନାଏକ ମେଡିକାଲ କଲେଜ ଓ ହସପିଟାଲ କୁ ସ୍ଥାନାନ୍ତର କରାଯାଉଛି | ଲକ୍ଷ୍ମୀଧର ବର୍ତ୍ତମାନ ସେଠାରେ ଚିକିତ୍ସିତ ହେଉଛନ୍ତି | ଏନେଇ ଲକ୍ଷ୍ମୀଧର ଙ୍କ ସ୍ତ୍ରୀ ଗୁରୁବାରୀ ମାଝି ୧୨.୧୦.୨୫ ଦିନ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା କେସନଂ ୨୦୫/୨୫ରେ ଏକ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଥିଲା | ସୋମବାର ୨ ଅଭିଯୁକ୍ତ ରୂପା ଭତ୍ରା (୪୫) ଓ ତାଙ୍କ ପୁଅ ଯୋଗେଶ ଭତ୍ରା (୧୯) ଗିରଫ କରି ଅପରାହ୍ନରେ କୋର୍ଟ ଚାଲାଣ କରାଯାଇଛି ବୋଲି ଦଦନ୍ତକାରୀ ଅଧିକାରୀ ସବଇନିସ୍ପେକ୍ଟର ବିକ୍ରମ କିଶୋର ସାହୁ ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
