ଝିଆରୀ କୁ ଦୁଷ୍କର୍ମ ମାମଲାରେ ପିଉସା କୁ କୋଡିଏ ବର୍ଷ ସଶ୍ରମ କାରାଦଣ୍ଡ ସମେତ ଜୋରିମାନା
ମୟୂରଭଂଜ – 16-10- ଆଜି ଏକ ଦୁଷ୍କର୍ମ ଅଭିଯୋଗ ସଂକ୍ରାନ୍ତ ମାମଲାର ବିଚାର କରି ମାନ୍ୟବର ଆଡ଼ ହକ ଆଡିସନାଲ ଜିଲ୍ଲା ଓ ଦୌରାଜଜ ଫାଷ୍ଟଟ୍ରାକ ସ୍ପେଶାଲ କୋର୍ଟ ଅଣ୍ଡାର ପୋକ୍ସ ଆକ୍ଟ ସନ୍ତୋଷ କୁମାର ନାୟକ ଅଭିଯୁକ୍ତ ମୟୁରଭଞ୍ଜ ଜିଲ୍ଲା ବହଳଦା ଥାନା ଅନ୍ତର୍ଗତ ବଡ଼ଦୁନ୍ଦୁ ଗ୍ରାମର ଏସ କେ ନାସିରୁଦିନ (50) କୁ ଦଫା 6 ଅଫ ପୋକ୍ସ ଆକ୍ଟ ଅନୁଯାୟୀ କୋଡିଏ ବର୍ଷ ସଶ୍ରମ କାରାଦଣ୍ଡ ସମେତ ଦଶ ହଜାର ଟଙ୍କା ଜୋରିମାନା ଅନାଦେୟ ଅଧିକ ଛଅ ମାସ ସଶ୍ରମ କାରାଦଣ୍ଡ ରେ ଦଣ୍ଡିତ କରିଛନ୍ତି l ଏଥି ସହିତ ଆଦାୟ ଜୋରିମାନା ଅର୍ଥ ପୀଡିତା କୁ ଦେବା ପାଇଁ ରାୟରେ ଉଲେଖ କରାଯାଇଅଛି l ମାମଲାର ବିବରାଣୀ ରୁ ପ୍ରକାଶ ଯେ ପୀଡିତା ପାଞ୍ଚ ବର୍ଷ ବୟସରୁ ତାର ପିଉସା ଏସ କେ ନାସିରୁଦିନ ଘରେ ରହି ପାଠ ପଢୁଥିଲା l ଯେତେବେଳେ ସିଏ ମାଟ୍ରିକ ପାସ କଲା ତା ସହିତ ଅଭିଯୁକ୍ତ ପିଉସା ଶାରୀରିକ ସମ୍ପର୍କ ରଖିବାକୁ ବାଧ୍ୟ କଲା l ଏଥି ସହିତ ଏ କଥା କାହାରି ଆଗରେ ପ୍ରକାଶ କଲେ ଜୀବନରୁ ମାରିଦେବାର ଧମକ ମଧ୍ଯ ଦେଇଥିଲା l 21-11-2022 ରେ ପୀଡିତା ତାଙ୍କ ସମ୍ପ୍ରଦାୟର ଜଣକୁ ବିବାହ କଲା l ବିବାହ ପରେ ମଧ୍ଯ ଅଭିଯୁକ୍ତ ପିଉସା ପୀଡିତା କୁ ଫୋନରେ ବାରମ୍ବାର ଧମକ ଦେଇ କହୁଥିଲା ତୋର ସ୍ୱାମୀ ସହିତ ସମ୍ପର୍କ ନ ରଖି ମୋ ସହିତ ସମ୍ପର୍କ ରଖ ନହେଲେ ତୋର ସ୍ୱାମୀକୁ ବିଷ ଦେଇ ମାରିଦେବି l ଏ କଥା ତାର ସ୍ୱାମୀ ଜାଣିବା ପରେ ତାକୁ ଘରୁ ବାହାର କରିଦେଇଥିଲା l ଫଳରେ ପୀଡିତା ତାର ବାପ ଘରେ ରହୁଥିଲା l ଏ ବାବଦରେ ପୀଡିତା ଙ୍କ ଲିଖିତ ଅଭିଯୋଗ କ୍ରମେ ବହଳଦା ଥାନାରେ କେସ ନମ୍ବର 26/9-3-2023 ରେ ଏକ ଦୁଷ୍କର୍ମ ମାମଲା ରୁଜୁ କରିବା ସହ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରାଯାଇଥିଲା l ଆଜି ମାନ୍ୟବର ଅଦଲତ ପକ୍ଷରୁ ସମସ୍ତ ସାକ୍ଷୀ ଏବଂ ଆବଶ୍ୟକୀୟ ପ୍ରମାଣପତ୍ର କୁ ଭିତ୍ତି କରି ଚୂଡାନ୍ତ ରାୟ ପ୍ରକାଶ ପାଇଅଛି l ଉକ୍ତ କେସକୁ ସରକାରୀ ଅଭିଯୋଗକ ମନୋରନଞ୍ଜ ପଟ୍ଟନାଏକ ପରିଚାଳନା କରୁଥିବାବେଳେ ଜିଲ୍ଲା ଅଭିଯୋଗକ ନିର୍ଦ୍ଧଶାଳୟ ତରଫରୁ କେସକୁ ନିରୀକ୍ଷଣ କରାଯାଉଥିଲା l
ମୟୂରଭଂଜ ରୁ ଅକ୍ଷୟ ବିଶ୍ଵାଳ ମସିହା ନିଉଜ
