ଶ୍ରୀମନ୍ଦିର ନୀଳଚକ୍ର
ନୀଳାଚଳ ଧାମେ ଶ୍ରୀମନ୍ଦିର ଚୂଳେ
ନୀଳଚକ୍ର ଶୋଭା ପାଏ
ନୀଳଚକ୍ରେ ନେତ ପତିତପାବନ
ଭକ୍ତ ଜନେ ଡାକି ଥାଏ ||
ସୁଦର୍ଶନଙ୍କର ଅବତାର ସେହି
ଚକ୍ରମଣୋହି କରନ୍ତି
ପଞ୍ଚକୋଶୁ ଭକ୍ତ ଦରଶନେ ତାଙ୍କ
ଜାଗା ଆଶିଷ ପାଆନ୍ତି ||
ନୀଳଚକ୍ରଙ୍କର ଗରୁଡ଼ ସେବକ
ଚୁନେରା ନେତ ବାନ୍ଧନ୍ତି
ପ୍ରାତେ ନୀଳଚକ୍ର ରଙ୍ଗ ଧଳା ଦିଶେ
ସନ୍ଧ୍ୟାରେ ନୀଳ ଦିଶନ୍ତି ||
ଉଚ୍ଚତା ଯାହାର ଏଗାର ଫୁଟଓ
ଆଠ ଇଞ୍ଚ ହୋଇଅଛି
ସାତଫୁଟ ଛଅ ଇଞ୍ଚ ପ୍ରସ୍ତ ଯାର
ଆଠଟି ଅର ରହିଛି ||
ନୀଳଚକ୍ର ଅଧା ଲୁହାରେ ତିଆରି
ତମ୍ବାରେ ତିଆରି ପାଏ
ସୁନା ରୂପା ଦସ୍ତା ପାରା ରଙ୍ଗ ସୀସା
ଅଷ୍ଟ ଧାତୁ ରହି ଥାଏ ||
ନୀଳଚକ୍ର ସାଥେ ଚଉଦ ହାତୀଆ
ପତିତପାବନ ଥାଏ
ଦର୍ଶନେ ସେଦୁଈ ଭକତ ଜନଙ୍କ
ସବୁ ପାପ ଧୋଇ ନିଏ ||
ରତିନାରାୟଣ ରାଉତ
ହରିଚନ୍ଦନପୁର, କେନ୍ଦୁଝର, ଓଡିଶା
