ସହକାରୀ ଉଦ୍ୟାନ କୃଷି ଅଧିକାରୀ କାର୍ଯ୍ୟାଳୟରେ ଚାଷୀ ମାନଙ୍କୁ ଆଳୁ ବିହନ ବଣ୍ଟନ
ଡାବୁଗାଁ, ୧୩/୧୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଳକ ସଦରମହକୁମା ଡାବୁଗାଁ ଥାନା ସମ୍ମୁଖରେ ଥିବା ସହକାରୀ ଉଦ୍ୟାନ କୃଷି ଅଧିକାରୀ ଙ୍କ କାର୍ଯ୍ୟାଳୟରେ ଚାଷୀ ମାନଙ୍କୁ ଆଳୁ ବିହନ ବଣ୍ଟନ କାର୍ଯ୍ୟକ୍ରମ ଚାଲିଛି l ଡାବୁଗାଁ ବ୍ଳକ ଚାଷୀ ମାନଙ୍କ ପାଇଁ ଏ ବର୍ଷ ଆଳୁ ବିହନ ୧୩୫୦ କ୍ୱିଣ୍ଟାଲ ବଣ୍ଟନ କରିବାକୁ ଧାର୍ଯ୍ୟ ରହିଥିବା ବେଳେ ପ୍ରଥମ ପର୍ଯ୍ୟାୟରେ ଅଞ୍ଚଳା, ମେଦନା, ଡାବୁଗାଁ, ଚଚରାଗୁଡା, କୋଇଲାରୀ, ବଡ଼ ଓଲମା ଓ ବୋରିଗାଁ ଗ୍ରାମ ପଞ୍ଚାୟତ ର ୧୦୦ ଚାଷୀ ଆସିଥିବା ୩୦୦ କ୍ୱିଣ୍ଟାଲ ବିହନ 
୧୦ ତାରିଖ ସୋମବାର ରୁ ୧୩ ତାରିଖ ଗୁରୁବାର ୪ ଦିନ ମଧ୍ୟରେ ବଣ୍ଟନ କାର୍ଯ୍ୟକ୍ରମ ଶେଷ ହୋଇଯାଇଛି l ଆହୁରି ଦ୍ଵିତୀୟ ପର୍ଯ୍ୟାୟରେ ଆଳୁ ବିହନ ଆସି ପହଁଞ୍ଚିଲେ ଚାଷିମାନଙ୍କୁ ଦିଆଯିବ l ଉକ୍ତ ବଣ୍ଟନ କାର୍ଯ୍ୟକ୍ରମରେ ସହକାରୀ ଉଦ୍ୟାନ କୃଷି ଅଧିକାରୀ ରବି ଶଙ୍କର ପଣ୍ଡା ଓ ଉଦ୍ୟାନ କୃଷି ଅଧିଦର୍ଶକ ପ୍ରମୋଦ କୁମାର ଗୌଡ ଚାଷୀ ମାନଙ୍କୁ ସୁରୁଖୁରୁରେ ଆଳୁ ବିହନ ବଣ୍ଟନ କରିଥିଲେ l ଯେଉଁ ଚାଷୀ ଭାଇ ଏବଂ ଭଉଣୀ ମାନେ ଆଳୁ ବିହନ ନେବା ପାଇଁ ଇଚ୍ଛୁକ ସେମାନେ ତାଙ୍କ ଆଧାର କାର୍ଡ, ପାସ ଫଟୋ, ଜମି ପଟ୍ଟା, ବ୍ୟାଙ୍କ ପାସ ବୁକ ନେଇକି ଆସନ୍ତୁ l ଏଥି ପାଇଁ ନିଜର ନାମ ଓଡିଶା ସରକାର ଙ୍କ କୃଷକ ଓଡ଼ିଶା ପୋର୍ଟାଲ ରେ ରେଜିଷ୍ଟ୍ରେସନ କରି ଗୋସୁଗମ୍ ପୋର୍ଟାଲ୍ ରେ ଆବେଦନ କରି ପାରିବେ । ସହାୟତା ବିବରଣୀ :- ଅତି କମ୍ ରେ ଆଳୁ ବିହନ (୨୫ ସେଣ୍ଟ): ୩ ବସ୍ତା – ୩୦୦୦ ଟଙ୍କା (୧୦୦୦ ଟଙ୍କା/ବସ୍ତା)- ସବସିଡି – ୧୫୦୦ ଟଙ୍କା ଓ ଅତି ବେଶୀରେ (୧.୨୫ ସେଣ୍ଟ): ୧୫ ବସ୍ତା – ୧୫୦୦୦ ଟଙ୍କା (୧୦୦୦ ଟଙ୍କା/ବସ୍ତା)- ସବସିଡି – ୭୫୦୦ ଟଙ୍କା l ଆଳୁ ଚାଷ କରିବା ପରେ ରିହାତି ରାଶି ଚାଷୀଙ୍କ ବ୍ୟାଙ୍କ ଖାତା ରେ ଛଡ଼lଯିବା ନେଇ ସହକାରୀ ଉଦ୍ୟାନ କୃଷି ଅଧିକାରୀ ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
