ବାଲ୍ୟ ବିବାହ ମୁକ୍ତ ଗ୍ରାମ ପଞ୍ଚାୟତ ଉପରେ ତାଲିମ
ଡାବୁଗାଁ, ୨୯/୧୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଳକ ସମ୍ମିଳନୀ କକ୍ଷ ଠାରେ ବାଲ୍ୟ ବିବାହ ମୁକ୍ତ ଗ୍ରାମ ପଞ୍ଚାୟତ ଉପରେ ଏକ ତାଲିମ ଶିବିର ଶୁକ୍ରବାର ଅନୁଷ୍ଠିତ ହୋଇଯାଇଛି | ଏଥିରେ ପ୍ରଶିକ୍ଷକ ଗ୍ରାମ ଅଙ୍ଗନୱାଡି ସୁପରଭାଇଜର ରୋଜାଲିନ ପ୍ରଧାନ, ଓଏଲଏମ ବିପିଏମ ଦୀପ୍ତି କିଶୋର ନାୟକ, ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା ଓ ପଞ୍ଚାୟତ ନିର୍ବାହୀ ଅଧିକାରୀ ଏ.ଡି ପ୍ରସାଦ ପ୍ରମୁଖ ଯୋଗ ଦେଇ ତାଲିମ ଦେଇଥିଲେ | ଏଥିରେ ବାଲ୍ୟ ବିବାହକୁ ଶେଷ କରିବା, ଶିଶୁ ଅଧିକାରର ଉଲ୍ଲଂଘନ, ଘରୋଇ ହିଂସା ବୃଦ୍ଧି, ଦାରିଦ୍ର୍ୟ / ଦୁର୍ବଳତାର 
ଦୁର୍ଦ୍ଦାନ୍ତ ଚକ୍ର ସୃଷ୍ଟି କରିବା, ଅଭିବୃଦ୍ଧି ଏବଂ ବିକାଶରେ ଜଡିତ – ଅନେକଙ୍କୁ ପଛକୁ ଛାଡି, ରାଜ୍ୟର ଖନନ ଉପରେ ଭାର ସୃଷ୍ଟି କରିବା – ସ୍ୱାସ୍ଥ୍ୟ ଇତ୍ୟାଦିରେ ଖର୍ଚ୍ଚ ବଢାଇବା, ମାନବ ସମ୍ବଳର ଗୁଣ – ପୁଷ୍ଟିହୀନତା, ରକ୍ତହୀନତା, ବାଲ୍ୟ ବିବାହରେ ସହାୟକ ହେଉଥିବା କାରକ, ପ୍ରମୁଖ ହିତାଧିକାରୀ, ବାଲ୍ୟ ବିବାହକୁ କିପରି ଶେଷ କରିବା ସେ ଉପରେ ତାଲିମ ଦିଆଯାଇଥିଲା | ଏଥିରେ ସରପଞ୍ଚ ୩ ଜଣ, ସମିତି ସଭ୍ୟ – ୧ ଜଣ, ପଞ୍ଚାୟତ ନିର୍ବାହୀ ଅଧିକାରୀ ୩ ଜଣ, ଏଡିଇଓ- ୪ ଜଣ, ଗ୍ରାମରୋଜଗାର ସେବକ ୩ ଜଣ, ଅଙ୍ଗନୱାଡି କର୍ମୀ ୨୦ ଜଣ ଓ ସିଆରପି ୨୪ ଜଣ ମୋଟ ୫୮ ଜଣ ତାଲିମ ନେଇଥିଲେ | ଏହି କାର୍ଯ୍ୟକ୍ରମକୁ ପେସା ସଂଯୋଜକ ଶୁଭଶ୍ରୀ ମହାଙ୍କୁଡ ପରିଚାଳନା କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା ଙ୍କ ରିପୋର୍ଟ
