ଜିଲ୍ଲାସ୍ତରୀୟ ପ୍ରତିଯୋଗିତାରେ ଭିଗ୍ନାନ ବିଦ୍ୟାଳୟ ଛାତ୍ରଛାତ୍ରୀଙ୍କ ସଫଳତା
ରାୟଗଡା, ୨୬ ଜାନୁଆରୀ ୨୦୨୬: ++ ସମ୍ପ୍ରତି ଅନୁଷ୍ଠିତ ଜିଲ୍ଲାସ୍ତରୀୟ ଇଣ୍ଟର-ସ୍କୁଲ ପ୍ରତିଯୋଗିତାରେ ଭିଗ୍ନାନ ବିଦ୍ୟାଳୟର ଛାତ୍ରଛାତ୍ରୀମାନେ ଉଲ୍ଲେଖନୀୟ ସଫଳତା ହାସଲ କରି ସ୍କୁଲକୁ ଗର୍ବିତ କରିଛନ୍ତି। ବିଭିନ୍ନ ବିଦ୍ୟାଳୟର ପ୍ରତିଯୋଗୀଙ୍କ ସହ ପ୍ରତିସ୍ପର୍ଧା କରି ସେମାନେ ନିଜ ଓରେଟରୀ ଓ କଳା ପ୍ରତିଭାର ସ୍ୱତନ୍ତ୍ର ପ୍ରଦର୍ଶନ କରିଥିଲେ।
ସିନିୟର ଓଡ଼ିଆ ତର୍କ ପ୍ରତିଯୋଗିତାରେ ସୁଭମ ପଟ୍ଟନାୟକ ପ୍ରଥମ ପୁରସ୍କାର ହାସଲ କରିଥିଲେ। ସିନିୟର ଇଂରାଜୀ ତର୍କ ପ୍ରତିଯୋଗିତାରେ ଏଲ୍. ବ୍ରହ୍ମାଣୀ ତୃତୀୟ ପୁରସ୍କାର ପାଇ ସ୍କୁଲର ଗୌରବ ବଢ଼ାଇଛନ୍ତି।
ଜୁନିୟର ଚିତ୍ରାଙ୍କନ ପ୍ରତିଯୋଗିତାରେ କେ. ୱୈଶାଳୀ ତୃତୀୟ ସ୍ଥାନ ଅଧିକାର କରି ନିଜ ସୃଜନାତ୍ମକ ପ୍ରତିଭା ପ୍ରଦର୍ଶନ କରିଛନ୍ତି।ସେହିପରି, ଜିଲ୍ଲାସ୍ତରୀୟ ସାଂସ୍କୃତିକ କାର୍ଯ୍ୟକ୍ରମରେ ବିଦ୍ୟାଳୟର ଜୁନିୟର ଛାତ୍ରଛାତ୍ରୀଙ୍କ ସାଂସ୍କୃତିକ ଦଳ ଦ୍ୱିତୀୟ ପୁରସ୍କାର ହାସଲ କରିଛି।
ବିଦ୍ୟାଳୟ ପ୍ରଶାସନ ଓ ପ୍ରଧାନଶିକ୍ଷକ ଏହି ସଫଳତା ପାଇଁ ଛାତ୍ରଛାତ୍ରୀମାନଙ୍କୁ ଅଭିନନ୍ଦନ ଜଣାଇ କହିଛନ୍ତି ଯେ, ଏହା ଛାତ୍ରଛାତ୍ରୀମାନଙ୍କ କଠିନ ପରିଶ୍ରମ ଓ ଶିକ୍ଷକମାନଙ୍କ ନିଷ୍ଠାର ପରିଣାମ। ଏହି ସଫଳତା ବିଦ୍ୟାଳୟର ଉତ୍କୃଷ୍ଟ ପରମ୍ପରାରେ ଆଉ ଏକ ମାଇଲସ୍ଟୋନ ସୃଷ୍ଟି କରିଛି।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
