ଘର ଆଗରୁ ବୁଲେଟ ଗାଡି ଚୋରି , ଥାନାରେ ଏତଲା
ଜୁନାଗଡ଼ (ମ ନି ସ): ଗୋଲାମୁଣ୍ଡା ଥାନା ଅନ୍ତର୍ଗତ ବୃନ୍ଦାବାହାଲ ଗ୍ରାମରୁ ବିଳମ୍ବିତ ରାତ୍ରିରେ ଘର ଆଗରୁ ବୁଲେଟ ଗାଡି ଚୋରି ହୋଇଥିବା ନେଇ ଥାନାରେ ଏତଲା ଦିଆଯାଇଛି । ସୂଚନାମତେ ବୃନ୍ଦାବାହାଲ ଗ୍ରାମର ଉଦିତ ରାଉତ (୩୬) ଙ୍କ ଲାଲ ଓ କଲା ରଙ୍ଗର ଏକ ବୁଲେଟ ଗାଡି ଓଡ଼ି୦୮ଭି ୭୩୪୮ ନମ୍ବର ବିଶିଷ୍ଟ ଗାଡି ଘର ଆଗରେ ଲକ କରି ରଖିଥିଲେ । ଭୋର ସକାଳୁ ଉଠି ଦେଖିଲା ବେଳକୁ ଗାଡି ନଥିବା ଦେଖିବାକୁ ପାଇଥିଲେ । କୌଣସି ଦୁର୍ବୁର୍ତ୍ତ ମାନେ ଗାଡି ଚୋରି କରି ନେଇଥିବା ସନ୍ଦେହ ଉପୁଜୁଛି । ବିଭିନ୍ନ ଜାଗାରେ ବହୁ ଖୋଜାଖୋଜି ପରେ ମଧ୍ୟ କୌଣସି ସନ୍ଧାନ ମିଳିପାରିନାହିଁ। ଅନ୍ୟପଟେ ଜଣେ ଦୋକାନୀ ଙ୍କ ସିସିଟିଭି କ୍ୟାମେରାରେ ବିଳମ୍ବିତ ରାତ୍ରିରେ ୧.୧୭ସମୟରେ ୩ଜଣ ଯୁବକ ଗାଡି ନେଉଥିବା ଭିଡିଓ କଏଦ ହୋଇଛି । ଏନେଇ ଗୋଲାମୁଣ୍ଡା ଥାନାରେ ଅଭିଯୋଗ କାରୀ ଲିଖିତ ଅଭିଯୋଗ କରିଛନ୍ତି । ଘଟଣାସ୍ଥଳରେ ଗୋଲାମୁଣ୍ଡା ପୁଲିସ ପହଞ୍ଚି ତଦନ୍ତ କରୁଛି । ଚୋରି ହାରି ବଢୁଥିବା ହେତୁ ଜନ ସାଧାରଣ ଭୟଭୀତ ରହୁଥିବା ବେଳେ ଗୋଲାମୁଣ୍ଡା ପୋଲିସ ପକ୍ଷରୁ ରାତ୍ରୀରେ ପେଟ୍ରୋଲିଂ କରା ଯାଇ କଡ଼ାକଡି ବ୍ୟବସ୍ଥା କରାଯାଉ ବୋଲି ଦାବୀ ହେଉଛି।
