ଜଣାଣ
ମାନଗୋବିନ୍ଦ ସ୍ବାଇଁ
ଦେଖି ତୋ ବଦନ ଆନନ୍ଦ ମୋ ଦିନ
ସୁଖ ରଖ ମହାବାହୁ
ଜଗତ ମଙ୍ଗଳ କର ହିଁ ସଫଳ
ତୁମ ଛଡ଼ା ନାଁ କେ ଆଉ।
ବିଶ୍ବର ଦେବତା ଦିଅ ସର୍ବ ବାର୍ତ୍ତା
ଭଲମନ୍ଦ ତୁମେ ଜଣେ
ହସିଲେ ହସିବି କାନ୍ଦିଲେ କାନ୍ଦିବି
ତୁମେ ମୋ ଜୀବନ ପ୍ରାଣେ।
ଯେତେଯାହାକଥାପଚାରିଲେ ମୋତେ
ନାହିଁ ମୋପାଖେ ଉତ୍ତର
ପ୍ରଶ୍ନ ସବୁ ଦିଅ ମଧୁର ଉତ୍ତର
କାରଣ ତୁମେ ଈଶ୍ୱର।
ବାହାର ଭିତର ବ୍ରହ୍ମ ଜ୍ଞାନ ଶକ୍ତି
ତୁମେ ଏକା ଚିହ୍ନି ପାର
ତୁମ ଛଡ଼ା ବନ୍ଧୁ ଆଉ ନାହିଁ ମୋର
ତୁମେ ଦୁଃଖ ଦୂର କର।
ଶକ୍ତି ମୁକ୍ତି ପଥ ଖୋଲି ଦିଅ ହରି
ଶରଣ ନେଉଛି ପାଦ
ଦୟା କ୍ଷମା ଭକ୍ତି ମୋ ହୃଦୟ ଦିଅ
ଝୁରେ ଏ ମାନଗୋବିନ୍ଦ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
