ଆନ୍ତର୍ଜାତିକ ମହିଳା ଦିବସ ପାଳନ ଓ ସମ୍ବର୍ଦ୍ଧନା ସଭା
ରାଉରକେଲା: ସହରର ଅନ୍ୟତମ ଅଗ୍ରଣୀ ସାମାଜିକ ଅନୁଷ୍ଠାନ ହାପି ମୋମେଣ୍ଟସ ଇଣ୍ଡିଆ ତରଫରୁ ଆନ୍ତର୍ଜାତିକ ମହିଳା ଦିବସ ପାଳନ ଓ ସମ୍ବର୍ଦ୍ଧନା ସଭା ସେକ୍ଟର ୧୯ ସ୍ଥିତ ହୋଟେଲ ସରୋବର ଠାରେ ମହାସମାରୋହରେ ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ଦ୍ବାରା ଆୟୋଜିତ ଆନ୍ତର୍ଜାତିକ ସୁବର୍ଣ୍ଣ ମହିଳା ନେତୃତ୍ୱ ପୁରସ୍କାର କାର୍ଯ୍ୟକ୍ରମରେ ଦେଶର ବିଭିନ୍ନ ସ୍ଥାନରୁ ଆସିଥିବା ପ୍ରତିଭାଶାଳୀ ଓ ସଫଳ ନାରୀମାନଙ୍କୁ ସମ୍ମାନିତ କରାଯାଇଥିଲା। ସସ୍ମିତା ଜେନା ଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ସଭାପତି ରଶ୍ମିତା ପଣ୍ଡା ସ୍ୱାଗତ ଅଭିଭାଷଣ ପ୍ରଦାନ କରିଥିଲା ବେଳେ ଅଧ୍ୟକ୍ଷ ରାଜେନ୍ଦ୍ର ପ୍ରସାଦ ପଣ୍ଡା ଅନୁଷ୍ଠାନର ଆଭିମୁଖ୍ୟ ଓ ମହିଳା ସଶକ୍ତିକରଣ ଉପରେ ବକ୍ତବ୍ୟ ରଖିଥିଲେ। ଅତିଥି ଭାବେ ଆରଏସପି ଖଣି ଉନ୍ନତିକରଣ ନିର୍ବାହୀ ନିର୍ଦ୍ଦେଶକ ସିଏମଏଲଓ ବିପିନ କୁମାର ଗିରି , ଜର୍ଣ୍ଣାଲିଷ୍ଟ ଆସୋସିଏସନର ସଭାପତି ବିରଞ୍ଚି ନାରାୟଣ ପଟ୍ଟନାୟକ , ଉପ ସଭାପତି ତଥା କବି କୁଞ୍ଜବିହାରୀ ରାଉତ ସମାଜ ସୁଧାରକ ସୌଦାମିନୀ ସିଂ, ସନ୍ଥମ୍ମା ପିଲ୍ଲାଇ , ଡ଼ ଜୋସ୍ନା ପଣ୍ଡା,ଉଷା ଅଗ୍ରୱାଲ, ଜିତେନ୍ଦ୍ର ପ୍ରସାଦ, ବଲଭିନ୍ଦର କୌର, ସୁସ୍ମିତା ମହାପାତ୍ର ପ୍ରମୁଖ ଯୋଗ ଦେଇ ଅନୁଷ୍ଠାନ ର କାର୍ଯ୍ୟକ୍ରମ କୁ ପ୍ରଶଂସା କରିବା ସହ ମହିଳାଙ୍କ ସଶକ୍ତିକରଣ, କାର୍ଯ୍ୟ, ନିଜ ଦକ୍ଷତା କୁ ପ୍ରତିପାଦନ, ସମାଜର ଦୃଷ୍ଟିଭଙ୍ଗୀ ଓ ସମାଜ ଗଠନରେ ମହିଳା ମାନଙ୍କ ଭୂମିକା ସମ୍ପର୍କରେ ଆଲୋଚନା କରିଥିଲେ। ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ସହ ବୁଦ୍ଧିମତା ପରୀକ୍ଷା କରାଯାଇ ସଠିକ ଉତ୍ତର ଦେଇଥିବା ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା । ଏହି କାର୍ଯ୍ୟକ୍ରମରେ ରାଜ୍ୟ ତଥା ରାଜ୍ୟ ବାହାରୁ ଆସିଥିବା ବିଭିନ୍ନ କ୍ଷେତ୍ରରେ ସଫଳତା ଅର୍ଜନ କରିଥିବା ମହିଳା ମାନଙ୍କୁ ସମ୍ମାନିତ କରାଯାଇଥିଲା । କାର୍ଯ୍ୟକ୍ରମରେ ରେଖା ଗୁପ୍ତା, ସୁଷମା ପ୍ରସାଦ, ମାନସୀ ଦାଶ ମହାପାତ୍ର, ଡିମ୍ପଲ ସାହୁ, ନିରୁପମା ପତି, ସଂଯୁକ୍ତା ପତି, ମମିତା ସରକାର,ରିତାରାଣୀ ମେହେର , ସୁନିତା ପ୍ରସାଦ, ସବିତା ମହାପାତ୍ର, ସୁଜାତା ପଣ୍ଡା, ସ୍ଵାଗତିକା ଜେନା, ହେମା ଏକ୍କା, ଏବଂ ଅନ୍ୟ ସମ୍ମାନିତ ନାରୀ ମାନଙ୍କୁ ଟ୍ରଫି, ଉତ୍ତରିୟ ମାନପତ୍ର ଦେଇ ସମ୍ମାନିତ କରାଯାଇଥିଲା । କାର୍ଯ୍ୟକ୍ରମ ପରିଚାଳନାରେ ମନୀଷା ଭଞ୍ଜ, ମେରୀ ଆନା ଥୋମାସ, ରଞ୍ଜନ ସାହୁ, ସୁଚିତ୍ରା ଦର୍ଜୀ, ଧନଲକ୍ଷ୍ମୀ ବେହେରା,ମାଧବୀ ଚୌଧୁରୀ ଓ ସସ୍ମିତା ପ୍ରଧାନ ପ୍ରମୁଖ ସହଯୋଗ କରିଥିଲେ | କାର୍ଯ୍ୟକ୍ରମର ସଫଳତା ପାଇଁ ଅଧ୍ୟକ୍ଷ ଶ୍ରୀପଣ୍ଡା ସମସ୍ତଙ୍କୁ କୃତଜ୍ଞତା ଜ୍ଞାପନ କରିଥିଲେ।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
