ଗୋପୀନାଥ ସ୍ୱାମୀ ଙ୍କ ମନ୍ଦିର ପ୍ରତିଷ୍ଠା ଉତ୍ସବ
ଆସିକା, ୩/୪/୨୬ ( ଶିବ ଶଙ୍କର ମିଶ୍ର ) ଧରାକୋଟ ବ୍ଲକର ବଳରାମପୁର ଗ୍ରାମ ରେ ନୂତନ ଭାବରେ ନିର୍ମିତ ଶ୍ରୀ ଶ୍ରୀ ଗୋପୀନାଥ ସ୍ୱାମୀ ଙ୍କ ମନ୍ଦିର ପ୍ରତିଷ୍ଠା ଉତ୍ସବ ଦୀର୍ଘ ଏକ ସପ୍ତାହ ଧରି ଅନୁଷ୍ଠିତ ହୋଇଯାଇଛି । ଗତ ଶନିବାର ଦିନ ଦୀକ୍ଷା ଗ୍ରହଣ, ଅଙ୍କୁରାରୋପଣ ପରେ ରବିବାର ଦିନ ଜଳଯାତ୍ରା,ମଣ୍ଡଳ କରଣ ସୋମବାର ଦିନ କର୍ମ ଆରମ୍ଭ କରି ସୂର୍ଯ୍ୟ ପୂଜା, ଶାଲା ସଂସ୍କାର,ଅଗ୍ନି ସ୍ଥାପନା,ଘୃତ ଯଜ୍ଞ, ଅର୍ଣ ଯଜ୍ଞ,ବ୍ରାହ୍ମଣ ସେବା, ଗୋ ପୂଜା, ବନଜାଗ,ରତ୍ନମୁଦ ପରେ ଗୁରୁବାର ଦିନ ସଟକର୍ମ, ଜୀବନ୍ୟାସ,ପ୍ରାଣ ପ୍ରତିଷ୍ଠା ପରେ ଶୁକ୍ରବାର ନଗର ପରିକ୍ରମା,ଶିଳା ସ୍ଥାପନ,ଧ୍ଵଜା ପରିକ୍ରମା ପରେ ଦେବତାଙ୍କ ସିଂହାସନ ଆରୋହଣ ପରେ ପୂର୍ଣ୍ଣାହୂତି ହୋଇଥିଲା । ଦୀର୍ଘ ସାତ ଦିନ ଧରି ଚାଲିଥିବା ଏହି ପ୍ରତିଷ୍ଠା ଉତ୍ସବ ରେ ଅଞ୍ଚଳର ହଜାର ହଜାର ଲୋକ ସାମିଲ ହୋଇଥିଲେ।
