ପରିଚାଳନା ସଂଘର ପ୍ରଥମ ବୈଠକ
ଛତ୍ରପୁର, ତା.୦୪/୦୪ ଜିଲ୍ଲା ସ୍ତରୀୟ ଜାଳେଣୀ ସଂକଟ ପରିଚାଳନା ସଂଘର ପ୍ରଥମ ବୈଠକ ଗଞ୍ଜାମ ଜିଲ୍ଲାପାଳ ଓ୍ବି. କୀର୍ତ୍ତି ଓ୍ବାସନ୍ ଙ୍କ ଅଧ୍ଯକ୍ଷତାରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଜିଲ୍ଲାର ସମସ୍ତ ତୈଳ କମ୍ପାନୀ, ଜିଲ୍ଲା ଶିକ୍ଷାଧିକାରୀ, ଜିଲ୍ଲା ସମାଜ ମଙ୍ଗଳ ଅଧିକାରୀ, ଜିଲ୍ଲା ମଙ୍ଗଳ ଅଧିକାରୀ ପ୍ରମୁଖ ଯୋଗଦେଇଥିଲେ । ଜିଲ୍ଲାରେ ଘରୋଇ ବ୍ଯବହାର ନିମନ୍ତେ ଗ୍ଯାସ୍ ସିଲିଣ୍ଡର ପୂର୍ବପରି ଯୋଗାଣ ହୋଇପାରୁଛି, କିନ୍ତୁ ବାଣିଜ୍ଯିକ ଗ୍ଯାସ ସିଲିଣ୍ଡରର ଯୋଗାଣ ପୂର୍ବାପେକ୍ଷା ସାମାନ୍ଯ କମ୍ ଅଛି । ବର୍ତ୍ତମାନ ଆମ ଜିଲ୍ଲାରେ ମୋଟ୍ ୧୦୮ଗୋଟି ଗ୍ଯାସ୍ ସିଲିଣ୍ଡର ଜବତ କରାଯାଇଛି । ୧୬ ଗୋଟି କେସ୍ ଜିଲ୍ଲାପାଳଙ୍କ କୋର୍ଟରେ ରେଜିଷ୍ଟର ହୋଇଥିବା ବେଳେ ଗୋଟିଏ କେସ୍ ପୋଲିସ୍ ଥାନାରେ ଏଫ୍.ଆଇ୍.ଆର୍ ଦରଜ କରାଯାଇଛି । ଜିଲ୍ଲାରେ ଗ୍ଯାଲ୍ ର କଳାବଜାରୀ ରୋକିବା ପାଇଁ ସମୁଦାୟ ୪ଗୋଟି ଉପଖଣ୍ଡ ସ୍ତରୀୟ ଏନଫୋର୍ସମେଣ୍ଟ ସ୍କ୍ବାଡ୍ ଗଠନ କରାଯାଇଥିବା ଜିଲ୍ଲା ମୁଖ୍ଯ ଯୋଗାଣ ଅଧିକାରୀ ପ୍ରଦ୍ଯୁମ୍ନ କୁମାର ରାଉଚରାୟ ପ୍ରକାଶ କରିଥିଲେ । ଜିଲ୍ଲାର ସମସ୍ତ ବ୍ଲକ୍ ସ୍ତରରେ ମଧ୍ଯ ଏନଫୋର୍ସମେଣ୍ଟ ସ୍କ୍ବାଡ୍ ଗଠନ କରିବା ପାଇଁ ଜିଲ୍ଲାପାଳ ଶ୍ରୀଯୁକ୍ତ କୀର୍ତ୍ତି ଓ୍ବାସନ୍ ପରାମର୍ଶ ଦେଇଥିଲେ । ସମସ୍ତ ସରକାରୀ ଅନୁଷ୍ଠାନ ଯଥା-ଅଙ୍ଗନଓ୍ବାଡି କେନ୍ଦ୍ର, ବିଦ୍ଯାଳୟ, ସିଆର୍.ପି.ଏଫ୍ କ୍ଯାମ୍ପ ଆଦିକୁ ଗ୍ଯାସ୍ ଯୋଗାଣରେ ଯେପରି ବାଧା ସୃଷ୍ଟି ନହୁଏ ସେଥିପ୍ରତି ଦୃଷ୍ଟି ଦେବାକୁ ଜିଲ୍ଲାପାଳ ପରାମର୍ଶ ଦେଇଥିଲେ । ବିଦ୍ଯାଳୟ ଓ ଅଙ୍ଗନଓ୍ବାଡି କେନ୍ଦ୍ର ଗୁଡିକୁ ଯୋଗାଇ ଦିଆଯାଇଥିବା ଗ୍ଯାସ୍ ସିଲିଣ୍ଡର ଗୁଡିକୁ ମଝିରେ ମଝିରେ ତନଖି କରିବା ପାଇଁ ଜିଲ୍ଲାପାଳ କହିଥିଲେ ।
