ଧର୍ମଗଡ଼ ବିଧାୟକ ସୁଧୀର ରଞ୍ଜନ ପଟ୍ଟଯୋଶୀ ଙ୍କ ଅଧ୍ୟକ୍ଷତାରେ ଗଠିତ ବିଧାନସଭା ଗୃହ ପ୍ୟାନେଲର କଡ଼ା ଆଭିମୁଖ୍ୟ
ଧର୍ମଗଡ଼ ବିଧାୟକ ସୁଧୀର ରଞ୍ଜନ ପଟ୍ଟଯୋଶୀ ଙ୍କ ଅଧ୍ୟକ୍ଷତାରେ ଗଠିତ ବିଧାନସଭା ଗୃହ ପ୍ୟାନେଲ ସରକାରଙ୍କୁ ଶିଳ୍ପ ସଂସ୍ଥା ଗୁଡ଼ିକ ସବୁଜ ମାନଦଣ୍ଡ ପାଳନ କରନ୍ତୁ ଓ ଏହାକୁ ଖିଲାପ କରୁଥିବା ଶିଳ୍ପ ସଂସ୍ଥା ଗୁଡିକ ଉପରେ କାରଣ ଦର୍ଶାଅ ନୋଟିସ ଜାରି କରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସୁପାରିଶ କରିଛନ୍ତି |
ନିକଟର ଶ୍ରୀ ସୁଧୀର ପଟ୍ଟଯୋଶୀ ଙ୍କ ନେତୃତ୍ୱ ରେ କମିଟିର ସଦସ୍ୟ ମାନେ ବୁର୍ଲା, ସମ୍ବଲପୁର, ଝାରସୁଗୁଡ଼ା, ସୁନ୍ଦରଗଡ଼ ଓ ରାଉରକେଲା ର ଅନେକ ଶିଳ୍ପ ସଂସ୍ଥା ପରିଦର୍ଶନ କରି ଯାଞ୍ଚ କରିଥିଲେ।
ରାଜ୍ୟ ସରକାର ସମସ୍ତ ଶିଳ୍ପ ୟୁନିଟ୍ ଯାଞ୍ଚ କରିବା ଏବଂ ପ୍ରଦୂଷଣ ନିୟନ୍ତ୍ରଣ ମାନଦଣ୍ଡକୁ କଡ଼ାକଡ଼ି ଲାଗୁ କରିବା ପାଇଁ ଏକ ସ୍ୱତନ୍ତ୍ର ଅଭିଯାନ ଆରମ୍ଭ କରନ୍ତୁ, ଜଳବାୟୁ ପରିବର୍ତ୍ତନ ପ୍ରଭାବକୁ ଧ୍ୟାନରେ ରଖି ବାୟୁ ଏବଂ ଜଳ ପ୍ରଦୂଷଣର ମୁକାବିଲା ପାଇଁ ଏକ ଜରୁରୀ କାର୍ଯ୍ୟ ଯୋଜନା ପ୍ରସ୍ତୁତ କରନ୍ତୁ ବୋଲି କମିଟି ସୁପାରିଶ କରିଛି ।
ବିଧାୟକ ସୁଧୀର ରଞ୍ଜନ ପଟ୍ଟଯୋଶୀଙ୍କ ଅଧ୍ୟକ୍ଷତାରେ ଗଠିତ କମିଟି ବଜେଟ ଅଧିବେଶନରେ ଉପସ୍ଥାପିତ ହୋଇଥିବା ଏହାର ରିପୋର୍ଟରେ କହିଛି ଯେ, ଜଙ୍ଗଲ ଏବଂ ପରିବେଶ ବିଭାଗ ଓଡ଼ିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ମାନଦଣ୍ଡର ପାଳନ ନିଶ୍ଚିତ କରିବା ପାଇଁ ଶିଳ୍ପଗୁଡ଼ିକୁ କାରଣ ଦର୍ଶାଅ ନୋଟିସ୍ ଜାରି କରିବା ଉଚିତ,ବାୟୁ ଏବଂ ଜଳ ପ୍ରଦୂଷଣର ମୁକାବିଲା ପାଇଁ ଏକ ଜରୁରୀ ସମୟସୀମାବଦ୍ଧ କାର୍ଯ୍ୟ ଯୋଜନା ପ୍ରସ୍ତୁତ କରିବା, ଜଳବାୟୁ-ପରିବର୍ତ୍ତନ ପ୍ରଭାବକୁ ବିଚାରକୁ ନେବା,ବ୍ୟାପକ ଫ୍ଲାଏ ଆଶ୍ ପରିଚାଳନା ନିର୍ଦ୍ଦେଶାବଳୀ ପ୍ରସ୍ତୁତ କରିବା ଏବଂ ଅବୈଧ ଡମ୍ପିଂ ପାଇଁ କଠୋର ଦଣ୍ଡ ଲାଗୁ କରିବା, ଗ୍ରୀନହାଉସ୍ ଗ୍ୟାସ ନିର୍ଗମନ ହ୍ରାସ କରିବା ଏବଂ ସ୍ଥାୟୀ ଅଭ୍ୟାସ ଗ୍ରହଣ କରିବା ଉପରେ ଧ୍ୟାନ ଦେଇ ଜଳବାୟୁ ପରିବର୍ତ୍ତନ ପ୍ରଶମନ ଯୋଜନା ପ୍ରସ୍ତୁତ ଏବଂ କାର୍ଯ୍ୟକାରୀ କରିବା ପାଇଁ ସମସ୍ତ ଶିଳ୍ପକୁ ନିର୍ଦ୍ଦେଶ ଦେବା ପାଇଁ କୁହାଯାଇଛି।
ବିଶେଷକରି ଜଳବାୟୁ ସମ୍ବନ୍ଧୀୟ ପ୍ରଭାବକୁ ହ୍ରାସ କରିବା ପାଇଁ ସବୁଜ ବଳୟ ସୃଷ୍ଟି କରିବା,ଫ୍ଲାଏ ଆଶ୍ ପରିଚାଳନା ପାଇଁ ସ୍ପଷ୍ଟ ମାର୍ଗଦର୍ଶିକା ପ୍ରସ୍ତୁତ କରିବା ଏବଂ ଅବୈଧ ଡମ୍ପିଂ ପାଇଁ ଭାରୀ ଦଣ୍ଡ ଲାଗୁ କରିବା ପାଇଁ ସୁପାରିଶ କରିଛି। କମିଟି କହିଛି ଯେ, ଜିଲ୍ଲା ପ୍ରଶାସନଗୁଡ଼ିକ ମାନୁ ନଥିବା ଶିଳ୍ପ ୟୁନିଟ୍ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ।
ନିଯୁକ୍ତି ସମସ୍ୟା ଉପରେ ଗୁରୁତ୍ବ ଦେଇ, ସ୍ଥାନୀୟ ନିଯୁକ୍ତିକୁ ଶିଳ୍ପ ସଂସ୍ଥା ଗୁଡିକ ପାଇଁ ଏକ ଆଦେଶ କରିବା ପାଇଁ ସୁପାରିଶ କରାଯାଇଛି,ଦକ୍ଷତା ବିକାଶ କାର୍ଯ୍ୟକ୍ରମ ମାଧ୍ୟମରେ ଆଖପାଖ ଅଞ୍ଚଳରେ ବେକାରୀ ହ୍ରାସ କରିବା ଉପରେ ଧ୍ୟାନ ଦିଆଯାଇଛି।
ବିଦ୍ୟାଧର ସାହୁଙ୍କ ରିପୋର୍ଟ….
