ଆଡମିନିଷ୍ଟ୍ରେଟିଭ ଆପୃଭାଲ କୁ ୩ ବର୍ଷ
ଏଗ୍ରୀମେଣ୍ଟ ୬ମାସ ମଧ୍ୟରେ ବାଲି ମୁଠାଏ ପଡ଼ି ନାହିଁ
ନିର୍ବାଚନ ଲଲି ପପ ଥିଲା କି ଆଇଟିଆଇ
ଧର୍ମଗଡ-୧୦/୫/୨୨:-୨୦୧୯ ସାଧାରଣ ନିର୍ବାଚନ ରେ ନବୀନ ସରକାର ଚତୁର୍ଥ ଥର ପାଇଁ ଶାସନ କୁ ଆସିଥିଲେ । ଶାସନ କୁ ଆସିବା ପୂର୍ବରୁ ଧର୍ମଗଡ ଠାରେ ଏକ ଆଇଟିଆଇ ସ୍ଥାପନ କରାଯିବା ନେଇ ସ୍ଥାନିୟ ଜନସାଧରଣ ଙ୍କୁ ପ୍ରତିଶୃତି ଦିଆଯାଇଥିଲା ଶିକ୍ଷିତ ଯୁବକ ଯୁବତୀ ଆଇଟିଆଇ ରେ ଶିଳ୍ପ ତାଲିମ ନେବେ, ଦକ୍ଷ ହେବେ ସରକାରୀ ଚାକିରୀ କରିବେ , ସ୍ୱବାଲମ୍ବି ହେବେ ଏହିଭଳି ଅନେକ ସ୍ୱପ୍ନ ଦେଖି ଥିଲେ । ହେଲେ ଇତିମଧ୍ୟ ରେ ଦିର୍ଘ ୩ ବର୍ଷ ରୁ ଉର୍ଦ୍ଦ ସମୟ ଅତିବାହିତ ହୋଇଯାଇଥିଲେ ମଧ୍ୟ ଆଇଟିଆଇ ସ୍ଥାପନ କେବଳ କାଗଜ କଲମ ରେ ସିମିତ ହୋଇ ରହିଯାଇଛି । ନିର୍ବାଚନୀ ଲଲିପପ୍ ଥିଲା କି ଆଇଟିଆଇ ବୋଲି ଲୋକେ କୁହାକୁହି ହେଉଛନ୍ତି ।
କଳାହାଣ୍ଡି ଜିଲ୍ଲା ଧର୍ମଗଡ ସହର ରେ ଏକ ଶିଳ୍ପ ତାଲିମକେନ୍ଦ୍ର (ଆଇଟିଆଇ) ସ୍ଥପାନ ହେବ ବୋଲି ୨୦୧୯ ସାଧାରଣ ନିର୍ବାଚନ ପୂର୍ବ ରୁ ମୂଖ୍ୟମନ୍ତ୍ରୀ ଭର୍ଚୁଆଲ ମୋଡ ରେ ଏହାର ଶିଳାନ୍ୟାସ କଲେ । ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ପକ୍ଷ ରୁ ଏହାର ଆଡମିନିସଟ୍ରେଟିଭ ଆପ୍ରୁଭାଲ ମଧ୍ୟ ହେଲା । ଆପୃଭାଲ ରେ ସ୍ପଷ୍ଟ ଭାବେ ଧର୍ମଗଡ ଠାରେ ଏହା କରାଯିବ ବୋଲି ଉଲ୍ଲେଖ ରହିଛି । ୯ କୋଟି ୫୦ ଲକ୍ଷ ଟଙ୍କା ବ୍ୟୟ ଅଟକଳ ରେ ଏହା ନିର୍ମାଣ ହେବା ପାଇଁ ସ୍ଥିର କରାଗଲା । ଧର୍ମଗଡ ସହର ଓାର୍ଡ ନଂ-୧୩ ବିଜୁ ଏକ୍ସପ୍ରେସ ରାସ୍ତା କଡ ରେ ଏଥି ପାଇଁ ଜାଗା ମଧ୍ୟ ଚିହ୍ନଟ ହେଲା । ଟେଣ୍ଡର କଲ ନୋଟିସ ନଂ-୩୨୭/୨୦୨୧-୨୨ ରେ ପୂର୍ତ୍ତ ବିଭାଗ ଅଧିକ୍ଷଣ ଯନ୍ତ୍ରୀ ଏହାର ଟେଣ୍ଡର ମଧ୍ୟ ଡାକିଲେ । ସଂଶୋଧିତ ବ୍ୟୟ ଅଟକଳ ୮,୧୭,୦୬,୨୩୪ ଟଙ୍କା ହୋଇଥିବା ବେଳେ ୩.୩୦ପ୍ରତିଶତ ଲେସ ରେ ଭାଇକୃପା ରିସୋର୍ସ ଏମ.ଡି. ଗୌତମ କୁମାର ଅଗ୍ରଓାଲ ଟେଣ୍ଡର କ୍ୱାଲିଫାୟ କରିଥିଲେ । ବିଭାଗ ଓ ଏଜେନ୍ସି ମଧ୍ୟ ରେ ପି-୧ ଏଗ୍ରିମେଂଟ ମଧ୍ୟ ହେଲା । ଏଗ୍ରିମେଂଟ ଭେଲ୍ୟୁ ଜିଏସଟି ସମେତ ୮କୋଟି୮୪ଲକ୍ଷ ୯୧ ହଜାର ୧୧୯ ଟଙ୍କା ରହିଛି । ଏଗ୍ରିମେଂଟ ଅନୁଯାୟି କାର୍ଯ୍ୟାରମ୍ଭ ତାରିଖ ୨୪-୧୧-୨୦୨୧ ହୋଇଥିବା ବେଳେ ଉକ୍ତ ଦିନ ଧର୍ମଗଡ ବିଧାୟକ ମୌାଷଧି ବାଗ ଆଇଟିଆଇ ପାଇଂ ଚିହ୍ନଟ ହୋଇଥିବା ସ୍ଥାନ ରେ ପୂଜାର୍ଚ୍ଚନା ପୂର୍ବକ କାର୍ଯ୍ୟାରମ୍ଭ କରିଥିଲେ । ଏଗ୍ରମେଂଟ ଅନୁଯାୟି ଆଇଟିଆଇ ର ନିର୍ମାଣ କାର୍ଯ୍ୟ ୨୪-୧୧-୨୧ ରେ ଆରେମ୍ଭ ହୋଇ ୧୮ କ୍ୟାଲେଣ୍ଡର ମାସ ଅର୍ଥାତ ୨୩-୦୫-୨୦୨୩ ରେ ସରିବା କଥା । ତେବେ ଇତିମଧ୍ୟ ରେ ଦିର୍ଘ ୫ ମାସ ରୁ ଅଧିକା ସମୟ ଅତିବାହିତ ହୋଇଯାଇଥିଲେ ମଧ୍ୟ ଏଠାରେ ଇଟା ଖଣ୍ଡେ ପଡି ନାହିଁ କିମ୍ବା କୈଣସି କାର୍ଯ୍ୟାରମ୍ଭ ମଧ୍ୟ ହୋଇନାହି । ନିର୍ମାଣ କାର୍ଯ୍ୟ ବିଳମ୍ବ ହେଉଥିବାରୁ ଆଇଟିଆଇ ଧର୍ମଗଡ ଠାରେ ହେବ ନା ଧର୍ମଗଡ ଇଲେକ୍ଟ୍ରି ଡିଭିଜନ ଅନ୍ୟତ୍ର ସ୍ଥାନାନ୍ତର ହେବା ପରି ଏହା ମଧ୍ୟ ଅନ୍ୟତ୍ର ସ୍ଥାନାନ୍ତର ହୋଇଯିବ ତାହା କୁ ନେଇ ସାଧାରଣ ରେ ଆଶଂକା ପ୍ରକାଶ ପାଇଛି ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ।