ମା ମାଣିକେଶ୍ଵରୀ ବିଶ୍ୱବିଦ୍ୟାଳୟକୁ ୦୮ ଗୋଟି ପୋଥି ଦାନ
ମା ମାଣିକେଶ୍ଵରୀ ବିଶ୍ୱବିଦ୍ୟାଳୟର ପୋଥି ସଂଗ୍ରହ ଅଭିଯାନରେ ପୁଣି ଏକ ସଫଳତା ମିଳିଛି । ପ୍ରାଚୀନ ପୋଥିର ଉଦ୍ଧାର ଓ ସଂରକ୍ଷଣ, ମୂଳପାଠ ନିର୍ଣ୍ଣୟ ସହିତ ଛାତ୍ରଛାତ୍ରୀଙ୍କୁ ପୋଥି ବିଷୟରେ ଅବଗତ କରିବା ହେଉଛି ଏହି ଅଭିଯାନର ଲକ୍ଷ୍ୟ । କୁଳପତି ଡକ୍ଟର ନିବେଦିତା ନାଥ , ସ୍ନାତକୋତ୍ତର ଓଡ଼ିଆ ଭାଷା, ସାହିତ୍ଯ ଓ ଅନୁବାଦ ବିଭାଗର ସହକାରୀ ପ୍ରଫେସର ଶ୍ରୀ ଡୋଳାମଣି ଧରୁଆ ଓ ଡକ୍ଟର ଦାଶରଥି ଆଚାର୍ଯ୍ଯ ଏହି ପୋଥି ସଂଗ୍ରହ କ୍ଷେତ୍ରରେ ସକ୍ରିୟ ଭୂମିକା ଗ୍ରହଣ କରିଛନ୍ତି । ପ୍ରଥମ ଥର ପାଇଁ ନୂଆପଡା ଜିଲ୍ଲାରୁ ମା ମାଣିକେଶ୍ଵରୀ ବିଶ୍ୱବିଦ୍ୟାଳୟକୁ ପୋଥି ଆସିଅଛି । ଏହି ପୋଥିଗୁଡିକ ଡକ୍ଟର ଦାଶରଥି ଆଚାର୍ଯ୍ଯ ନୂଆପଡା ଜିଲ୍ଲାର ତୁକଲା ଗ୍ରାମରେ ଶ୍ରୀ ଅରୁଣ କୁମାର ଦାଶଙ୍କ ଘରେ ପୋଥି ଠାବ କରିଥିଲେ । ଶ୍ରୀ ଦାଶ ଜଣେ ଶିକ୍ଷକ ହୋଇଥିବାରୁ ତାଙ୍କ ଘରେ ଅନେକ ଦୁର୍ଲଭ ପୋଥି ସାଇତି ରଖିଥିଲେ । ସେ ମା ମାଣିକେଶ୍ଵରୀ ବିଶ୍ୱବିଦ୍ୟାଳୟର କୁଳପତିଙ୍କ ହସ୍ତରେ ୦୮ ଗୋଟି ଦୁର୍ଲଭ ପୋଥି ଅର୍ପଣ କରିଛନ୍ତି । ଏହି ପୋଥି ପ୍ରଦାନକରି ଶ୍ରୀ ଦାଶ, ତାଙ୍କ ମାଆ ଓ ଧର୍ମପତ୍ନୀ ଖୁସି ବ୍ୟକ୍ତ କରିଥିଲେ । ଏହି ପୋଥିଗୁଡିକୁ ବିଶ୍ୱବିଦ୍ୟାଳୟର ପୋଥି ସଂଗ୍ରହାଳୟରେ ସାଇତି କରି ରଖାଯାଇଛି । ପୋଥିଗୁଡିକ ଓଡ଼ିଆ ଓ ସଂସ୍କୃତର ଛାତ୍ରଛାତ୍ରୀ ତଥା ଗବେଷକ-ଗବେଷିକାଙ୍କ ଗବେଷଣା ପାଇଁ ଏକ ନୂତନ ଦିଗ ଉନ୍ମୋଚନ କରିବ ବୋଲି ସେମାନେ ସ୍ଵଇଚ୍ଛାରେ ପ୍ରଦାନ କରିଛନ୍ତି । ଭାଷା ଓ ସାହିତ୍ୟ ବିଷୟକ ଦୁର୍ଲଭ ପୋଥି ପ୍ରଦାନ କରିଥିବାରୁ କୁଳପତି ଡକ୍ଟର ନିବେଦିତା ନାଥ ତଥା ବିଶ୍ୱବିଦ୍ୟାଳୟର ସମସ୍ତ କର୍ମଚାରୀ ତାଙ୍କୁ କୃତଜ୍ଞତା ଜ୍ଞାପନ କରିବା ସହିତ ପ୍ରଶଂସା ମଧ୍ଯ କରିଛନ୍ତି ।
