ଆଗ ନିମନ୍ତ୍ରଣ
ଅମରନାଥ ବାରିକ୍
ଆସ ଆମେ ଦେବା ଆଗ ନିମନ୍ତ୍ରଣ
ବିଘ୍ନରାଜ ଗଣେଶଙ୍କୁ
ନ ଆସିବ ବିଘ୍ନ କାର୍ଯ୍ୟ ହେବ ସିଦ୍ଧି
ଡ଼ାକିଲେ ଆଗ ତାହାଙ୍କୁ ।
ଦ୍ୱିତୀୟରେ ପୁଣି ଦେବା ନିମନ୍ତ୍ରଣ
କମଳା ନାରାୟଣଙ୍କୁ
ମାଙ୍ଗଳିକ କାର୍ଯ୍ୟ ହେବ ଶୁଭଙ୍କର
ଆଶୀର୍ବାଦ ଉଭୟଙ୍କୁ ।
ତୃତୀୟରେ ପତ୍ର ସମର୍ପିତ ଦେବା
ଜୟ ପବନ ପୁତ୍ରଙ୍କୁ
ହେବ ନାହିଁ କେବେ ଅନିଷ୍ଟ ଆଶଙ୍କା
ପୂଜିଲେ ହନୁମାନଙ୍କୁ ।
ଚତୁର୍ଥେ ଭକ୍ତିରେ ଜଣାଇବା ଘର
କୁଳ ଗ୍ରାମଦେବତୀଙ୍କୁ
ରଖିବେ କୁଳକୁ ଘଣ୍ଟ ଘୋଡ଼ାଇ ଯେ
ଭଜିଲେ ଆଦ୍ୟ ଶକ୍ତିଙ୍କୁ ।
ପଞ୍ଚମେ ଜଣାଇ ଦେବା ନିମନ୍ତ୍ରଣ
ପିତୃପକ୍ଷ ପୁରୁଷଙ୍କୁ
ଅଶ୍ୱତ୍ଥ ବୃକ୍ଷର ମୂଳେ ବାସ ତାଙ୍କ
ସୁମରିଣ ପୂର୍ବଜଙ୍କୁ ।
ଷଷ୍ଠରେ ସ୍ଵହସ୍ତେ ନିମନ୍ତ୍ରଣ ପତ୍ର
ପଠାଇ ମାମୁଁ ଘରକୁ
ତା’ପରେ ବିବାହ ନିମନ୍ତ୍ରଣ ଯେତେ
ଅନ୍ୟାନ୍ୟ ସମ୍ପର୍କୀୟଙ୍କୁ ।
କୟାଁ, ମଙ୍ଗଳପୁର, ଯାଜପୁର
ଦୂରଭାଷ ୯୫୪୦୩୦୮୦୯୫
