ଦୁର୍ଘଟଣା ରେ ଗୁରୁତ୍ତର ଯୁବକଙ୍କ ମୃତ୍ୟୁ
ଡାବୁଗାଁ, ୧୫/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ମାଝିଗୁଡା ଛକରେ ମୋଟରସାଇକେଲ ଦୁର୍ଘଟଣା ଘଟି ୪ ଜଣ ଆହତ ଓ ୧ ଗୁରୁତ୍ତର ଘଟଣାରେ ଜଣେ ଯୁବକର ମୃତ୍ୟୁ ହୋଇଥିବା ନେଇ ବୁଧବାର ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ୧୦.୪.୨୬ ରାତ୍ର ପ୍ରାୟ ୮ ଘ. ସମୟରେ ଡାବୁଗାଁ – ବୋରିଗାଁ ମୁଖ୍ୟ ରାସ୍ତାରେ କୋଡିଗାଁ ଥାନା ଅଧୀନ ଆଟିଗାଁ ଗ୍ରାମର ଜଗନ୍ନାଥ ମିର୍ଗାନ (୧୯), ସରନ ପୂଜାରୀ (୧୭) ଓ ମହେନ୍ଦ୍ର ସତନାମୀ (୧୪) ଏକ ମୋଟରସାଇକେଲ ନଂ ଓଡି ୨୪ ଡି ୧୪୭୩ ଯୋଗେ ଡାବୁଗାଁ ରୁ ନିଜ ଘରକୁ ଫେରୁଥିବା ବେଳେ ବିପରୀତ ଦିଗରୁ ଏକ ମୋଟରସାଇକେଲ ଯୋଗେ ଡାବୁଗାଁ ବ୍ଲକ ଅଧୀନ ମାଝିଗୁଡା ଗ୍ରାମର ମଧୁ ମାଝି (୨୫) ଓ ପୂର୍ଣ୍ଣ ହରିଜନ (୩୦) ମୋଟରସାଇକେଲ ନଂ ଓଡି୨୪ ଏଚ ୩୪୪୯ ଯୋଗେ ଫେରୁଥିବା ବେଳେ ଧକ୍କା ହୋଇଥିଲା | ଫଳରେ ସମସ୍ତ ୫ ଜଣ ରାସ୍ତାରେ ପଡି ଆହତ ହୋଇଥିଲେ | ଖବରପାଇ ଡାବୁଗାଁ ଅଗ୍ନିସମ ବିଭାଗ କର୍ମଚାରୀ ମାନେ ପହଞ୍ଚି ତାଙ୍କୁ ଉଦ୍ଧାର କରି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସେଠାରେ ଜଗନ୍ନାଥ ମିର୍ଗାନ ଙ୍କ ଅବସ୍ଥା ଗୁରୁତ୍ତର ହେବାରୁ ତାଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି | ଏଠାରୁ ଉନ୍ନତ ଚିକିତ୍ସା ନିମନ୍ତେ କୋରାପୁଟ ସହିଦ ଲକ୍ଷ୍ମଣ ନାଏକ ମେଡିକାଲ କଲେଜ କୁ ସ୍ଥାନତର କରାଯାଇଥିଲା | ସେଠାରେ ଚିକିତ୍ସିତ ଅବସ୍ଥାରେ ମଙ୍ଗଳବାର ରାତ୍ରିରେ ଜଗନ୍ନାଥ ଙ୍କ ମୃତ୍ୟୁ ଘଟିଛି | ଏନେଇ ମୃତକର ଦାଦା ମଦନ ହରିଜନ ବୁଧବାର ଅପରାହ୍ନରେ ଏତଲା ଦେଇଥିଲେ | ଉକର ଏତଳକୁ ଭିତ୍ତି କରି ଥାନା କେସ ନଂ ୭୭/୨୬ ରେ ଏକ ମାମଲା ରୁଜୁ କରାଯାଇଛି | ଥାନା ଏଏସଆଇ ଚନ୍ଦ୍ର ଶେଖର ହଜାରି ଉକ୍ତ ମାମଲାର ତଦନ୍ତ କରୁଛନ୍ତି | ଆସନ୍ତା କାଲି ଗୁରୁବାର ମୃତ ଦେହ ବ୍ୟବଚ୍ଛେଦ କରାଯିବ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
