କକଡାଗୁଡା ରେ ଗଣ୍ଡଗୋଳ, ଫାର୍ସା ଚୋଟରେ ଜଣେ ଗୁରୁତ୍ତର
ଡାବୁଗାଁ, ୧୬/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଞ୍ଚଳା ପଞ୍ଚାୟତ ଅଧିନ କକଡାଗୁଡା ଗ୍ରାମରେ ଦୁଇ ଦିନ ହେବ ଠାକୁରାଣୀ ଯାତ୍ରା ଚାଲିଥିଲା | ଏହି ଅବସରରେ ବୁଧବାର ରାତିରେ ଚିଚିବାଇ ଗ୍ରାମର ଡମୁ ଜାନି (୩୫) ତାର ସାଙ୍ଗ ମାନଙ୍କ ସହ ରାତିରେ ଯାତ୍ରା ଦେଖୁବାକୁ ଆସିଥିଲେ ଏବଂ ସେହି ଗ୍ରାମରେ ରାତ୍ରି ରେ ଯାତ୍ରା ଦେଖି ଗୁରୁବାର ସକାଳ ପ୍ରାୟ ୫ ଘ. ସମୟରେ ନିଜ ଗ୍ରାମକୁ ଫେରୁଥିବା ବେଳେ କକଡାଗୁଡା ଗ୍ରାମର ପ୍ରଫୁଲ୍ଲ ଗୌଡ଼ (୧୬) ଆସି ପାଟିତୁଣ୍ଡ କରିଥିଲା | ଏହି ସମୟରେ ହଠାତ ପ୍ରଫୁଲ୍ଲ ଗୌଡ଼ ଏକ ଫାର୍ସା ସହିତ ଡମୁ ଜାନିକୁ ଆକ୍ରମଣ କରି ରକ୍ତାକ୍ତ କରିଥିଲା । ଏହାପରେ ସେହି ସ୍ଥାନରେ ଥିବା ଡମୁର ସାଙ୍ଗ ମାନେ ଏବଂ ଚଚରାଗୁଡା ଗ୍ରାମର କିଛି ଯୁବକ ତାଙ୍କୁ ଡାବୁଗାଁ ମେଡିକାଲ କୁ ଆଣିଥିଲେ । ଡମୁ ଜାନି ର ଅବସ୍ଥା ବହୁତ ଗୁରୁତ୍ୱର ଥିବାରୁ ତାଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟ ସ୍ଥାନାନ୍ତର କରାଯାଇଥିଲା । ସେଠାରେ ଉନ୍ନତ ଚିକିତ୍ସା ନିମନ୍ତେ କୋରାପୁଟ ସହିଦ ଲକ୍ଷ୍ମଣ ନାଏକ ମେଡିକାଲ କଲେଜ କୁ ସ୍ଥାନାନ୍ତର କରାଯାଇଥିଲା | ବର୍ତ୍ତମାନ ସେଠାରେ ଡମୁ ଜାନୀ ଚିକିତ୍ସିତ ଅଛନ୍ତି | ଏନେଇ ଆହତ ଙ୍କ ଭାଇ ମନବୋଧ ଜାନୀ ଡାବୁଗାଁ ଥାନାରେ ଏତଲା ଦେଇଥିଲେ । ଉକ୍ତ ଏତଲାକୁ ଭିତ୍ତି କରି ଥାନା କେସ ନଂ ୭୮/୨୬ ରେ ଏକ ମାମଲା ରୁଜୁ କରି ପୋଲିସ ତଦନ୍ତ କରୁଛି | ଏ ସଂକ୍ରାନ୍ତରେ କାକଡଗୁଡା ଗ୍ରାମର ୨ ଜଣ ଯୁବକଙ୍କୁ ପୋଲିସ ଅଟକ ରଖି ପଚରାଉଚରା କରୁଥିବା ଆଇଆଇସି ରଘୁନାଥ ମାଝି ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
