ରାଉରକେଲା ପୋଲିସ୍ ଦ୍ବାରା ୩୨ ଟନ୍ ଚୋରା ଲୁହାପଥର ଜବତ୍ ସହ ୪ ଅଭିଯୁକ୍ତ ଗିରଫ୍
ରାଉରକେଲା ୩/୬, ଜିଲ୍ଲା ପୋଲିସର ରଘୁନାଥପାଲ୍ଲୀ ଥାନା ପୋଲିସ ପକ୍ଷରୁ ୨୦୨୬ ଜୁନ୍ ୧ ତାରିଖ ରାଉରକେଲା ରଘୁନାଥପାଲି ଥାନାର ସି ସୂରଜ କଂସରାଲି କର୍ମଚାରୀମାନଙ୍କ ସହିତ ପୋଲିସ ଥାନା ପିସିଆର ଗାଡ଼ିରେ ବି-ସିଫ୍ଟ ପାଟ୍ରୋଲିଂ ଡ୍ୟୁଟି କରୁଥିବା ସମୟରେ OD-07AH-5253 ପଞ୍ଜିକରଣ ନମ୍ବର ଥିବା ଏକ ଟ୍ରକ୍ ଗାଡ଼ିରେ ଚୋରା ଲୁହାପଥର ପରିବହନ ସମ୍ପର୍କରେ ବିଶ୍ୱସ୍ତ ସୂତ୍ରରୁ ସୂଚନା ପାଇବା ପରେ, ସେମାନେ ବାଲୁଘାଟ ପାର୍କିଂ ସମ୍ମୁଖରେ ଗାଡ଼ିଟିକୁ ଅଟକ ରଖିବା ପରେ ଦେଖିଲେ ଯେ ସେଥିରେ ୩୨,୦୯୦ କିଲୋଗ୍ରାମ ଚୋରା ଲୁହାପଥର ଲୋଡ୍ ଥିଲା।
ଏହାକୁ ଡ୍ରାଇଭର ସ୍ୱୀକାର କରିଥିଲେ ଯେ, ସେ ବାଂଶପାଣି ଯୋଡାରୁ ଲୁହାପଥର କଲୁଙ୍ଗା ଅଞ୍ଚଳରେ ନିଷ୍କାସନ କରିବା ପାଇଁ ଆଣିଥିଲେ।
ଏହି ଚୋରି ଘଟଣାରେ ସମ୍ପୃକ୍ତ ଥିବା ଅଭିଯୁକ୍ତ କେଉଁଝର ଜିଲ୍ଲା ବଡବିଲ ଥାନା ଅନ୍ତର୍ଗତ ରାମନଗରର ରୋଶନ ଯାଦବ (୪୫)ଙ୍କୁ ୨୦୨୬ ଜୁନ ୧ ତାରିଖରେ ବିଏନ୍ଏସ୍ ଧାରା ୩୦୩(୨)/୩(୫)ରେ ଗିରଫ କରାଯାଇଛି। ସେହିପରି ରାଉରକେଲା ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ କଲୁଙ୍ଗା ପୋଲିସ୍ ବିଟ୍ ହାଉସ୍ ନିକଟସ୍ଥ ଏମ.ଡି. ତୋସିଫ (୩୮), ବ୍ରାହ୍ମଣୀତରଙ୍ଗ ଥାନା ଅଧିନସ୍ଥ ଟିସିଆଇ ଫାଲସାଟୋଲାର ସନ୍ଦୀପ ଶର୍ମା (୩୧), କେଉଁଝର ଜିଲ୍ଲା ଯୋଡା ଥାନା ଅନ୍ତର୍ଗତ କମାରଯୋଡାର ରାଜା ପାତ୍ର (୩୨)ଙ୍କୁ ମଧ୍ୟ ୨୦୨୬ ଜୁନ୍ ୩ ତାରିଖରେ ବିଏନ୍ଏସ୍ ଧାରା ୩୦୩(୨)/୬୧(୨)ରେ ଗିରଫ୍ କରାଯାଇଛି।
୩୨,୦୯୦ କିଲୋଗ୍ରାମ ଚୋରି ଲୁହା ପଥର ବୋଝେଇ ଟ୍ରକ – ଓଡି ୦୭ ଏଏଚ୍-୫୨୫୩ ନମ୍ବର ବିଶିଷ୍ଟ ଟ୍ରକକୁ ଜବତ କରାଯାଇଛି। ଘଟଣାରେ ସମ୍ପୃକ୍ତ ଥିବା ଅଭିଯୁକ୍ତଙ୍କ ବିରୋଧରେ ତଦନ୍ତ ଜାରି ରହିଛି।
ରଘୁନାଥପାଲି ପିଏସ୍ କେସ୍ ନଂ-୩୩୦ ତାରିଖ ୧.୦୬.୨୦୨୬ ଖଣି ଏବଂ ଖଣିଜ ବିକାଶ ଏବଂ ବିଏନ୍ଏସ୍ ଆଇନର ଧାରା ୨୧ ଅନ୍ତର୍ଗତ ୩୦୩(୨)/୩୧୭(୨)/୩(୫) ଅନୁଯାୟୀ ମାମଲା ରୁଜୁ କରାଯାଇଛି।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
