କୋମନା ବସ୍ ଷ୍ଟାଣ୍ଡରେ ନାହିଁ ଛାଇ କି ପାଣି ବ୍ୟବସ୍ଥା
ଚା ଦୋକାନ, ପାନ ଦୋକାନରେ ଯାତ୍ରୀ
ନୂଆପଡ଼ା,(ସୁଜିତ କୁମାର ପ୍ରଧାନ )ନୂଆପଡ଼ା ଜିଲ୍ଲାରେ କିଛି ଦିନ ହେବ ତାପମାତ୍ରା ଅହେତୁକ ଭାବେ ବୃଦ୍ଧି ପାଇବାରେ ଲାଗିଛି l ଜିଲ୍ଲାର କୋମନା ବସ୍ ଷ୍ଟାଣ୍ଡରେ ଯାତ୍ରୀମାନଙ୍କ ଆଶ୍ରୟ ନେବା ପାଇଁ କୌଣସି ଛାଇ ଯାଗା କି ପାନୀୟ ଜଳର ବ୍ୟବସ୍ଥା ନ ଥିବାରୁ ଯାତ୍ରୀମାନେ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି l
ନୂଆପଡ଼ା ଜିଲ୍ଲା କୋମନା ଦେଇ ଜାତୀୟ ରାଜପଥ ୩୫୩ ଯାଇଛି l ଏହି କୋମନା ଦେଇ ରାଜ୍ୟ ତଥା ରାଜ୍ୟ ବାହାରର ଅନେକ ସ୍ଥାନକୁ ବସ୍ ଚଳାଚଳ କରି ଥାଏ l ଲୋକେ ବସ୍ ରେ ଯିବା ପାଇଁ କୋମନା ବସ୍ ଷ୍ଟାଣ୍ଡ ଉପରେ ନିର୍ଭର କରି ଥାଆନ୍ତି l ପୁଣି କୋମନାରେ ବ୍ଲକ କାର୍ଯ୍ୟାଳୟ, ତହସିଲ କାର୍ଯ୍ୟାଳୟ, ଥାନା, କୋର୍ଟ ଆଦି ଥିବାରୁ ୩୨ ଗୋଟି ପଞ୍ଚାୟତର ଲୋକେ ଆସି ଥାନ୍ତି l କୋମନା ବସ୍ ଷ୍ଟାଣ୍ଡରେ ପ୍ରବଳ ଖରା ତାତିରୁ ଆଶ୍ରୟ ନେବା ପାଇଁ କୌଣସି ଛାଇ ଯାଗା ନାହିଁ l ଯାତ୍ରୀମାନେ ବସ୍ ଅପେକ୍ଷାରେ ବସ୍ ଷ୍ଟାଣ୍ଡ ପାଖେ ଥିବା ବିଭିନ୍ନ ଚା ଦୋକାନ, ପାନ ଦୋକାନ, ଫଳ ଦୋକାନ ଆଦି ସ୍ଥାନରେ ଖରାରୁ ରକ୍ଷା ପାଇଁ ଆଶ୍ରୟ ନେବାକୁ ବାଧ୍ୟ ହୋଇ ଥାଆନ୍ତି l ବେଳେ ବେଳେ ଦୋକାନୀଙ୍କ ଆକ୍ରୋଶର ଶୀକାର ମଧ୍ୟ ହୋଇ ଥାଆନ୍ତି l ପୁଣି ଜଳଛତ୍ର ନ ଥିବାରୁ ନାହିଁ ନ ଥିବା ସମସ୍ୟାର ସମ୍ମୁଖୀନ ହୋଇ ଥାଆନ୍ତି l କୋମନାରେ ନିର୍ମାଣାଧୀନ ବସ୍ ଷ୍ଟାଣ୍ଡ କାମ ସରି ଯାଇଛି l କିନ୍ତୁ ଉଦଘାଟନ ହୋଇ ନ ଥିବାରୁ କାର୍ଯ୍ୟକ୍ଷମ ହୋଇ ପାରି ନାହିଁ l ଯାହା ଦ୍ଵାରା ଖରା ଦିନରେ ଯାତ୍ରୀ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି l ଶୀଘ୍ର ବସ୍ ଷ୍ଟାଣ୍ଡ କାର୍ଯ୍ୟକ୍ଷମ କରିବା ସହ ପାନୀୟ ଜଳର ବ୍ୟବସ୍ଥା କରିବାକୁ ସାଧାରଣରେ ଦାବି ହେଉଛି l
