ଦେଶର ବିଭିନ୍ନ ଏନଜିଓ ଗୁଡିକକୁ ବିଦେଶରୁ ଅନୁଦାନ ମିଳୁଥିବା ଘଟଣାରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗର ତଦନ୍ତ ଆରମ୍ଭ କରିଛି ସିବିଆଇ।ଏନେଇ ପାଞ୍ଚ ଜଣ ସରକାରୀ କର୍ମଚାରୀ ଙ୍କ ସମେତ ଦଶ ଜଣ ଙ୍କୁ ଅଟକ ରଖି ଘଟଣା ର ତଦନ୍ତ କରିବା ସହିତ ଦେଶର ୪୦ ଗୋଟି ସ୍ଥାନରେ ସିବିଆଇ ପକ୍ଷରୁ ରେଡ଼ କରାଯାଇଛି।ସରକାରୀ ଅଧିକାରୀ ମାନେ ବ୍ୟାପକ ଲାଞ୍ଚ ନେଇ ଏନଜିଓ ଗୁଡିକ ଉପରେ ବିଦେଶୀ ଅନୁଦାନ ପାଇଁ ଲାଗୁ ହେଉଥିବା ଆଇନ ର ବ୍ୟାପକ ଚଞ୍ଚକତା କରିଥିବା ଅଭିଯୋଗ ହୋଇଛି।କିଛି ସରକାରୀ ଅଧିକାରୀ ବେଆଇନ ଭାବେ ବିଦେଶୀ ପାଣ୍ଠି ସଂଗ୍ରହ ପାଇଁ ଏନଜିଓ ସଂସ୍ଥାକୁ foreign contribution regulation act ( FCRA) ଅନୁମତି ଦେଇଥିବା ସିବିଆଇ ସୁରାଗ ପାଇଛି।ଖୋଦ ସ୍ବରାଷ୍ଟ୍ର ମନ୍ତ୍ରାଳୟ ର କିଛି ଅଧିକାରୀ ଏଥିରେ ସାମିଲ ଥିବା କୁହାଯାଉଛି। 
ସ୍ବରାଷ୍ଟ୍ର ମନ୍ତ୍ରାଳୟର ଅଧିକାରୀ,ଏନଜିଓର ପ୍ରତିନିଧି ଓ କିଛି ମଧ୍ୟସ୍ଥି ଙ୍କ ମଧ୍ୟରେ ଲାଞ୍ଚ କାରବାର ଚାଲିଥିବା ବେଳେ ସିବିଆଇ ସେମାନଙ୍କୁ ଧରିଛି।ବିଦେଶୀ ପାଣ୍ଠି ଗ୍ରହଣ କରିବାର ଅନୁମତି ଦେବାକୁ ଏହି ଲାଞ୍ଚ କାରବାର ହେଉଥିଲା।ଏହି ଘଟଣା ପରେ ଦେଶର ୧୨ ଗୋଟି ଏନଜିଓ ସିବିଆଇ ସ୍କାନରକୁ ଆସିଛନ୍ତି। ସିବିଆଇ ଅଧିକାରୀ କହିଛନ୍ତି ଯେ, ହାୱାଲା ଚ୍ୟାନେଲ ଜରିଆରେ ପ୍ରାୟ ଦୁଇ କୋଟି ଟଙ୍କାର ନେଣଦେଣ ହୋଇଛି।ଦିଲ୍ଲୀ, ରାଜସ୍ଥାନ, ଚେନ୍ନାଇ, ମହୀଶୂର ସମେତ ୪୦ଟି ସ୍ଥାନ ରେ ରେଡ଼ କରାଯିବ। ପରେ ଏହି ଟଙ୍କାକୁ ଜବତ କରାଯାଇଛି।ବେଆଇନ କାମର ସୂଚନା ସ୍ବରାଷ୍ଟ୍ର ମନ୍ତ୍ରାଳୟ ସୂଚନା ମିଳିବା ପରେ ହିଁ ସିବିଆଇ ଏଭଳି ଚଢ଼ାଉ କରିଛି ଓ ଏହି ରେଡ଼ ଆଗକୁ ମଧ୍ୟ ଜାରି ରହିବ ବୋଲି ପ୍ରକାଶ ପାଇଛି।
ଵିଦ୍ୟାଧର ସାହୁଙ୍କ ରିପୋର୍ଟ….
