କାମାକ୍ଷାନଗର କେଭିର ପ୍ରଥମ ବାର୍ଷିକ ଉତ୍ସବ ପାଳନ , ଉତ୍କର୍ଷତା ପାଇଁ ୯୫ ଜଣ ଛାତ୍ରଛାତ୍ରୀଙ୍କୁ ପୁରସ୍କାର ପ୍ରଦାନ
କାମାକ୍ଷାନଗର – କାମାକ୍ଷାନଗର କେନ୍ଦ୍ରୀୟ ବିଦ୍ୟାଳୟ ପକ୍ଷରୁ ପ୍ରଥମ ବାର୍ଷିକ ଉତ୍ସବ ବ୍ରାହ୍ମଣୀ ତରଙ୍ଗ-୧ ବେଶ୍ ଧୁମଧାମରେ ପାଳନ ହୋଇଯାଇଛି । କାମାକ୍ଷାନଗର ସାରଙ୍ଗଧର ଷ୍ଟାଡିୟମ ପରିସରରେ ଥିବା ଅଡିଟୋରିୟମରେ ଆୟୋଜିତ ଉତ୍ସବରେ ସମ୍ମନୀତ ଅତିଥୀ ଭାବରେ କାମାକ୍ଷାନଗର ସହକାରୀ ଜିଲ୍ଲାପାଳ ଶ୍ରୀଯୁକ୍ତ ଦୀପକ ମିଶ୍ର,, କାମାକ୍ଷାନଗରର ସହକାରୀ ଜିଲ୍ଲାପାଳ ଜ୍ୟୋତିରୂପା ଶତପଥୀ, କାମାକ୍ଷାନଗର ତହସିଲଦାର ସୂର୍ଯ୍ୟକାନ୍ତ ବରାଳ ମହୋଦୟ ଯୋଗ ଦେଇଥିଲେ । ବାର୍ଷିକ ଉତ୍ସବ କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ ବିଦ୍ୟାଳୟର ଅଧ୍ୟକ୍ଷ ପ୍ରହଲ୍ଲାଦ କୁମାର ମିଶ୍ର । ବର୍ଣ୍ଣାଢ୍ୟ ପରିବେଶରେ ବିଦ୍ୟାଳୟର ବିଭିନ୍ନ ବିଭାଗରରେ ସଫଳତା ହାସଲ କରିଥିବା ୯୫ ଜଣ ଛାତ୍ରଛାତ୍ରୀଙ୍କୁ ପୁରସ୍କାର ପ୍ରଦାନ କରାଯାଇଥିଲା । ରାଷ୍ଟ୍ରୀୟ ବାଲ୍ ବୈଜ୍ଞାନିକ ପ୍ରଦର୍ଶନୀ, କ୍ଲଷ୍ଟର ସ୍ତରରେ ପ୍ରଥମ ସ୍ଥାନ ଅର୍ଜନ କରିଥିବା ପଞ୍ଚମ ଶ୍ରେଣୀ ଛାତ୍ରୀ ଚିନ୍ମୟୀ ସାହୁ, କ୍ଲଷ୍ଟର ସ୍ତରରେ ଦ୍ବିତୀୟ ସ୍ଥାନ ହାସଲ କରିଥିବା ଚତୁର୍ଥ ଶ୍ରେଣୀ ଛାତ୍ରୀ ଆରାଧ୍ୟା ଆରାଧନା ଖଟୁଆଙ୍କୁ ସମ୍ମାନୀତ କରାଯାଇଥିଲା । ଏହି ଦୁଇ ଜଣ ଛାତ୍ରୀ ଆଞ୍ଚଳିକ ସ୍ତରରେ ନୂତନ ଭାବରେ ସ୍ଥାପିତ ହୋଇଥିବା କାମାକ୍ଷାନଗର କେଭି ପାଇଁ ବଡ଼ ସୁନାମ ଆଣିଥିଲେ । ଏହି ଅବସରରେ ବିଦ୍ୟାଳୟର ବାର୍ଷିକ ବିବରଣୀ ଏବଂ ସଫଳତା ଛାତ୍ରଛାତ୍ରୀ ଏବଂ ଅଭିଭାବକଙ୍କ ସମ୍ମୁଖରେ ରଖିଥିଲେ ଅଧ୍ୟକ୍ଷ ପ୍ରହଲ୍ଲାଦ କୁମାର ମିଶ୍ର ।
ଚଳିତ ବର୍ଷ କାମାକ୍ଷାନଗର କେନ୍ଦ୍ରୀୟ ବିଦ୍ୟାଳୟ ଏହାର ପ୍ରଥମ ବାର୍ଷିକ ଉତ୍ସବ ବ୍ରାହ୍ମଣୀ ତରଙ୍ଗ-୧ ପାଳନ କରିଛି । ମୋଟ୍ ୪ଟି ହାଉସ ସୁବାସ, ଟାଗୋର, ଅଶୋକା, ରମଣ ହାଉସ ମଧ୍ୟରୁ ଟାଗୋର ହାଉସକୁ ଚାମ୍ପିଅନ ହୋଇଥିଲା । ବାର୍ଷିକ ଉତ୍ସବ ଅବସରରେ ବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ବାରା ମନଛୁଆଁ ସାଂସ୍କୃତିକ କାର୍ଯ୍ୟକ୍ରମ ପରିବେଶଣ ହୋଇଥିଲା । କାର୍ଯ୍ୟକ୍ରମରେ ମଞ୍ଚ ପରିଚାଳନା କରିଥିଲେ ବିଦ୍ୟାଳୟର ଶିକ୍ଷକ ଭୋଳେଶ୍ବର ବେହେରା । କାମାକ୍ଷାନଗର କେନ୍ଦ୍ରୀୟ ବିଦ୍ୟାଳୟ ପକ୍ଷରୁ ରାକେଶ ରଂଜନ ପ୍ରଧାନ, ପ୍ରଦୀପ ବେହେରା, ଜ୍ଞାନ ରଂଜନ ସାହୁ, ଶିକ୍ଷୟିତ୍ରୀ ନିକିତା ପାତ୍ର ଏବଂ ପ୍ରଜ୍ଞା ପରମିତା ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
ପ୍ରହ୍ଲାଦ ମୁଦୁଲି ଙ୍କ ରିପୋର୍ଟ୍
