ମୁଖ୍ୟମନ୍ତ୍ରୀ ଗସ୍ତ ପୂର୍ବ ରୁ ଜିଲ୍ଲା କଂଗ୍ରେସ ସଭାପତି ସହ ଉପସଭାପତି ଅଜିତ ପୁରୋହିତ ଥାନା ରେ ଅଟକ
ଆଜି ବଲାଙ୍ଗୀର ଗସ୍ତ ରେ ଆସୁଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଆଜି ରାଜ୍ଯ ସ୍ତରୀୟ ପଞ୍ଚାୟତିରାଜ ଦିବସ ପାଳନ ପାଇଁ ବଲାଙ୍ଗିର ଗାନ୍ଧୀ ଷ୍ଟାଡିୟମ ରେ ସନ୍ଧ୍ୟା ରେ କାର୍ଯ୍ୟକ୍ରମ ରହିଛି ତେବେ ପୂର୍ବ ରୁ ବିଜେପି ର ପ୍ରତିଶୃତି ପାଳନ କରିନଥିବା ରୁ ଆଜି କଳାଦିବସ ଭାବେ ପାଳନ ପାଇଁ ଆହ୍ବାନ ଦେଇଥିଲେ ଜିଲ୍ଲା କଂଗ୍ରେସ କମିଟି ସଭାପତି ଅନୀଲ ମେହେର । ମୁଖ୍ୟମନ୍ତ୍ରୀଙ୍କ ଗସ୍ତ ସମୟ ରେ କଂଗ୍ରେସ ପକ୍ଷରୁ ଜିଲ୍ଲାର ବିକାଶ କୁ ସରକାର ଭୁଲି ଯାଇଥିବା ଦର୍ଶାଇ କଳାପତାକା ପ୍ରଦର୍ଶନ କରିବାକୁ ଚେତାବନୀ ଦେଇଛନ୍ତି । ବଲାଙ୍ଗୀର ଏସପି ଙ୍କ ନିର୍ଦ୍ଦେଶ କ୍ରମେ ଗତକାଲି ସନ୍ଧ୍ୟା ରେ ଜିଲ୍ଲା ସଭାପତିଙ୍କ ସହ ଉପ ସଭାପତି ଅଜିତ ପୁରୋହିତ, ଜିଲ୍ଲା କିଷାନ ସେଲ ଅଧ୍ୟକ୍ଷ ପତିତପାବନ ପଧାନ ଙ୍କୁ ଦେଓଗାଁ ଛକ ରୁ ଅଟକ ରଖି ବଲାଙ୍ଗୀର ରେ ରଖିଥିଲା । ମୁଖ୍ୟମନ୍ତ୍ରୀ ପ୍ରୋଟୋକଲ ଆଧାର ଆଜି ପାଟଣାଗଡ ଥାନା କୁ ସ୍ଥାନାନ୍ତରିତ କରାଯାଇଥିବା ଜଣାପଡିଛି । ସେହିପରି ଆଜି ସକାଳୁ ଜିଲ୍ଲା ସମ୍ପାଦକ ନିଲକାନ୍ତ ବିଶି , ବେଲପଡା ଯୁବ ସଂଗଠକ ବିକାଶ ମେହେର ଙ୍କୁ ପାଟଣାଗଡ ଥାନା ରେ ଅଟକ ରଖିଛି ପୋଲିସ । ସୋସିଆଲ ମିଡିଆ ରେ ମୁଖ୍ୟମନ୍ତ୍ରୀଙ୍କ ଗସ୍ତ କୁ ବିରୋଧ କରି କୋଶଲି ମୁକ୍ତି ମୋର୍ଚ୍ଚା ର ଆବାହକ ଶୁଶିଲ ଗୁରୁ , ଜନସନ ନାଗ ,ବେଲପଡା ରେ ଜିତୁ ନାଏକ , ଜନାର୍ଦ୍ଦନ ସିଂ ,ଯୁଗଳ ମେହେର ,ଖପ୍ରାଖୋଲ ଥାନା ରେ ଜଗନ ମେହେର ପ୍ରମୁଖ ଅଟକ ଥିବା ସୂଚନା ମିଳିଛି । ଜିଲ୍ଲା କଂଗ୍ରେସ ସଭାପତି ଙ୍କ ସହ ଅଟକ କର୍ମୀ କଳା ବ୍ୟାଚ୍ ପରିଧାନ କରି ବିରୋଧ ପ୍ରଦର୍ଶନ କରିଛନ୍ତି । ଜିଲ୍ଲା କଂଗ୍ରେସ ସଭାପତି ଙ୍କ ସମର୍ଥନ ରେ ପାଟଣାଗଡ ନିର୍ବାଚନ ମଣ୍ଡଳୀର ଶତାଧିକ କର୍ମୀ ବେଲପଡା ବ୍ଲକ ସଭାପତି ତ୍ରିଲୋଚନ ଧରୁଆ , ପାଟଣାଗଡ ବ୍ଲକ ସଭାପତି ସାଧୁଚରଣ ମେହେର ଙ୍କ ନେତୃତ୍ବ ରେ ପାଟଣାଗଡ ଥାନା ରେ ସାକ୍ଷାତ କରିଛନ୍ତି ।
