ଉତ୍କଳ ସମ୍ମିଳନୀ ରାଉରକେଲା ଶାଖା ପକ୍ଷରୁ ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀ ପାଳିତ
ଓଡ଼ିଆ ଅସ୍ମିତା ଓ ସ୍ୱାଭିମାନର ମୂର୍ତ୍ତିମନ୍ତ ପ୍ରତୀକ ଥିଲେ ମଧୁବାବୁ
ରାଉରକେଲା : ଉତ୍କଳ ସମ୍ମିଳନୀ ରାଉରକେଲା ଶାଖା ପକ୍ଷରୁ ସଭାପତି ସୁଦାମ ଚନ୍ଦ୍ର ଦାଶଙ୍କ ପୌରୋହିତ୍ୟରେ ଛେଣ୍ଡ କଲୋନୀସ୍ଥ ହୃଷିକେଶ ରାୟ ସ୍ନାତକ ମହାବିଦ୍ୟାଳୟ ସଭାଗୃହରେ ମଧୁବାବୁଙ୍କ ୧୭୯ତମ ଜୟନ୍ତୀ ଉତ୍ସବ ମହା ସମାରୋହରେ ପାଳିତ ହୋଇଯାଇଛି l ଏହି ଜୟନ୍ତୀ ଉତ୍ସବରେ ମୁଖ୍ୟ ଵକ୍ତା ତଥା ବିଶିଷ୍ଟ ଭାଷାବିତ୍ତ ଡ. ଅଶ୍ବିନୀ କୁମାର ରାୟ ଉପସ୍ଥିତ ଶତାଧିକ ଛାତ୍ର ଛାତ୍ରୀ ଏବଂ ବିଭିନ୍ନ ସଂଗଠନରୁ ଆସିଥିବା ବ୍ୟକ୍ତିଙ୍କୁ ସମ୍ବୋଧନ କରି କହିଥିଲେ ଯେ, ଓଡ଼ିଆ ଅସ୍ମିତା ଓ ସ୍ୱାଭିମାନର ମୂର୍ତ୍ତିମନ୍ତ ପ୍ରତୀକ ଥିଲେ ମଧୁବାବୁ l ସେ ନିଜ ଜୀବନକୁ ତିଳତିଳ ଜାଳି ଓଡ଼ିଆ ଜାତି, ଭାଷା ଏବଂ ସଂସ୍କୃତି ପାଇଁ ସମର୍ପିତ ଥିଲେ l ଜାତିକୁ ଶୈକ୍ଷିକ ମର୍ଯ୍ୟାଦା ଦେବାପାଇଁ ତାଙ୍କ ନିଜସ୍ୱ ଅନୁଦାନରେ ତିଆରି କରିଥିଲେ ଚିନି କାରଖାନା, ଚମଡା ଓ ତାରକଶି ଶିଳ୍ପ l ଓଡ଼ିଆ ଭାଷା, ଓଡ଼ିଶା ମାଟି ଓ ଓଡ଼ିଆ ଜାତିକୁ ସେ ପ୍ରାଣରେ ପ୍ରାଣରେ ଭଲ ପାଉଥିଲେ l ସଭାପତି ସୁଦାମ ଚନ୍ଦ୍ର ଦାଶ ସ୍ୱାଗତ ଭାଷଣ ପ୍ରଦାନ ପୂର୍ବକ ବକ୍ତବ୍ୟ ରଖିଥିଲେ ଯେ, ମଧୁବାବୁ ନିଜର ଓକିଲାତି ଜୀବନ ସହ ଓଡିଶା ଜାତୀୟ ଜୀବନ ସହ ଯୋଡି ହୋଇଥିଲେ l ମାଗଣାରେ ମୋକଦମା ଲଢ଼ି ଆଇନଜୀବୀମାନଙ୍କ ପାଇଁ ଏକ ନୂତନ ଦିଗଦର୍ଶକ ଥିଲେ l ସାଧାରଣ ସମ୍ପାଦକ ଅକ୍ଷୟ କୁମାର ଦାସ ଅତିଥି ପରିଚୟ ପ୍ରଦାନ ଓ କାର୍ଯ୍ୟକ୍ରମର ସଂଯୋଜନା କରି ବକ୍ତବ୍ୟ ରଖିଥିଲେ ଯେ, ଯେଉଁ ଜାତି ମାଟି ଓ ଭାଷା ପାଇଁ ସମର୍ପିତ ନୁହେଁ, ସେ ଏକ ବର୍ବର ଜାତି l ଉତ୍କଳ ଗୌରବ ମଧୁବାବୁ ଉତ୍କଳ ସମ୍ମିଳନୀ ପ୍ରତିଷ୍ଠା କରି ଖଣ୍ଡ ବିଖଣ୍ଡିତ ଓଡିଶାକୁ ଏକତ୍ର କରାଇବାରେ ଥିଲେ ମୁଖ୍ୟ ବିନ୍ଧାଣୀ l ଏହି କାର୍ଯ୍ୟକ୍ରମରେ ଅନ୍ୟତମ ଅତିଥି ତଥା ହୃଷିକେଶ ରାୟ ମହାବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷ କହ୍ନେୟାଲାଲ ଅଗ୍ରୱାଲ, ଅଧ୍ୟାପିକା ଡ. ଅର୍ଚ୍ଚନା ନନ୍ଦ,ଉପ ସଭାପତି ଚିତ୍ତ ରଂଜନ ଦାଶ , ସଚେତନ ନାଗରିକ ମଞ୍ଚ ର ସାଧାରଣ ସମ୍ପାଦକ ପି. ପି ରାୟ,ଅନୀଲ କୁମାର ଦାଶ ପ୍ରମୁଖ ମଧୁବାବୁଙ୍କ ଜୀବନୀ ସମ୍ପର୍କୀତ ଆଲୋଚନା କରିଥିଲେ l ଟିକିଟିକି ସୁନାଫୁଲର ସମ୍ପାଦକ ସୁନୀଲ କୁମାର ମହାନ୍ତି ମଧୁବାବୁଙ୍କ ବାଲ୍ୟ ଜୀବନୀ ସମ୍ପର୍କରେ ଆଲୋଚନା କରିବା ସହ ମଧୁବାବୁଙ୍କ ସମ୍ପର୍କୀତ ବକ୍ତବ୍ୟ ରଖିଥିବା ଛାତ୍ରଛାତ୍ରୀ ସତ୍ୟବ୍ରତ ପଣ୍ଡା, ରଶ୍ମିତା ସାହୁ, ପରିମିତା ନାୟକଙ୍କୁ ସୁନାଫୁଲ ପତ୍ରିକା ଉପହାର ପ୍ରଦାନ କରିଥିଲେ l ଉପ ସଭାପତି ନବଘନ ପାଣି, କୋଷାଧ୍ୟକ୍ଷ ଭଗବାନ ମହାପାତ୍ର, କାର୍ଯ୍ୟକାରୀ ସଭ୍ୟ ଉତ୍ତମ କୁମାର ବାରିକ, ସୂର୍ଯ୍ୟନାରାୟଣ ପଣ୍ଡା, ଲକ୍ଷ୍ମଣ ପରିଡା, ରାଜେନ୍ଦ୍ର ମହାନ୍ତି ବିଜୟକୁମାର ସାହୁ , ସୁଶାନ୍ତ କୁମାର ନାୟକ, ଉଇ ଆର ୱାନ ବରିଷ୍ଠ ସଙ୍ଘର ସାଧାରଣ ସମ୍ପାଦକ କାର୍ତ୍ତିକ ଚନ୍ଦ୍ର ବେହେରା, ଜଗବନ୍ଧୁ ପ୍ରଧାନ ଏବଂ ମହାବିଦ୍ୟାଳୟର ଆଧ୍ୟାପିକା ଅଧ୍ୟାପକ ଏବଂ କର୍ମଚାରୀ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ l ଅଧ୍ୟାପିକା ରାଜଲକ୍ଷ୍ମୀ ଦାସ ଧନ୍ୟବାଦ ଅର୍ପଣ କରିଥିଲେ l ଏହି ଅବସରରେ ସକାଳ ଆଠ ଘଟିକାରେ ରେଳ ଷ୍ଟେସନ ନିକଟବର୍ତ୍ତୀ ମଧୁବାବୁଙ୍କ ପ୍ରତିମୂର୍ତ୍ତିରେ ସମ୍ମିଳନୀର ସଭ୍ୟ ସଭ୍ୟାଙ୍କ ପକ୍ଷରୁ ମାଲ୍ୟାର୍ପଣ ଓ ବନ୍ଦେ ଉତ୍କଳ ଜନନୀ ସଂଗୀତ ଗାନ କରାଯାଇଥିଲା l
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
