ହେ କର୍ମବୀର
ତୁମେ ଜ୍ୟୋତିଷ୍ମାନ ଭାଷା ସାହିତ୍ୟର
କର୍ମେଥିଲ କର୍ମବୀର
ପଦ୍ମଶ୍ରୀ ଉପାଧୀ ଖାଲି ନ ପାଇଛ
ସମ୍ମାନୀତ ଶତ ଥର।
ଉତ୍କଳ ମା,ଟା ହତଭାଗା ଆଜି
ଖୋଜୁଥିବ ବାରଂବାର
ଯୋଗ୍ୟ ଦାୟାଦ ଏ ପୂଣ୍ୟ ମାଟିର
କଲ ଆରପାରି ଘର।
ସଂସ୍କୃତି ସାହିତ୍ୟ ଏକାକାର କରି
ନୂଆ ରୂପେ ଥିଲ ଉଭା
କିଏ ସେ ମଣ୍ଡିବ ଭଞ୍ଜ ସାହିତ୍ୟରେ
ଓଡ଼ିଆ ଅସ୍ମିତା ଗଭା
ସଂସ୍କୃତି ବାହକ ଧର୍ମପ୍ରଚାରକ
ଜଗନ୍ନାଥ ନାମ ନେଇ
ପ୍ରସାର କରିଛ ଏ ଜାତିର ତାତି
ଟିଭି ରେଡ଼ିଓ ରେ କହି।
ଝୁରୁଥିବ ସଦା ମାହାଙ୍ଗା ତୁମକୁ
ଝୁରିବ ଉତ୍କଳ ମାତା
କିଏବା କହିବ ଆମ ପରମ୍ପରା
ବୁଝେଇ ବୁଝେଇ ତାହା।
ଶୋଇଗଲ ସଦା ନିର୍ବାକ୍ ନିଃଷ୍ପନ୍ଦେ
ମୋହ ଠାରୁ ହୋଇ ଦୂର
ଏ ମାଟିର ଗାଥା କିଏ ବଖାଣିବ
ହେ ଭାଷା ସାହିତ୍ୟ ବୀର।
ବାଢି ଦେଉଅଛୁ ଶ୍ରଦ୍ଧା ସୁମନ
ଆଜି ଏ ଅନ୍ତର ତଳେ
ମନେ ରଖିଥିବ ଏ ଜାତି ତୁମକୁ
ତୁମ ଅବଦାନ ବଳେ।
ନଗେନ୍ଦ୍ର କୁମାର ରାଉତ,
ଉପସଭାପତି,ତାରେଣୀ ସାହିତ୍ୟ ସଂସଦ
, ଗଦାଧର ପୁର, ଘଟଗାଁ, କେନ୍ଦୁଝର।
