ହିଞ୍ଜିଳି ଥାନାକୁ ଶିଶୁ ସୁରକ୍ଷା ଆୟୋଗ ଅଧ୍ୟକ୍ଷାଙ୍କ ଗସ୍ତ
ହିଞ୍ଜିଳିକାଟୁ,ତା ୧୨/୫ ସୋମବାର ଅପରାହ୍ନ ସମୟରେ ହିଞ୍ଜିଳି ଥାନା ପରିଦର୍ଶନ କରିଛନ୍ତି ଶିଶୁ ସୁରକ୍ଷା ଆୟୋଗ ଅଧ୍ୟକ୍ଷା ଶ୍ରୀମତୀ ବବିତା ପାତ୍ର । ଖରିଡ଼ା ହତ୍ୟା ଘଟଣାରେ ଉଭୟ ନାବାଳକ ଅଭିଯୁକ୍ତ ଥିବାରୁ ସେମାନଙ୍କ ସୁରକ୍ଷା ଓ ସ୍ଥିତି ପରଖିବା ସହ ମାନସିକତା ପରିବର୍ତ୍ତନ ପାଇଁ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଓ ଥାନାଧିକାରୀଙ୍କୁ ରିପୋର୍ଟ ପାଇଁ ଜଣାଇଥିଲେ । ହିଞ୍ଜିଳି ଥାନା ପରିସରରେ ଶିଶୁ ଉଦ୍ୟାନ ପାଇଁ ପ୍ରସ୍ତାବ ରଖିଥିଲେ । ତା ‘ସହ ମହିଳା ଓ ଶିଶୁ ବିକାଶ ଡେସ୍କ ବୁଲି ଖୁସି ପ୍ରକଟ କରିଥିଲେ । ଅନ୍ୟାନ୍ୟ ଶିଶୁ ସୁରକ୍ଷା ଆଇନ ଅଧୀନରେ ଥିବା ମାମଲାର ଅଗ୍ରଗତି ଉପରେ ଥାନାଧିକାରୀ ଶ୍ରୀନିବାସ ସେଠୀଙ୍କୁ ପଚାରି ବୁଝିଥିଲେ ।ଗସ୍ତ ସମୟରେ ଥାନାର ଅନ୍ୟ କର୍ମଚାରୀ ଉପସ୍ଥିତ ଥିଲେ ।
