ସୁନାମୋହିରେ ସ୍ୱାସ୍ଥ୍ୟ ସେବା ଶିବିର
ଆସିକା,୧୭/୦୫/୨୬ (ଶିବ ଶଙ୍କର ମିଶ୍ର ) ଗଞ୍ଜାମ ଜିଲ୍ଲା ର ବିଶିଷ୍ଟ ଭେଷଜ ବିଶେଷଜ୍ଞ ଓ ସମାଜସେବୀ ଡାକ୍ତର ମୀହିର କାନ୍ତ ପାଣିଗ୍ରାହୀ ତାଙ୍କର ଧର୍ମପତ୍ନୀ କ୍ରିଷ୍ଣା ଙ୍କ ସ୍ମୃତି ରେ ସମର୍ପିତ ମିହିର କ୍ରିଷ୍ଣା ଫାଉଣ୍ଡେସନ ଏବଂ ଆସ୍କା ଦି ନାଇଣ୍ଟିସ (ହରି ହର ହାଇ ସ୍କୁଲ ର ୧୯୯୦-୯୧ ବ୍ୟାଚ ଛାତ୍ର) ଙ୍କର ସହଯୋଗରେ ଏକ ମେଗା ସ୍ୱାସ୍ଥ୍ୟ ସେବା ଶିବିର ସୁନାମୋହି ଗ୍ରାମରେ ଅନୁଷ୍ଠିତ ହୋଇଯାଇଛି l ଏହି ସ୍ୱାସ୍ଥ୍ୟ ଶିବିର ରେ ଡାକ୍ତର ବିଶ୍ୱକେଶ ପାଣିଗ୍ରାହୀ, ଡାକ୍ତର ଏନ.ସନ୍ତୋଷ କୁମାର ଉପସ୍ଥିତ ରହି ସୁନାମୋହି ଓ ଆଖ ପାଖ ଗାଁର ଶତାଧିକ ବୃଦ୍ଧ, ବୃଦ୍ଧା, ଯୁବକ, ଯୁବତୀ ମାନଙ୍କ ବି ଏମ ଡି, ବ୍ଲଡ ସୁଗାର, ରକ୍ତ ଚାପ ପରୀକ୍ଷା କରି ମାଗଣାରେ ଔଷଧ ବିତରଣ କରିଥିଲେ l ଶିବିର ରେ ପ୍ରାୟ ୧୦୦ ରୁ ଉର୍ଦ୍ଧ ରୋଗୀଙ୍କୁ ସ୍ୱାସ୍ଥ୍ୟ ସେବା ଯୋଗାଇ ଦିଆଯାଇଥିଲା l ଏଥିରେ ସୁନାମୋହୀ ଗ୍ରାମର ସଭାପତି ଅଚ୍ୟୁତାନନ୍ଦ ପ୍ରଧାନ, ଯୋଗୀନ୍ଦ୍ର ପ୍ରଧାନ, ଦୟାନିଧି ପ୍ରଧାନ, ଅନନ୍ତ ପ୍ରଧାନ, ଗ୍ରାମର ଅନ୍ୟାନ୍ୟ ଯୁବକ ଏବଂ ଆସ୍କା ହରିହର ହାଇସ୍କୁଲ ର ୯୦-୯୧ ବ୍ୟାଚର ସୁରେନ୍ଦ୍ର ପାତ୍ର, ନିରଞ୍ଜନ ସାହୁ, ସଞ୍ଜୀବ ମହାରଣା, ବଦ୍ରିନାଥ ପାତ୍ର, ଭାନୁ ପ୍ରତାପ ମହାରଣା, ବିନୋଦ ମିଶ୍ର, ମନୋଜ ମିଶ୍ର ପ୍ରମୁଖ ସହଯୋଗ କରିଥିଲେ l
