କଳାହାଣ୍ଡି ଜିଲ୍ଲା ଓ ଧର୍ମଗଡ଼ ସରକାରୀ ଉଚ୍ଚ ବିଦ୍ୟାଳୟ ରାଜ୍ୟ ରେ ଶ୍ରେଷ୍ଠ ସ୍କାଉଟ କ୍ୟାମ୍ପରୀ ଭାବେ ବିବେଚିତ
ମହାମହିମ ରାଜ୍ୟପାଳ ଡକ୍ଟର ହରିବାବୁ କମ୍ଭମପତି ଙ୍କ ଦ୍ଵାରା ଆଜି ପୁରସ୍କୃତ….
ଧର୍ମଗଡ଼ :କଳାହାଣ୍ଡି ଜିଲ୍ଲାର ଧର୍ମଗଡ଼ ଠାରେ ଆୟୋଜିତ ଜିଲ୍ଲା ସ୍ତରୀୟ ସ୍କାଉଟ ଓ ଗାଇଡ଼ କ୍ୟାମ୍ପରୀ ଶ୍ରେଷ୍ଠ ଭାବେ ବିବେଚିତ ହୋଇଛି।ରାଜ୍ୟ ସ୍କାଉଟ କମିଶନର ଙ୍କ ସୁପାରିଶ କ୍ରମେ ଏହି କ୍ୟାମ୍ପରୀ ରାଜ୍ୟ ରେ ସର୍ବୋତ୍ତମ ବିବେଚିତ ହୋଇ ରାଜ୍ୟପାଳ ପୁରସ୍କାର ପାଇଁ ମନୋନୀତ ହୋଇଥିଲା।
ଆଜି ଭୁବନେଶ୍ବରସ୍ଥିତ ଲୋକ ଭବନ ର ନିଉ ଅଭିଷେକ ହଲ ରେ ଆୟୋଜିତ ସ୍କାଉଟ ଓ ଗାଇଡ଼ କ୍ୟାମ୍ପରୀ ର ରାଜ୍ୟସ୍ତରୀୟ ପୁରସ୍କାର ବିତରଣ
କାର୍ଯ୍ୟକ୍ରମରେ ଓଡିଶାର ମହାମହିମ ରାଜ୍ୟପାଳ ଡକ୍ଟର ହରିବାବୁ କମ୍ଭମପତି ମୁଖ୍ୟ ଅତିଥି ଭାବେ ଯୋଗ ଦେଇ କଳାହାଣ୍ଡିକୁ ଏହି ପୁରସ୍କାର ପ୍ରଦାନ କରିଛନ୍ତି। ଏହି ଅବସରରେ ବିଦ୍ୟାଳୟ ଓ ଗଣଶିକ୍ଷାମନ୍ତ୍ରୀ ନିତ୍ୟାନନ୍ଦ ଗଣ୍ଡ ସମ୍ମାନିତ ଅତିଥି ଭାବରେ ଯୋଗଦେଇ ସ୍କାଉଟ ଓ ଗାଇଡ଼ ମାନଙ୍କୁ ଦେଶ ସେବା ରେ ବ୍ରତୀ ହେବା ପାଇଁ ଉଦବୋଧନ ଦେଇଥିବା ବେଳେ ରାଜ୍ୟପାଳ ଡ଼କ୍ଟର ହରିବାବୁ କମ୍ବମପତି ବିଦ୍ୟାଳୟ ସ୍ୱଛତା ପରିବେଶ ସ୍ୱଚ୍ଛତା ଉପରେ ଗୁରୁତ୍ୱ ଦେବାକୁ ଆହ୍ୱାନ ଦେଇଥିଲେ। ସ୍କାଉଟ ଓ ଗାଇଡ଼ ଓଡିଶା ର ରାଜ୍ୟ କମିସନର ଡ.କାଳୀ ପ୍ରସାଦ ମିଶ୍ର ସ୍ୱାଗତ ଭାଷଣ ପ୍ରଦାନ କରିଥିଲେ।
ମହାମହିମ ରାଜ୍ୟପାଳଙ୍କ ଠାରୁ କଳାହାଣ୍ଡି ଜିଲ୍ଲା ଶିକ୍ଷlଧିକାରୀ ତଥା ଜିଲ୍ଲା ସ୍କାଉଟ କମିଶନର ଶ୍ରୀ ରାଧା କାନ୍ତ ଛାତ୍ରୀ, ଜିଲ୍ଲା ସ୍କାଉଟ ସମ୍ପାଦକ ଶ୍ରୀ ରୁପସିଂ ରାଉତ ଓ ଆୟୋଜକ ଧର୍ମଗଡ଼ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ଜୟନ୍ତ କୁମାର ମୁଣ୍ଡ ଓ ଶାରୀରିକ ଶିକ୍ଷା ଶିକ୍ଷକ ତଥା ନୋଡାଲ ସମ୍ପାଦକ ଶ୍ରୀ ସନ୍ତୋଷ କୁମାର ପାଣିଗ୍ରାହୀ ପୁରସ୍କାର ଗ୍ରହଣ କରିଥଲେ।
ଏହି ଅବସରରେ କଳାହାଣ୍ଡି ଜିଲ୍ଲା ର ୧୦ଜଣ ସ୍କାଉଟ ଓ ଗାଇଡ଼ ତାଙ୍କରି କୃତିତ୍ୱ ପାଇଁ ରାଜ୍ୟପାଳ ଙ୍କ ଠାରୁ ପୁରସ୍କୃତ ହୋଇଥିଲେ। ପୁରସ୍କୃତ କଳାହାଣ୍ଫି ଜିଲ୍ଲାର ୧୦ ଜଣ ମଧ୍ୟରେ ଧର୍ମଗଡ଼ ସରକାରୀ ଉଚ୍ଚ ବିଦ୍ୟାଳୟ ର ମୟଙ୍କ ସାଗର ଓ ଶିବଶୁତୋଷ କୁମାର ସାମିଲ ଅଛନ୍ତି।
ସୁଚନା ଯୋଗ୍ୟ ଯେ,କଳାହାଣ୍ଡି ଜିଲ୍ଲା ଧର୍ମଗଡ଼ ସରକାରୀ ଉଚ୍ଚ ବିଦ୍ୟାଳୟ ଠାରେ ଗତ ମାର୍ଚ୍ଚ ୨୮ରୁ ୩୦ ତାରିଖ ଜିଲ୍ଲା ସ୍ତରୀୟ ସ୍କାଉଟ ଓ ଗାଇଡ଼ କ୍ୟାମ୍ପରୀ ଅନୁଷ୍ଠିତ ହୋଇଥିଲା ଯେଉଁ ଠାରେ ୭୩୦ଜଣ ସ୍କାଉଟ ଓ ଗାଇଡ଼ ଭାଗ ନେଇଥିଲେ। ବିଦ୍ୟାଳୟ ଓ ଗଣ ଶିକ୍ଷା ମନ୍ତ୍ରୀ ଶ୍ରୀ ନିତ୍ୟାନନ୍ଦ ଗଣ୍ଡ ଏହାକୁ ଉଦଘାଟନ କରି ଅତି ସୁନ୍ଦର ସୁଶୃଙ୍ଖଳିତ ଓ ବଳିଷ୍ଠ ଭାବେ ଏହା ସମ୍ପାଦିତ ହୋଇଥିବାରୁ ଭୂୟସୀ ପ୍ରଂଶସା କରିଥିଲେ।
ଏହି କୃତିତ୍ୱ କୁ ନେଇ ଜିଲ୍ଲାବ୍ୟାପୀ ଖୁସିର ଲହରୀ ଖେଳି ଯାଇଥିବା ବେଳେ କଳାହାଣ୍ଡି ଜିଲ୍ଲା ଶିକ୍ଷାଧିକାରୀ ଓ ଜିଲ୍ଲା ଶାରୀରିକ ଶିକ୍ଷା ଅଧିକାରୀ ଙ୍କ ବଳିଷ୍ଠ ମାର୍ଗଦର୍ଶନ ରେ ଏହି ସଫଳତା ପ୍ରାପ୍ତ ହୋଇଛି ବୋଲି ଆୟୋଜକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ଜୟନ୍ତ କୁମାର ମୁଣ୍ଡ ନିଜ ପ୍ରତିକ୍ରିୟାରେ ରୁ ପ୍ରକାଶ କରିଛନ୍ତି।
ବିଦ୍ୟାଧର ସାହୁଙ୍କ ରିପୋର୍ଟ…..
