ଗ୍ୟାସ ଦର ବୃଦ୍ଧି ସମସ୍ୟା ନେଇ ପୁରୁଣା ପରମ୍ପରାକୁ ଫେରାଇବାର ଅନନ୍ୟ ପ୍ରୟାସ ଜାରୀ
କଟକ : ସମୟ ସହିତ ବଦଳିଛି ଜୀବନଶୈଳୀ l ମାଟି ଚୁଲା, କାଠ ଜାଳ ଓ ଗ୍ରାମ୍ୟ ରୋଷେଇ ର ସୁଗନ୍ଧ ଆଜି ଧୀରେ ଧୀରେ ଅଦୃଶ୍ୟ ହେବାକୁ ବସିଛି l ଏପଟେ ରନ୍ଧନ ଗ୍ୟାସ ଦର ଆକାଶଛୁଆଁ ହୋଇଥିବା ବେଳେ ସାଧାରଣ ଲୋକଙ୍କ ଉପରେ ବଢ଼ିଛି ଆର୍ଥିକ ଭାର l
ଏଭଳି ସମୟରେ ଓଡିଶା କେନ୍ଦ୍ରାପଡ଼ା ଜିଲ୍ଲାର ସାମାଜିକ ଅନୁଷ୍ଠାନ “ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ” ପକ୍ଷରୁ ଆରମ୍ଭ ହୋଇଛି ଏକ ନିଆରା ପ୍ରୟାସ l ବିବାହ ଉପହାର ଭାବେ ନବଦମ୍ପତିଙ୍କୁ ସିମେଣ୍ଟ ଚୁଲା ଓ କାଠ ଜାଳ ପ୍ରଦାନ କରାଯାଇ ପୁରୁଣା ଓଡ଼ିଆ ସଂସ୍କୃତିକୁ ବଜାୟ ରଖିବାକୁ ଆହ୍ୱାନ କରାଯାଉଛି l ଟ୍ରଷ୍ଟର ଉପଦେଷ୍ଟା ପ୍ରମୋଦ ନାୟକଙ୍କ କହିବା ଅନୁଯାୟୀ, ପୂର୍ବରୁ ଗାଁ ଘରର ରୋଷେଇ ଘରରେ କାଠ ଚୁଲାରେ ଖାଦ୍ୟ ପକାଯାଉଥିଲା । ସେହି ଖାଦ୍ୟର ସ୍ୱାଦ ସହ ଜଡିତ ଥିଲା ଆମ ମାଟିର ସୁଗନ୍ଧ ଓ ପରମ୍ପରା l ଆଜିର ପିଢ଼ୀ ସେହି ସଂସ୍କୃତିରୁ ଦୂରେଇ ଯାଉଥିବା ବେଳେ ଏହି ପ୍ରୟାସ ଲୋକଙ୍କ ମନରେ ନୂଆ ଚେତନା ସୃଷ୍ଟି କରିଛି l ସୋସିଆଲ ମିଡିଆରେ ମଧ୍ୟ ଏହି ଅଭିନବ ପଦକ୍ଷେପକୁ ନେଇ ବିଭିନ୍ନ ମହଳରେ ପ୍ରଶଂସା ଆରମ୍ଭ ହୋଇଛି । କେବଳ ଗ୍ୟାସ ସମସ୍ୟାର ବିକଳ୍ପ ନୁହେଁ, ଏହା ଆମ ଓଡ଼ିଆ ଘରୋଇ ପରମ୍ପରାକୁ ଜୀବନ୍ତ ରଖିବାର ଏକ ଛୋଟ କିନ୍ତୁ ସୁନ୍ଦର ପ୍ରୟାସ ବୋଲି ମତ ପ୍ରକାଶ ପାଉଛି । କେନ୍ଦ୍ରାପଡ଼ା ସହର ର ସାନ୍ତସାହି ଗ୍ରାମ ର ରବୀନ୍ଦ୍ର ପାତ୍ର ଙ୍କ ପୁତ୍ର ମାନସ କୁମାର ପାତ୍ର ଙ୍କ ବିବାହ ଭୋଜି ରେ ଏହି ସଚେତନଧର୍ମୀ ଉପହାର ପ୍ରଦାନ କରାଯlଇଛି l ଗୋଟିଏ ଲୁହା କଡେଇ ରେ ଏକ ସିମେଣ୍ଟ ଚୁଲା ରେ କାଠ ଜାଳ ପୂର୍ଣ୍ଣ ଏହି ଉପହାର ଥିଲା, ଯାହାକୁ ଦେଖି ସାଧାରଣ ଲୋକେ ବି ଆଚମ୍ବିତ ହୋଇଥିଲେ l ସାମାଜିକ ସଚେତନତା ଓ ସମାଜ ସଂସ୍କାର ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ଏକ ଅଙ୍ଗ ବୋଲି ଟ୍ରଷ୍ଟ ର ପରାମର୍ଶଦାତା ନିମାଇଁ ଚରଣ କର ବାର୍ତ୍ତା ଦେଇଛନ୍ତି l ଆଜି ର କାର୍ଯ୍ୟକ୍ରମ ରେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ସଭାପତି ଦମନ ମହାନ୍ତି,ବୟସ୍କ ଗୁରୁଜନ ଭଞ୍ଜକିଶୋର ସ୍ୱାଇଁ, ଗୌତମ ସାହୁ ଓ ଶରତ ସାହୁ ଉପସ୍ଥିତ ଥିଲେ l
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
