ୟୁନିଟେକ ଏବଂ ୱାଇ.ଏମ.ଏଫ.ଆଇ ପକ୍ଷରୁ ଏକାଡେମିକ ଏକ୍ସିଲେନ୍ସ ଆୱାର୍ଡ -୨୦୨୬ ଆୟୋଜିତ
ରାଉରକେଲା: ୟୁନିଟେକ ଗ୍ରୁପ ଅଫ କମ୍ପାନୀଜ ଏବଂ ୟୁଥ ମୁଭମେଣ୍ଟ ଫେଡେରେସନ ଅଫ ଇଣ୍ଡିଆ ର ମିଳିତ ଆନୁକୂଲ୍ୟରେ ଏକାଡେ଼ମିକ ଏକ୍ସିଲେନ୍ସ ଆୱାର୍ଡ – ୨୦୨୬ ଆୟୋଜିତ ହୋଇଯାଇଛି l ଚଳିତ ବର୍ଷ ବିଭିନ୍ନ ବୋର୍ଡ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ସ୍ମାର୍ଟ ସିଟି ରାଉରକେଲା ର ୧୫୦ ରୁ ଉର୍ଦ୍ଧ୍ବ ମେଧାବୀ ଛାତ୍ର ଛାତ୍ରୀଙ୍କୁ ଏନଆଇଟି ସ୍ଥିତ ପିକେ ପରିଜା ଅଡ଼ିଟୋରିୟମ ଠାରେ ସମ୍ବର୍ଦ୍ଧିତ କରାଯାଇଛି l ଏଥିରେ ଏନଆଇଟି ର ରେଜିଷ୍ଟାର ପ୍ରଫେସର ରୋହନ ଧୀମାନ ମୁଖ୍ୟଅତିଥି ଭାବେ ଯୋଗ ଦେଇଥିଲେ l ସେ ତାଙ୍କ ବକ୍ତବ୍ୟ ରେ କହିଲେ ଯେ, ଛାତ୍ର ଛାତ୍ରୀ ଙ୍କ ମଧ୍ୟରେ ଶୈକ୍ଷିକ ଉତ୍କର୍ଷତା ଓ କୌଶଳ ବିକାଶକୁ ପ୍ରୋତ୍ସାହନ ଦେବାର ଏହି ପ୍ରୟାସ କୁ ପ୍ରଶଂସା କରିଥିଲେ l ୟୁନିଟେକ ଗ୍ରୁପ ର ମହାପ୍ରବନ୍ଧକ ହର୍ଷ ଆର୍ଯ୍ୟ ସ୍ୱାଗତ ଅଭିଭାଷଣ ପ୍ରଦାନ ସହ ଉଦଘାଟନୀ କାର୍ଯ୍ୟକ୍ରମ ର ସଂଚାଳନ କରିଥିଲେ l ସେ ତାଙ୍କ ପ୍ରେରଣା ଦାୟକ ଅଭିଭାଷଣରେ ନିଜର ଶିକ୍ଷାଜୀବନର ଅନୁଭୁତି ସମ୍ପର୍କ ରେ ଆଲୋକପାତ କରିଥିଲେ l କଠିନ ପରିଶ୍ରମ, ନିରନ୍ତରତା ଓ କୌଶଳ ବିକାଶ ହିଁ ଜୀବନର ସଫଳତା ର ଚାବିକାଠି ବୋଲି ସେ କହିଥିଲେ l ୟୁନିଟେକ ଗ୍ରୁପ ର ଅଧ୍ୟକ୍ଷ ନରେଶ ଆର୍ଯ୍ୟ ଏଥିରେ ଅଧ୍ୟକ୍ଷତା କରିବା ସହ ଭିତ୍ତି ପ୍ରବନ୍ଧ ଉପସ୍ଥାପନା କରିଥିଲେ l ସେ ତାଙ୍କ ବକ୍ତବ୍ୟ ରେ ପ୍ରଯୁକ୍ତି କୁ ଅଙ୍ଗିକାର କରିବା ଓ ଭବିଷ୍ୟତ ପାଇଁ ନିଜକୁ ସଦା ପ୍ରସ୍ତୁତ ରଖିବାକୁ ପ୍ରେରିତ କରିଥିଲେ l ସମ୍ମାନିତ ଅତିଥି ଭାବେ ୱାଇଏମଏଫଆଇ ର ଉପଦେଷ୍ଟା ଇଂ ନଳିନୀ କାନ୍ତ ଧର ଯୋଗ ଦେଇ ଛାତ୍ର ଛାତ୍ରୀ ମାନେ ନିରନ୍ତର ପରିବର୍ତ୍ତନ ଶୀଳ ସମୟକୁ ଧ୍ୟାନରେ ରଖି ଭବିଷ୍ୟତ ପାଇଁ ନିଜକୁ ଅନୁକୂଳ ରଖିବାକୁ ଆହ୍ୱାନ କରିଥିଲେ l ୱାଇ.ଏମ.ଏଫ.ଆଇ ର ସାଧାରଣ ସମ୍ପାଦକ ବିବେକାନନ୍ଦ ଦାସ ଙ୍କ ତତ୍ୱାବଧାନରେ କାର୍ଯ୍ୟକ୍ରମ ଆୟୋଜିତ ହୋଇଥିବା ବେଳେ ସେ ଧନ୍ୟବାଦ ଅର୍ପଣ କରିଥିଲେ l ଶିକ୍ଷାର୍ଥୀ ମାନେ ନିଷ୍ଠାବାନ, ସମୟାନୁବର୍ତ୍ତିତା ହେବାସହ ଅଭିନଵ ଚିନ୍ତାଧାରା, ଚରିତ୍ରବାନ ଓ ଦାୟିତ୍ୱବାନ ହୋଇ ଦେଶର ପ୍ରଗତିରେ ରେ ସହାଭାଗୀ ହେବାକୁ ଆହ୍ୱାନ କରିଥିଲେ l ସିବିଏସସି, ଆଇ.ସି.ଏସ.ସି ଓ ଓଡିଶା ବୋର୍ଡ ରୁ ଉତ୍ତୀର୍ଣ୍ଣ ହୋଇଥିବା ଦଶମ, ଦ୍ୱାଦଶ ଶ୍ରେଣୀ ଓ ସମ୍ବଲପୁର ବିଶ୍ୱବିଦ୍ୟାଳୟ ର ଶତାଧିକ ଛାତ୍ର ଛାତ୍ରୀ ଏବଂ ସେମାନଙ୍କ ଅଭିଭାବକ ମାନେ ଉପସ୍ଥିତ ଥିଲେ l ଏହି ଅବସରରେ ମଂଚାସୀନ ଅତିଥି ମାନଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା l କାର୍ଯ୍ୟକ୍ରମକୁ ବରିଷ୍ଠ ଶିକ୍ଷୟତ୍ରୀ ଶୁଭ୍ରା ମିଶ୍ର ସଂଯୋଜନା କରିଥିଲେ l ଏଥିରେ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ l କାର୍ଯ୍ୟକ୍ରମ ପରିଚାଳନାରେ ଉଭୟ ଅନୁଷ୍ଠାନର ସ୍ବେଛାସେବୀ ମାନେ ସହଯୋଗ କରିଥିଲେ l
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
