ବେକରେ ଗାମୁଛା ବାନ୍ଧି ଯୁବକର ଆତ୍ମହତ୍ୟା
ଡାବୁଗାଁ,୨୫/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମାସ୍ଥିତ ହାଟପଦା ଗ୍ରାମରେ ସୋମବାର ସକାଳେ ବେକରେ ଗାମୁଛା ବାନ୍ଧି ଆତ୍ମହତ୍ୟା କରିଥିବା ନେଇ ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ସଦରମହକୁମାସ୍ଥିତ ହାଟପଦା ଗ୍ରାମର ହରି ଜାନୀ (୩୦) ସୋମବାର ସକାଳ ପ୍ରାୟ ୬ ଘ. ସମୟ ହେବ ପରିବାର ଲୋକେ ଘର ବାହାରେ କାର୍ଯ୍ୟ କରୁଥିବା ବେଳେ ରୋଷେଇ ଘରର ଲୁହା ପାଇପ ରେ ନିଜ ର ଗାମୁଛା ବାନ୍ଧି ଆତ୍ମହତ୍ୟା କରିଥିଲେ | ଘର ବାହାରେ ଥିବା ହରି ଙ୍କ ସ୍ତ୍ରୀ ରୋଷେଇ ଘର ଭିତରକୁ ଆସିବାରୁ ଦେଖିଥିଲେ ଯେ ହରି ଆତ୍ମହତ୍ୟା କରିଛି | ସେ ଘର ବାହାରକୁ ଆସି ପଡିଶା ଲୋକଙ୍କୁ ଡ଼ାକିଥିଲେ | ଲୋକମାନେ ଆସି ଦେଖିଥିଲେ ଯେ ହରି ଘର ଭିତରେ ଆତ୍ମହତ୍ୟା କରିଛି | ଏନେଇ ଚମ୍ପା ମୃତକ ର ସ୍ତ୍ରୀ ଚମ୍ପା ଜାନୀ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା ଏଏସଆଇ ଶସ୍ମିତା ଦାଶ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ପାଞ୍ଚନାମା କରି ବ୍ୟବଚ୍ଛେଦ ପାଇଁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ | ସେଠାରେ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି | ମୃତ ଯୁବକ ଜଣଙ୍କର ମାନସିକ ବିକୃତ ଥିବା ତାଙ୍କ ସ୍ତ୍ରୀ କହିଛନ୍ତି | ଏନେଇ ଥାନା କେସ ନଂ ୧୭/୨୬ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
