ନବରଙ୍ଗପୁରରେ ପେଟ୍ରୋଲ, ଡିଜେଲ ଓ ରନ୍ଧନ ଗ୍ୟାସ ପର୍ଯ୍ୟାପ୍ତ: ଖାଉଟି ଆତଙ୍କିତ ନ ହେବାକୁ ପରାମର୍ଶ
ନବରଙ୍ଗପୁର(୨୬.୦୫.୨୦୨୬)* (ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲାରେ ପେଟ୍ରୋଲ, ଡିଜେଲ ଓ ରନ୍ଧନ ଗ୍ୟାସ ପର୍ଯ୍ୟାପ୍ତ ପରିମାଣରେ ମହଜୁଦ ଅଛି। ଜିଲ୍ଲାରେ ସ୍ଥିତି ସ୍ୱାଭାବିକ ଥିବାରୁ ସାଧାରଣ ଖାଉଟି ଅଯଥାରେ ଆତଙ୍କିତ ନ ହେବାକୁ ଜିଲ୍ଲା ଯୋଗାଣ ବିଭାଗ ପକ୍ଷରୁ ସୂଚନା ଦିଆଯାଇଛି।ଜିଲ୍ଲା ଯୋଗାଣ ଅଧିକାରୀଙ୍କ ରିପୋର୍ଟ ଅନୁଯାୟୀ, ବର୍ତ୍ତମାନ ନବରଙ୍ଗପୁର ଜିଲ୍ଲାରେ ୨୪୫୪ଟି ଘରୋଇ ୧୪.୨ କେଜି ଏଲ ପି ଜି ସିଲିଣ୍ଡର ଓ ୨୫୧ଟି ବାଣିଜ୍ୟିକ 19 କେଜି ସିଲିଣ୍ଡର ଷ୍ଟକରେ ରହିଛି। ଉଜ୍ଜ୍ୱଳା ଯୋଜନାରେ ୪୮୮ଟି ସିଲିଣ୍ଡର ଉପଲବ୍ଧ ଅଛି। ଏହାଛଡା ୧୮୪୦ଟି ସିଲିଣ୍ଡର ଟ୍ରାନଜିଟରେ ଅଛି।ଇନ୍ଧନ ଷ୍ଟକ୍ ସମ୍ପର୍କରେ ସୂଚନା ଦେଇ ବିଭାଗ କହିଛି ଯେ, ଜିଲ୍ଲାରେ ୪୫୬୫୦୬ ଲିଟର ପେଟ୍ରୋଲ(MS) , ୪୨୦୧୬୪ ଲିଟର ଡିଜେଲ (HSD) ଏବଂ ୪୩୨୪୬ ଲିଟର ସ୍ପିଡ୍ ପେଟ୍ରୋଲ ମହଜୁଦ ଅଛି। ଏଥିସହ ୯୦୦୦ ଲିଟର ପେଟ୍ରୋଲଓ ୧୦୬୦୦୦ ଲିଟର ଡିଜେଲ ଟ୍ରାନଜିଟରେ ଅଛି। ଆଗାମୀ ଦିନ ପାଇଁ ୧୦୩୦୦୦ ଲିଟର ପେଟ୍ରୋଲ ଓ ୧୭୯୦୦୦ ଲିଟର ଡିଜେଲ ପାଇଁ ଇଣ୍ଡେଣ୍ଟ ଦିଆ ଶେଷ ହୋଇଛି l ଯୋଗାଣ ବିଭାଗ ସ୍ପଷ୍ଟ କରିଛି ଯେ ଜିଲ୍ଲାରେ ଏଲ ପି ଜି ଓ ଇନ୍ଧନର ପର୍ଯ୍ୟାପ୍ତ ଷ୍ଟକ୍ ରହିଛି। ଖାଉଟିମାନେ ଅଯଥା ପାନିକ୍ ବୁକିଂ କିମ୍ବା ଅତିରିକ୍ତ ଷ୍ଟକ୍ ସଂଗ୍ରହ ନ କରିବାକୁ ପରାମର୍ଶ ଦିଆଯାଇଛି। ଏଲପିଜି କଳାବଜାରୀ ରୋକିବାକୁ କଡ଼ା ପଦକ୍ଷେପ ନିଆଯାଉଥିବା ମଧ୍ୟ ବିଭାଗ କହିଛି।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
