ପୁତ୍ର
ଉମାକାନ୍ତ ଦାସ
ପୁତ୍ର ଜନ୍ମ ନୁହେଁ କାନ୍ଧେ ନେବାପାଇଁ
ପିଣ୍ଡୁ ପ୍ରାଣ ଚାଲି ଗଲେ,
ଜୀବିତ ସମୟେ ପ୍ରାଣ ରହେ ନାହିଁ
ପିତୃ ବାକ୍ଯ ନ ପାଳିଲେ ।।
ପୁତ୍ର ଜନ୍ମ ନୁହେଁ ଜୁଇ ଜାଳିଦେଇ
ମୁଖେ ଅଗ୍ନି ଜାଳି ଦେଲେ,
ଏ ତୁଚ୍ଛ ଭାବନା କେବେ ନ ଭାବିବା
ପିତା ସ୍ବର୍ଗ ଚାଲିଗଲେ ।।
ପୁତ୍ର ଜନ୍ମ ନୁହେଁ ଏକାଦଶାହରେ,
ଭୂରି ଭୋଜନ ଖୋଇଲେ,
ବହୁ ଆଡମ୍ବରେ ଗ୍ରାମବାସୀ ମେଳେ
ଆନନ୍ଦ ଉଲ୍ଲାସ କଲେ ।।
ପୁତ୍ର ଜନ୍ମ ନୁହେଁ ଗୟା ପିଣ୍ଡ ଦେଇ
ପିତୃକୁଳ ଉଦ୍ଧରିଲେ ,
ଏ ସବୁ କରମେ କିବା ମୂଲ୍ୟ ମିଳେ
ବାର୍ଦ୍ଧକ୍ଯେ ସେବା ନ କଲେ ।।
ସୁପୁତ୍ର ସେ ହୁଏ ପିତୃ ସେବୁଥାଏ
ଭିକାରୀଟେ ହୋଇଥିଲେ,
ଭିକ୍ଷା ବୃତ୍ତି କରି କଷଣକୁ ସହି
ଅନ୍ତିମ ବିଦାୟ ଦେଲେ ।।
ଲାଲବାଗ,ଖାନନଗର, ମଙ୍ଗଳ ପୁର