ତିନି ପଦୀ
(ଏକ ) କୃଷକ
ଶ୍ରମ ବଳରେ ଜିଣିପାରେ ଧରା
କୃଷକ ମୁଁ ଆଜି
ଟାଏଁ ଟାଏଁ ଟାଣ ଖରାରେ
ଶୀତ, ବରଷାରେ
ମାଟିକୁ ଚଷି ସୁନା ଫସଲ
ଫଳାଉଛି ପରା l
(ଦୁଇ ) ଶ୍ରମିକ
ଶ୍ରମ ବଳରେ ଜିଣିପାରେ ଧରା
ଶ୍ରମିକ ମୁଁ ଆଜି
ମୁଣ୍ଡ ଝାଳ ତୁଣ୍ଡେ ମାରି
ଶୀଳ୍ପ, କାରଖାନା,ଘରଦୁଆର
ବାଲି, ସିମେଣ୍ଟ, ଲୁହା ଯୋଡି
ତିଆରୁଛି ପରା l
(ତିନି ) ସୈନିକ
ଶ୍ରମ ବଳରେ ଜିଣିପାରେ ଧରା
ସୈନିକ ମୁଁ ଆଜି
ଗୋଲା, ବାରୁଦକୁ ଖାତିର ନକରି
ଦେଶ, ଜାତି ପାଇଁ
ନିଜ ଜୀବନକୁ ଜନ ହିତ ପାଇଁ
ବଳିଦିଏ ରଣକ୍ଷେତ୍ରେ ପରା l
ଜଗଜ୍ଜୀବନ ସା
କୁମ୍ଭାରୀ, ଗୋଲାମୁଣ୍ଡା
କଳାହାଣ୍ଡି (ଓଡିଶା )l
