ପୁଣି ମହଙ୍ଗା ମାଡ଼; ୨ ଟଙ୍କାକୁ ବୃଦ୍ଧି ପାଇଲା ସିଏନଜି ଦର….
ଦେଶରେ ଲଗାତାର ଭାବେ ପେଟ୍ରୋଲ,ଡିଜେଲ ଦର ବୃଦ୍ଧି ପାଉଥିବା ବେଳେ, ଏହାରି ମଧ୍ୟରେ ପେଟ୍ରୋଲ ଦର ସହ ଅନ୍ୟ ସମସ୍ତ ସାମଗ୍ରୀର ଦର ମଧ୍ୟ ଆକାଶ ଛୁଆ ହେବାକୁ ବସିଛି | ଦିନକୁ ଦିନ ରାଜଧାନୀବାସୀଙ୍କ ଉପରେ ମହଙ୍ଗା ମାଡ଼ ହେଉଛି | ପେଟ୍ରୋଲ୍, ଡିଜେଲ୍ ଓ ଏବେ ପ୍ରାକୃତିକ ଗ୍ୟାସ୍ର ଦାମ୍ ବୃଦ୍ଧି ପାଇବାରେ ଲାଗିଛି।
ସେପଟେ ରବିବାର ଇନ୍ଦ୍ରପ୍ରସ୍ଥ ଗ୍ୟାସ୍ କିଲୋଗ୍ରାମ ପିଛା ଦାମ୍ ୨ ଟଙ୍କା ଲେଖାଏଁ ବୃଦ୍ଧି କରିଛି । ଫଳରେ ଦିଲ୍ଲୀରେ ୭୩.୬୧ ଟଙ୍କା ପ୍ରତିଥିବା ବେଳେ ନୋଏଡାରେ ୭୬.୧୭ ଟଙ୍କା, ଗୁରୁଗ୍ରାମରେ ୮୧.୯୪ ପ୍ରତି କିଲୋଗ୍ରାମ ହୋଇଛି ।
ଏହାରି ମଧ୍ୟରେ ଆଇଜିଏଲ୍ ଦେଶର ଅନ୍ୟ ସ୍ଥାନରେ ଗ୍ୟାସ୍ର ଦାମ୍ରେ ବୃଦ୍ଧି କରିଛି । ରେୱାଡ଼ିରେ ସିଏନ୍ଜି ୮୪.୦୭ଟଙ୍କା ପ୍ରତି କିଲୋ ବିକ୍ରି ହୋଇଛି । ଦାମ୍ ବୃଦ୍ଧି ଫଳରେ କରନାଲ୍ ଏବଂ କୌଥଲରେ ୮୨,୨୭ ପ୍ରତି କିଲୋ, କାନ୍ପୁର, ହମିରପୁର ଏବଂ ଫତେପୁରରେ ୮୫.୪୦ ଟଙ୍କା, ଅଜମେର, ପାଲ ଏବଂ ରାଜସମନ୍ଦରେ ଗ୍ୟାସ୍ କିଲୋପ୍ରତି ୮୩.୮୮ ଟଙ୍କା ହୋଇଛି ।
ଅନ୍ତର୍ଜାତୀୟ ସ୍ତରରେ ଗ୍ୟାସ୍ ଦର ବୃଦ୍ଧି ପାଉଥିବାରୁ ଗତ ବର୍ଷ ଅକ୍ଟୋବର ମାସରୁ ବିତରକମାନେ ଗ୍ୟାସ୍ର ଦାମ୍ରେ ବୃଦ୍ଧି କରୁଛନ୍ତି । ଯାହାର ସିଧା ସଳଖ ପ୍ରଭାବ ସାଧାରଣ ଜନତାଙ୍କ ଉପରେ ପଡ଼ୁଛି । ଅନ୍ୟପଟେ ପେଟ୍ରୋଲ୍ ଏବଂ ଡିଜେଲ୍ ଦାମ୍ ବୃଦ୍ଧି ସର୍ବସାଧାରଣଙ୍କ ଉପରେ ମହଙ୍ଗା ପରେ ମହଙ୍ଗା ମାଡ଼ ସଦୃଶ ହୋଇଛି |
ଵିଦ୍ୟାଧର ସାହୁଙ୍କ ରିପୋର୍ଟ…..
