ଭାରତୀୟ କମ୍ୟୁନିଷ୍ଟ ପାର୍ଟି (ସିପିଆଇ) ଗଞ୍ଜାମ ଜିଲ୍ଲା ପରିଷଦ ବୈଠକ, ଅଗଷ୍ଟ ୬ ରୁ ୧୫ ପର୍ଯ୍ୟନ୍ତ ଜନସମ୍ପର୍କ ପଦଯାତ୍ରା ପାଇଁ ନିଷ୍ପତ୍ତି
ବ୍ରହ୍ମପୁର ୧୯/୦୭ ଭାରତୀୟ କମ୍ୟୁନିଷ୍ଟ ପାର୍ଟି (ସିପିଆଇ) ର ଗଞ୍ଜାମ ଜିଲ୍ଲା ପରିଷଦ ବୈଠକ ଆଜି ବ୍ରହ୍ମପୁର ସ୍ଥିତ ପାର୍କ ସାହି କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି । ଅଗଷ୍ଟ ମାସ ୬ ତାରିଖ ଠାରୁ ୧୫ ତାରିଖ ପର୍ଯ୍ୟନ୍ତ ସମଗ୍ର ଗଞ୍ଜାମ ଜିଲ୍ଲାରେ ବ୍ୟାପକ ଜନସମ୍ପର୍କ ପଦଯାତ୍ରା କରିବା ପାଇଁ ନିଷ୍ପତ୍ତି ଗ୍ରହଣ କରାଯାଇଥିଲା । ଏହି ସମୟରେ ପାର୍ଟ ସାଥି ମାନେ ବିଭିନ୍ନ ଅଞ୍ଚଳରେ ପଦଯାତ୍ରା ଆୟୋଜନ କରି ବିଜେପି ଓ ଆର ଏସ ଏସ ଶାସନ କାଳରେ ଦରଦାମ୍ ବୃଦ୍ଧି , ବିପର୍ଯ୍ୟସ୍ତ ଶିକ୍ଷା ଓ ସ୍ବାସ୍ଥ୍ୟ , କର୍ମ ନିଯୁକ୍ତି ହ୍ରାସ। , ପ୍ରାକୃତିକ ସମ୍ପଦ ର ଲୁଟ୍ ପରିବେଶ ଧ୍ବଂସ , ଶ୍ରମିକ ଛଟେଇ , କୃଷକ ଶୋଷଣ , ଦୁର୍ନୀତି ଓ ଭ୍ରଷ୍ଟାଚାର ବୃଦ୍ଧି , ସାମାଜିକ ସୁରକ୍ଷା ଭତ୍ତା , ମନରେଗା ଯୋଜନାର ପୁନଃ ପ୍ରଚଳନ , ସମ୍ବିଧାନ ସୁରକ୍ଷା , ଭୂମିହୀନ ଙ୍କୁ ପଟ୍ଟା ଏବଂ ଇଭିଏମ୍ ବଦଳରେ ବେଲେଟ ପେପର ରେ ନିର୍ବାଚନ କରିବା ସମ୍ପର୍କରେ ଘର ବୁଲି ସଚେତନତା ସୃଷ୍ଟି କରିବେ । ଏଥି ସହିତ ସେପ୍ଟେମ୍ବର ୧ ତାରିଖ ଦିନ ନୂଆଦିଲ୍ଲୀ ଠାରେ ଭାରତୀୟ କମ୍ୟୁନିଷ୍ଟ ପାର୍ଟି ପକ୍ଷରୁ ହେବାକୁ ଥିବା ସର୍ବ ଭାରତୀୟ ପରିବର୍ତ୍ତନ ମହାସମାବେଶ ର ଉଦ୍ଦେଶ୍ୟ ସମ୍ପର୍କରେ ବୁଝାଇବେ । ସାଥି ସତ୍ୟ ନାରାୟଣ ମହାପାତ୍ର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକ ପ୍ରାରମ୍ଭରେ ଜିଲ୍ଲା ସମ୍ପାଦକ ଶ୍ରୀହର୍ଷ ରଥ ବୈଠକ ର ଉଦ୍ଦେଶ୍ୟ ଓ କାମ ଦାମ ର ବିବରଣୀ ଉପସ୍ଥାପନ କରିଥିଲେ । ଅନ୍ୟ ମାନଙ୍କ ମଧ୍ୟରେ ପାର୍ଟି ରାଜ୍ୟ ସମ୍ପାଦକ ମଣ୍ଡଳୀ ସଭ୍ୟ ସାଥି ପ୍ରକାଶ ପାତ୍ର , ଜିଲ୍ଲା ସହ ସମ୍ପାଦକ ପ୍ରଦୀପ ସେଠୀ , ନିଳକଣ୍ଠ ଦାସ , ପ୍ରବୀଣ ଦାସ , କାମଦେବ ନାହାକ , ସିମାଞ୍ଚଳ ବେହେରା , ରାଜେନ୍ଦ୍ର ଦାସ , ବିଦେଶୀ ନାହାକ , ଗୋପାଳ କୃଷ୍ଣ ଭୁୟାଁ , ବୃନ୍ଦାବନ ପଣ୍ଡା , ପଞ୍ଚାନନ ସ୍ବାଇଁ , ଭାନୁମତୀ ରେଡି , ଆଦି ନାରାୟଣ ରେଡ୍ଡୀ , ଜନାର୍ଦ୍ଦନ ରେଡି , ପ୍ରଫୁଲ୍ଲ କୁମାର ଜେନା , ମହମ୍ମଦ ଅସମ୍ମାନ ପ୍ରମୁଖ ଆଲୋଚନା ରେ ଅଂଶଗ୍ରହଣ କରିଥିଲେ ।
