କୋକସରା,୧୮/୫- (ମ ନି ସ) କଳାହାଣ୍ଡି ଜିଲ୍ଲା କୋକସରା ବ୍ଲକ ରେ ବୁଧବାର ଠାରୁ ଡିବିଟି ମାଧ୍ୟମରେ ଭତ୍ତା ପ୍ରଦାନ ର ଶୁଭାରମ୍ଭ ହୋଇଛି। କୋକସରା ବ୍ଲକର ୨୨ ପଂଚାୟତ ରେ ଆଜି ଠାରୁ ଡିବିଟି ଜରିଆରେ ବାର୍ଦ୍ଧକ୍ୟ ଭତ୍ତା ପାଉଥିବା ହିତାଧିକାରି ଙ୍କୁ ଡିବିଟି ବା ଅନଲାଇନରେ ସେମାନଙ୍କ ବ୍ୟାଙ୍କ ଆକାଉଣ୍ଟରେ ଭତ୍ତା ରାଶି ପ୍ରଦାନ କରାଯାଇଛି।
ବ୍ଲକ ର ବିଭିନ୍ନ ପଂଚାୟତ ରେ ରହିଥିବା ବ୍ୟାଙ୍କ ଗ୍ରାହକ ସେବା କେନ୍ଦ୍ରରେ ଏହାର ଶୁଭାରମ୍ଭ ହୋଇଛି। ଜାତୀୟ ବାର୍ଦ୍ଧକ୍ୟ ଭତ୍ତାକୁ କେନ୍ଦ୍ର ସରକାର ହିତାଧିକାରୀଙ୍କ ବ୍ୟାଙ୍କ ଏକାଉଣ୍ଟ ରେ ସିଧାସଳଖ ଦେବାକୁ ନିଷ୍ପତ୍ତି ନେଇଛନ୍ତି। କୋକସରା ବ୍ଲକ ର ୨୨ ପଞ୍ଚାୟତ ର ୬୧୪୬ ଜଣ ହିତାଧିକାରୀ ଙ୍କୁ ଡିବିଟି ଜରିଆରେ ବାର୍ଦ୍ଧକ୍ୟ ଭତ୍ତା ପ୍ରଦାନ କରାଯାଇ ଥିବା ନେଇ କୋକସରା ବି.ଏସ.ଏସ.ଓ ଦୀପକ କୁମାର ବେହେରା ସୂଚନା ଦେଇଛନ୍ତି।
