ଜାତିସଂଘ ପୁରସ୍କାର ପ୍ରାପ୍ତ ଯୁବ ପରିବେଶବିତ୍ ଶୁଭ୍ରାଂଶୁ ଶତପଥୀ ପରିବେଶ ଓ ପଶୁ ପକ୍ଷୀଙ୍କ ସୁରକ୍ଷା ନିମନ୍ତେ ତିଆରି କରିଛନ୍ତି ପ୍ରାମାଣିକ ଚଳଚିତ୍ର ଯେଉଁଥି ପାଇଁ ତାଙ୍କୁ ମିଳିଛି ଜାତୀୟ ଓ ଆନ୍ତର୍ଜାତିୟ ସ୍ଥରରେ ବିଭିନ୍ନ ପୁରସ୍କାର । ଖରାଦିନେ ଜଳ ଅଭାବ ରୁ ଯେପରି ପକ୍ଷୀଙ୍କ ମୃତ୍ୟୁ ନ ଘଟେ ଏ ନେଇ ୨୦୦୮ ରୁ ଆରଂଭ କରିଛନ୍ତି ଇନିସିଏଟିଭ “ଦେ ରିୟଲି ନିଡ଼ ଅସ୍ “। ବିଭିନ୍ନ ଶିକ୍ଷାନୁଷ୍ଠାନ, ସ୍କୁଲ କଲେଜ ସହ ଯୁବ ଗୋଷ୍ଠୀ ଓ ସୋସାଇଟି କୁ ଯାଇ ବାଣ୍ଟୁଛନ୍ତି ସଚେତନତା ବାର୍ତା । ମାଟିପାତ୍ର ରେ ପାଣି ରଖିବା ଦ୍ୱାରା କିପରି ପକ୍ଷୀଙ୍କ ଜୀବନ ବଞ୍ଚାଇ ହେବ ଏ ନେଇ କରାଉଛନ୍ତି ସଚେତନ , ଦେଖାଉଛନ୍ତି ନିଜେ ତିଆରି କରିଥିବା ପ୍ରାମାଣିକ ଚଳଚିତ୍ର ।
ତେବେ ପରିବେଷ ସୁରକ୍ଷା ନିମନ୍ତେ ଅହେତୁକ ଅବଦାନ ପାଇଁ ମହାମହିମ ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ଙ୍କ ଠାରୁ ଯୁବ ପରିବେଶ ବିତ୍ ଭାବେ ପୁରସ୍କୃତ ହୋଇ ଜିଲ୍ଲା ପାଇଁ ଗର୍ବ ଆଣିଛନ୍ତି ଶୁଭ୍ରାଂଶୁ ଶତପଥୀ ।
ଭୁବନେଶ୍ୱର ସ୍ଥିତ ସ୍ୱସ୍ତି ପ୍ରିମିୟମ ରେ ” ଆର୍ଟ ଅଫ ଗିଭିଂ ” ର ନବମ ବାର୍ଷିକ ସମାରୋହ ର ଆୟୋଜନ କରାଯାଇଥିଲା । ଏଥିରେ ମୁଖ୍ୟ ଅତିଥି ଭାବେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ଯୋଗ ଦେଇ ଆର୍ଟ ଅଫ୍ ଗିଭିଂ ଦର୍ଶନ ଉପରେ ବକ୍ତବ୍ୟ ପ୍ରଦାନ କରିଥିଲେ । ଲୋକସେବକ ମଣ୍ଡଳ ଓଡ଼ିଶା ଶାଖାର ସମ୍ପାଦକ ତଥା ଦୈନିକ ସମାଜର ପ୍ରକାଶକ ଓ ମୁଦ୍ରାକର ନିରଞ୍ଜନ ରଥ ମୁଖ୍ୟବକ୍ତା ଭାବେ ଯୋଗ ଦେଇଥିବା ବେଳେ ଭୁବନେଶ୍ୱର ୟୁନିଟ୍-୧ ଶ୍ରୀରାମ ମନ୍ଦିର ପ୍ରତିଷ୍ଠାତା ସଭାପତି ବାବା ରାମ ନାରାୟଣ ଦାସ, ଭୁବନେଶ୍ୱରସ୍ଥିତ ଶିବାନନ୍ଦ ଶତବାର୍ଷିକୀ ଉଚ୍ଚବିଦ୍ୟାଳୟର ସମ୍ପାଦକ ସ୍ୱାମୀ ଶିବ ଚିଦାନନ୍ଦ ସରସ୍ୱତୀ ଓ ଆର୍ଟ ଅଫ୍ ଗିଭିଂର ପ୍ରତିଷ୍ଠାତା ଡକ୍ଟର ଅଚ୍ୟୁତ ସାମନ୍ତ ପ୍ରମୁଖ ସମ୍ମାନୀୟ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ପରିବେଷ ସୁରକ୍ଷା ନିମନ୍ତେ ଅହେତୁକ ଅବଦାନ ପାଇଁ ମହାମହିମ ରାଜ୍ୟପାଳ ପ୍ରଫେସର ଗଣେସି ଲାଲ୍ ଙ୍କ ଠାରୁ ପୁରସ୍କାର ଗ୍ରହଣ କରିଛନ୍ତି ଯୁବ ପରିବେଶ ବିତ୍ ଶୁଭ୍ରାଂଶୁ ଶତପଥୀ, ଏପରିକି ଉକ୍ତ କାର୍ଯ୍ୟକ୍ରମରେ ତାଙ୍କୁ ‘ ବାର୍ଡ ମ୍ୟାନ ‘ ଭାବେ ସମ୍ବୋଧିତ କରାଯାଇଥିଲା । ସୂଚନା ଥାଉକି ପୂର୍ବରୁ ଶୁଭ୍ରାଂଶୁ ୨ ଟି ପ୍ରାମାଣିକ ଚଳଚ୍ଚିତ୍ର ତିଆରି କରି ୫ ଟି ଆନ୍ତର୍ଜାତିୟ ଓ ୯ ଟି ଜାତୀୟ ଆୱାର୍ଡ ଗ୍ରହଣ କରିଛନ୍ତି ।
ଢେଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍