ଧରାକୋଟ ରେ ଭୀମଭୋଇ ଦିବ୍ୟାଙ୍ଗ ସାମର୍ଥ୍ୟ ଅଭିଯାନ
ଆସିକା, ୩/୯/୨୬ (ଶିବ ଶଙ୍କର ମିଶ୍ର ) ଧରାକୋଟ ବ୍ଲକ ପରିସରରେ ଆଜି ଭୀମଭୋଇ ଦିବ୍ୟାଙ୍ଗ ସାମର୍ଥ୍ୟ ଅଭିଯାନ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବରେ ଜିଲ୍ଲା ପରିଷଦ ଅଧ୍ୟକ୍ଷା ଅଞ୍ଜଳି ସ୍ୱାଇଁ,ସମ୍ମାନୀତ ଅତିଥିଭାବେ ବି ଡି ଓ ତୃପ୍ତିମୟି ଜେନା, ତହସିଲଦାର ଲମ୍ବୋଦର ମାରାଣ୍ଡି,ଉପଖଣ୍ଡ ସାମାଜିକ ସୁରକ୍ଷା ଅଧିକାରୀ ଅସିଓ ସବର,ସାଂସଦ ପ୍ରତିନିଧି ମୁନା ପ୍ରଧାନ ପ୍ରମୁଖ ଉପସ୍ଥିତ ରହି ଦିବ୍ୟାଙ୍ଗ ମାନଙ୍କ ପାଇଁ ରହିଥିବା ସରକାରୀ ସୁବିଧା ସୁଯୋଗ ଓ ଏହାର ସଫଳ ଉପଯୋଗ ଉପରେ ନିଜ ନିଜର ମତ ରଖିଥିଲେ । ବି ଏସ ଏସ ଓ ସଚିନ ପାତ୍ର ଶିବିର ପରିଚାଳନା କରିଥିବା ବେଳେ ଏ ସି ପି ଅମେସ ବେହେରା ସଂଯୋଜନା କରିଥିଲେ। ଶିବିରରେ ଏଗାର ଜଣ ଭିନ୍ନକ୍ଷମ ଙ୍କୁ ଟ୍ରାଇ ସାଇକେଲ, ଚାରି ଜଣ ଙ୍କୁ ହ୍ୱିଲ ଚେୟାର, ତେର ଜଣ ଙ୍କୁ ଅନ୍ୟାନ୍ୟ ସରଞ୍ଜାମ ଓ ଅଣ ତିରିଶି ଜଣଙ୍କୁ ଭତ୍ତା ପ୍ରଦାନ କରାଯାଇଥିଲା ।କନିଷ୍ଠ ସହାୟକ ବାବୁ ବେହେରା ଓ ଦୀପକ ବେହେରା ଙ୍କ ସମେତ ସମସ୍ତ କର୍ମଚାରୀ ସହଯୋଗ ପ୍ରଦାନ କରିଥିଲେ।
