ପ୍ରଗତିଶୀଳ ମସିହା, ନିର୍ଭୀକ I ନିର୍ଭୟ I ନିରପେକ୍ଷ
ଆଞ୍ଚଳିକ

ଗାନ୍ଧୀଙ୍କ ଆଦର୍ଶରୁ ଆଧୁନିକ ସମାଜ ପର୍ଯ୍ୟନ୍ତ, କଳିଙ୍ଗାୟନ ତୌର୍ୟତ୍ରିକମ ବିଶେଷ କାର୍ଯ୍ୟକ୍ରମ

ଗାନ୍ଧୀଙ୍କ ଆଦର୍ଶରୁ ଆଧୁନିକ ସମାଜ ପର୍ଯ୍ୟନ୍ତ, କଳିଙ୍ଗାୟନ ତୌର୍ୟତ୍ରିକମ ବିଶେଷ କାର୍ଯ୍ୟକ୍ରମ

ଭୁବନେଶ୍ୱର: ଗାନ୍ଧୀ ଜୟନ୍ତୀ ଅବସରରେ କଳିଙ୍ଗାୟନ ତୌର୍ୟତ୍ରିକମରେ ସର୍ବୋଦୟ ଇଣ୍ଟରନ୍ୟାସନାଲ ଟ୍ରଷ୍ଟ, ଓଡ଼ିଶା ଚାପ୍ଟରର ସହଯୋଗରେ ଏକ ବିଶେଷ କାର୍ଯ୍ୟକ୍ରମ ଆୟୋଜିତ ହୋଇଛି। ସମକାଳୀନ ସମାଜରେ ମହାତ୍ମା ଗାନ୍ଧୀଙ୍କ ଆଦର୍ଶର ପ୍ରାସଙ୍ଗିକତାକୁ ନେଇ ଏହି ଅବସରରେ ଚିନ୍ତନ ଓ ଆଲୋଚନା କରାଯାଇଥିସତ୍ୟ, ଅହିଂସା, ଦୟା, ସମାନତା ଓ ସାମାଜିକ ଦାୟିତ୍ୱ ଭଳି ଗାନ୍ଧୀଙ୍କ ମୂଲ୍ୟବୋଧକୁ ଆଜିର ସମାଜରେ କିଭଳି ଆଗକୁ ନିଆଯାଇପାରିବ, ସେନେଇ ବିଭିନ୍ନ ମତ ଓ ଚିନ୍ତାଧାରା ଆଲୋଚନାରେ ସାମିଲ ହୋଇଥିଲା।

ସର୍ବୋଦୟ ଇଣ୍ଟରନ୍ୟାସନାଲ ଟ୍ରଷ୍ଟର ଟ୍ରଷ୍ଟି ତଥା ସାଇନେଟୋରୀ ଶ୍ରୀମତୀ ପୁଷ୍ପିତା ମିଶ୍ର କାର୍ଯ୍ୟକ୍ରମରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥିଲେ। ସଂସ୍କୃତି, ସେବା ଓ ଗାନ୍ଧୀୟ ଚିନ୍ତାଧାରାକୁ ଏକାଠି କରିବା ଦିଗରେ ତାଙ୍କ ଅବଦାନ ଉଲ୍ଲେଖନୀୟ ରହିଥିଲା।କଳିଙ୍ଗାୟନ ତୌର୍ୟତ୍ରିକମର ପ୍ରତିଷ୍ଠାତା ଶ୍ରୀ ଅଂଶୁମାନ ମିଶ୍ର ଅତିଥିମାନଙ୍କୁ ସ୍ୱାଗତ କରିବା ସହ ଆଲୋଚନାର ଶୁଭାରମ୍ଭ କରିଥିଲେ। ଗାନ୍ଧୀଙ୍କ ସତ୍ୟ, ଅହିଂସା, କରୁଣା, ସମାନତା ଓ ମାନବିକତାର ବାର୍ତ୍ତାକୁ ନୂଆ ପିଢ଼ି ମଧ୍ୟରେ ପହଞ୍ଚାଇବାର ଆବଶ୍ୟକତା ଉପରେ ମଧ୍ୟ ଆଲୋଚନା ହୋଇଥିଲା।

ସର୍ବୋଦୟ ଇଣ୍ଟରନ୍ୟାସନାଲ ଟ୍ରଷ୍ଟର ଟ୍ରଷ୍ଟି ପି.କେ. ସାହୁ, ତୁରାଜ ମୋଘବେଲପୁର, ନାଦିଆ ମୋଘବେଲପୁର ଓ ସୌମ୍ୟରଞ୍ଜନ ମିଶ୍ର ମଧ୍ୟ ଗାନ୍ଧୀୟ ମୂଲ୍ୟବୋଧକୁ ଆଧୁନିକ ସମାଜ ଏବଂ ଯୁବପିଢ଼ି ମଧ୍ୟରେ ପହଞ୍ଚାଇବା ନେଇ ନିଜ ମତ ରଖିଥିଲେ।କାର୍ଯ୍ୟକ୍ରମର ଶେଷ ପର୍ଯ୍ୟାୟରେ ଆୟୋଜିତ ଓଡ଼ିଶୀ ନୃତ୍ୟ ପରିବେଷଣ ଦର୍ଶକଙ୍କୁ ଆକର୍ଷିତ କରିଥିଲା। ଗୁରୁ ଶ୍ରୀମତୀ ପୁଷ୍ପିତା ମିଶ୍ରଙ୍କ ନୃତ୍ୟ ସଂଯୋଜନାରେ ‘ବୈଷ୍ଣବ ଜନ ତୋ’ ପରିବେଷଣ ଗାନ୍ଧୀଙ୍କ ଶାନ୍ତି, କରୁଣା, ସମନ୍ୱୟ ଓ ମାନବିକତାର ଚିରନ୍ତନ ବାର୍ତ୍ତାକୁ ପୁଣିଥରେ ସ୍ମରଣ କରାଇଥିଲା।

ସଂସ୍କୃତି, ଆଲୋଚନା ଓ ଚିନ୍ତନର ଏହି ସମନ୍ୱୟ ମାଧ୍ୟମରେ ଗାନ୍ଧୀଙ୍କ ଆଦର୍ଶକୁ ଆଜିର ସମାଜରେ ଜୀବନ୍ତ ରଖିବାର ଏକ ସୁନ୍ଦର ପ୍ରୟାସ ହୋଇଥିଲା।

Related posts

ବସ୍ତିବାସିନ୍ଦା ପାଳନ କଲେ ଆନ୍ତର୍ଜାତୀୟ ବିଶ୍ୱ ମହିଳା ଦିବସ 

masiha

ବାଣପୁର ଗୋଦାବରୀଶ ମହାବିଦ୍ୟାଳୟର ଆଲୁମିନ୍ ଗଠନର ପ୍ରସ୍ତୁତି ବୈଠକ !!!

Sunil Chandra Nayak

ରୂପସା ରେଳ ଜଙ୍କଶନ ପ୍ରତି ରେଳ ବିଭାଗର ବୈମାତୃକ ମନୋଭାବ ଏପ୍ରିଲରେ ଆନ୍ଦୋଳନ ଚେତାବନୀ

masiha

Leave a Comment

error: Content is protected !!