ବିଧାୟକ ଶ୍ରୀ ତନ୍ତୀ ଙ୍କ ଦ୍ଵାରା କୁମ୍ଭାର ମାନଙ୍କୁ ସମ୍ମାନିତ
ରାଉରକେଲା : ବିଶ୍ରା ଛକରୁ ବନ୍ଧମୁଣ୍ଡା ଯିବା ରାସ୍ତା କଡ଼ରେ ଘର କରି ରହୁଥିବା କୁମ୍ଭାର ମାନଙ୍କୁ ରଘୁନାଥପାଲ୍ଲୀ ବିଧାୟକ ତଥା ଜିଲ୍ଲା ଯୋଜନା କମିଟି ର ଅଧକ୍ଷ ଦୁର୍ଗା ଚରଣ ତନ୍ତୀ ସମ୍ମାନିତ କରିଛନ୍ତି । ମଠ ହେଉ କିମ୍ବା ମନ୍ଦିର ହେଉ ଅଥବା ଆଶ୍ରମ ହେଉ ମାଟିର ଦୀପଟିଏ ବିନା ଏହି ସ୍ଥାନକୁ ଆସୁଥିବା ଭକ୍ତ ଶ୍ରଦ୍ଧାଳୁଙ୍କ ପୂଜା ଅଧୁରା ଥାଏ । କେବଳ ସେତିକି ନୁହେଁ ବର୍ଷ ସାରା ଅନୁଷ୍ଠିତ ହେଉଥିବା ଭିନ୍ନ ଭିନ୍ନ ପର୍ବ ପର୍ବାଣୀ ମାନଙ୍କରେ କୁମ୍ଭାର ମାନଙ୍କ ହାତ ତିଆରି ମାଟିର ଦୀପଟିଏ ନିତ୍ୟାନ୍ତ ଆବଶ୍ୟକ । ସେ ଶୀତ ହେଉ କିମ୍ବା ଖରା କିମ୍ବା ବର୍ଷା ହେଉ ବର୍ଷ ତମାମ ଲୋକଙ୍କ ଏହି ଚାହିଦା ମେଣ୍ଟାଇବା ପାଇଁ କୁମ୍ଭାର ମାନେ ଝାଳବୁହା ପରିଶ୍ରମ କରିଥାନ୍ତି । ସମାଜ ପ୍ରତି ସେମାନଙ୍କର ଏହି ସମର୍ପଣ ଭାବନାକୁ ସମ୍ମାନ ଜଣାଇବା ପାଇଁ ରଘୁନାଥପାଲ୍ଲୀ ବିଧାୟକ ଶ୍ରୀ ତନ୍ତୀ ନିଜ ସମର୍ଥକ ମାନଙ୍କ ସହିତ ବିଶ୍ରା- ବନ୍ଧମୁଣ୍ଡା ରାସ୍ତା କଡରେ ନିଜ ପରିବାର ସହିତ ବାସ କରୁଥିବା ପ୍ରତ୍ୟେକ କୁମ୍ଭାର ମାନଙ୍କ ଘରକୁ ଯାଇ ଘରର ମୁଖିଆଙ୍କୁ ସମ୍ମାନିତ କରିବା ସହିତ ସେମାନଙ୍କର ସୁବିଧା ଅସୁବିଧା ସମ୍ବନ୍ଧରେ ପଚାରି ବୁଝିଥିଲେ । ଏହି ପରିଦର୍ଶନ ସମୟରେ କୁମ୍ଭାର ମାନଙ୍କ ହାତରେ ହାତ ମିଳାଇ ମେସିନ ମେସିନ ଦ୍ୱାରା ନିର୍ମିତ ହେଉଥିବା କେତୋଟି ମାଟି ଦୀପ ନିର୍ମାଣ କରିଥିଲେ । ଯାହା କୁମ୍ଭାର ଭାଇ ମାନଙ୍କୁ ବେଶ୍ ଉତ୍ସାହିତ କରିଥିଲା।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
