ପଥ
କାଙ୍ଗାଳୀ ଚରଣ ସେଠୀ
ପ୍ରଣୟ ନଦୀର ପଥେ ଦେଖୁଛି ମୁଁ
କାହା ଚିହ୍ନା ପାଦ ଚିହ୍ନ
ନୀଳ ନିଳୟର ଅଳିନ୍ଦ ବାହାରେ
ଶୁଭେ କା ନୂପୁର ସ୍ଵନ ।
ପାନ୍ଥଶାଳା କାନ୍ଥେ କାର ଲେଖା ଅଛି
ଅଙ୍ଗାର ଚିହ୍ନରେ ନାଆଁ
କିଏସେ ତନ୍ମୟୀ କେଉଁ ସ୍ବପ୍ନ ଦ୍ଵୀପେ
ଉଙ୍କିମାରେ ତାର ଗାଆଁ ?
ତା “ପଥକୁ “ଚାହିଁଛି ମୁଁ ଚୁପି ଚୁପି
ଗୋରା ଜହ୍ନ ଆଲୁଅରେ
ଲତା ପତ୍ରେ ଲୁଚିଛି କି ଲାଜକୁଳି
କେଉଁ ଅଜଣା ସାଥିରେ?
ଅନେକ ଋତୁର ଚକ୍ରେ କରୁଥିବି
ଏକା ଅପେକ୍ଷା ତାହାରେ
ଅନେକ ଆଲୋକ ବର୍ଷ ବିତିଯିବ
ଖାସ୍ ତାର ପ୍ରତୀକ୍ଷାରେ ।
ଅନେକ ଅନେକ ରାତି ଉଜାଗରେ
ବିତାଇବି ତାର ପାଇଁ
ତଥାପି ଅପେକ୍ଷା ମୋର ଅନନ୍ୟା ସେ
ଥରେ ଦେଖିବାର ପାଇଁ।
ଯାଜପୁର
