ହସ
ପ୍ରତାପ କିଶୋର ରାଉତ
କେବେ ଝରିପଡେ
ଶୀତ ସକାଳ ର ଶିଶିର ବିନ୍ଦୁରେ
କେବେ ଝଡ଼ ଥମି ଯିବା ପରେ
ଲାଜେଇ ଜହ୍ନ ର ଆଖି ମିଟିକା ରେ
କେବେ ପ୍ରିୟା ର ଓଢଣୀ ତଳ
ଲାଜୁଆ ଓଠରେ
ପୁଣି କେବେ ବୈଶାଖୀ ରାତି ର
ମହୁଲିଆ ନିସ୍ତବ୍ଧ ପାହାନ୍ତି ରେ ,
କେବେ ପୁଣି ଛଳନା ର ଜଉଘରେ
କେବେ ବିଦ୍ରୁପ ର ଖିଆଲ ରେ
କେବେ ଆଶକ୍ତି ର ନିବିଡ଼ ଚୁମ୍ବନ ରେ
କେବେ ଶିଶୁ ର ଅଭୁଝା ମନ ର
ସ୍ୱପ୍ନ ପାରିଜାତ ଅଗଣା ରେ ,
କେବେ ଚିବୁକ ର ମିଛ ଲୁହ ରେ
ପୁଣି ସ୍ମୃତି ସାଗର ର ଉତ୍ତାଳ ତରଙ୍ଗ ରେ
ମନ ର ଶୁପ୍ତ ଆବେଗ ଚେଇଁ ଉଠିବାରେ
କେବେ ପୁଣି ଅନ୍ତଃ ହୀନ ପ୍ରେମ ର
ନିରୁତା ସତ ର ମାପ ଚୁପ ରେ
ତେନ୍ତୁଳିପଦୀ,ହାଟଡ଼ିହି,କେନ୍ଦୁଝର
