ଜଣାଣ
ମାନଗୋବିନ୍ଦ ସ୍ବାଇଁ
କିଏ ସେ ଆସୁଛି ମନ୍ଦିର ଭିତରୁ
ପଟୁଆର ଲମ୍ବା ଧାର
ଢଳି ଢଳି ଆସ ବାଇଶି ପାହାଚ
ଭକ୍ତ କରଇଁ ଜୁହାର।
ଆଗକୁ ଯାଉଛି କ୍ଷଣିକ ରହୁଛି
ଘଣ୍ଟା କର ତାଳ ଧ୍ବନି
ଟିକିଏ ଦିଶୁଛି ଟିକିଏ ଲୁଚୁଛି
ସେ ପରା ମୋ ବ୍ରହ୍ମ ଜ୍ଞାନି।
ଭକତ ମେଳରେ ଆସୁଛି ସାଥୀରେ
ଆହା କି ସୁନ୍ଦର ଶୋଭା
ବରଷକୁ ଥରେ ବଡ଼ଦାଣ୍ଡ ପରେ
ରଥେ ହୋଇଥାଏ ଉଭା।
ଦର୍ଶନ କରିଲେ ସବୁ ଭକ୍ତ ଜନ
ନିଜକୁ ପବିତ୍ର ମଣି
ଭଜନ ଜଣାଣ ଗାନ କରୁଥିଲେ
ପ୍ରଭୁ ମୋର ଏକ ଗୁଣି।
ସକାଳ ସନ୍ଧ୍ୟାରେ ଜପ କରୁଥିଲେ
ପାପ ସବୁ ଯାଉ ଛାଡ଼ି
ଜଗତ ବାସୀଙ୍କୁ ମଙ୍ଗଳ ରଖନ୍ତୁ
ମାଗୁଛି ମୁଁ ହାତ ଯୋଡ଼ି।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା