କୋକସରା,୧୨ା୬- (ମ ନି ସ ) କଳାହାଣ୍ଡି ଜିଲ୍ଲା କୋକସରା ବ୍ଲକ ଆମପାଣି ପ୍ରାଥମିକ କୃଷି ସମବାୟ ସମିତି ସଭାପତି ପଦ ପାଇଁ ରବିବାର ନିର୍ବାଚନ ହୋଇଛି । ଏଥିରେ ସଭାପତି ଭାବେ ବିରଞ୍ଚି ନାରାୟଣ ପଣ୍ଡା ର୍ନିଦ୍ୱନ୍ଦରେ ନିର୍ବାଚିତ ହୋଇଛନ୍ତି ।
ଗୋପିଚନ ନାଏକ, ତିଲୋତ୍ତମା ନାଏକ, ପ୍ରଦୀପ କୁମାର ସାହୁ, ହରିଶ୍ଚନ୍ଦ୍ର ନାଏକ, ମନୋଜ କୁମାର ଦାସ, ପ୍ରସନ୍ନ କୁମାର ବାରିକ, ପଞ୍ଚାନନ ବେଶ୍ରା, ଯମୁନା ମାଝି, ସୋନୁ ଅଗ୍ରୱାଲ, ଭିକାରୀ ଚରଣ ମାଝି, ନିତ୍ୟାନନ୍ଦ ମାଝି, ଫକିର ପୁଝାରୀ, ଏକାମ୍ବର ନାଏକ ଓ ଟିକିଚନ୍ଦ୍ର ଧ. ମାଝୀ ସଭ୍ୟ ଭାବରେ ମନୋନିତ ହୋଇଥିବା ସୂଚନା ମିଲିଛି ।
ଶ୍ରୀପଣ୍ଡା ସଭାପତି ହେବାପରେ ଚାଷି ମାନଙ୍କ ଧାନ କ୍ରୟ, ଟୋକନ ପ୍ରକ୍ରିୟା ଏବଂ ଚାଷୀଙ୍କ ବିଭିନ୍ନ ସମସ୍ୟାରେ ସ୍ୱଚ୍ଛତା ଆଣିବା ପାଇଁ କହିବା ସହ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ଏଥିରେ ନିର୍ବାଚନ ଅଧିକାରୀ ଭାବେ ଡୁଡୁକାଠେଙ୍ଗା ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସହଦେବ ଭଏଁସାଲ ରହିଥିଲେ । ଅନ୍ୟ ମାନଙ୍କ ମଧ୍ୟରେ ଆମପାଣି ପ୍ରାଥମିକ କୃଷି ସମବାୟ ସମିତି ସମ୍ପାଦକ ବିକାଶ ରଞ୍ଜନ ପଣ୍ଡା, ଡିଇଓ ହେମନ୍ତ ହଂସ ସମେତ ସମବାୟ ସମିତର କର୍ମଚାରୀ ପ୍ରମୂଖ ଉପସ୍ଥିତ ରହିଥିଲେ ।
