ରଜ ମଉଜ
କବି ସୌରଭ ବୈଜୟନ୍ତୀ ମାଳା ମହାପାତ୍ର
ବନସ୍ତେ ଡାକିଲା ଗଜ
ବରଷକ ଥରେ ଆସିଛି ରଜ
ସଙ୍ଗାତ ହେ ଘେନି ନୂଆଁ ସଜବାଜ ll
ଚାରି ଆଡେ଼ ଖୁସୀ ମଜା
ନୂଆଁ ବେଶ ପୁଣି ହେ ସାଜସଜ୍ୱା
ସଙ୍ଗାତ ହେ ମନରେ ବାଜୁଛି ବାଜା ll
ପିଠା ପଣା ଘରେ ଘରେ
ସାଇ ଓ ପଡିଶା ସାଙ୍ଗ ସାଥିରେ
ସଙ୍ଗାତ ହେ ପାନ ଖିଲ ଟି ପାଟିରେ ll
ରଜ ଦୋଳି ଠାରେ ମନ
କେତେ ଲୋଭନୀୟ ଲାଗେ ଜୀଵନ
ସଙ୍ଗାତ ହେ ରଜ ପରବ ମହାନ ll
ବସୁମତୀ ସ୍ନାନ କରି
ନାରୀଙ୍କ ମନରେ ଉଲ୍ଲାସ ଭରି
ସଙ୍ଗାତ ହେ ସଫା ଦିଶେ ଘର ବାରି ll
ଭାଇଚାରା ଭାବ ବୁଣି
ଓଡ଼ିଶାର ସବୁ ଭାଇ ଭଉଣୀ
ସଙ୍ଗାତ ହେ ପାକୁଛନ୍ତି ରଜ ପୁଣି ll
ମହାନ ଆମ ରାଇଜ
ପୁନିଅ ପରବ ବଡ଼ ମଉଜ
ସଙ୍ଗାତେ ହେ ହେବା ରଜ ସଜବାଜ ll
ଫୁଲବାଣୀ, କନ୍ଧମାଳ
